تسقط بس .. كلمة سر .. للثورة .. بقلم: د. محمد محمود الطيب/واشنطون
14 يناير, 2019
المزيد من المقالات, منبر الرأي
22 زيارة
بحثت في ادب الثورات وثقافة الاحتجاج في كل العالم فلم اجد ابداعا وعبقرية اكثر واعمق تعبيرا من تسقط٠٠ بس٠٠جملة بسيطة من كلمتين لها علي النفوس وقع عميق ومهيب ٠تسقط ٠٠بس ماركة سودانية خالصة تعكس تفرد وعبقرية هذا الشعب المتفرد في كل شئ٠
هذا الشعب العظيم عصي علي صبية الترابي في حكمه ظن هواة السياسة هولاء بغبائهم المعهود ان صبر الشعب السوداني عليهم زمنا طويلا استكانة وخضوع تام ٠ولو كانوا يقراون التاريخ جيدا لعرفوا من هو السوداني ولو كانوا منا تشبعا بتراثنا وافتخارا وادراكا بتاريخنا لكانوا قد عرفوا من نحن٠
الشعب السوداني يعرفه القاصي قبل الداني شعب صبور وطيب ولكن الي حين واذا تجاوزت مع من تجاوز حده الفاصل”You Done”
لقد انتهيت ولو كنت لويس السادس عشر ولكم في غردون قصة تحكي لابناء الانجليز حتي الان٠٠استاذي الصيني الاصل سالني ذات مرة عن من اين اتيت يقصد بلدي٠٠اجبته من السودان٠٠كان جالسا٠استعدل في جلسته ونظر نظرة لاتخلو من الاحترام والتقدير قائلا٠٠انتم السودانيون تحظون بتقدير واعجاب شديد لدينا نحن الصينيون لقتلكم الجنرال غردون واخذكم لثارنا منه فقد اذاقنا مر العذاب٠٠شعرت بفخر لايضاهيه فخر٠٠
تسقط ٠٠بس تعني الانعتاق من دولة الحزب دولة الظلم والتمكين. دولة العنجهية والاستبداد والتسلط والتعالي والاضطهاد لمن كل من كان ليس منهم مهما علا شانه٠ تسقط ٠٠بس تعني استعادة الدولة السودانيه الي أصحابها شعب السودان العظيم صانع الثورات ومعلم الشعوب.تسقط ٠٠بس.. تعني استعادة الهيية للزول السوداني واستعادة الكرامة والاحترام للمواطن البسيط ٠تسقط ٠٠بس تعني استعادة امتلاك زمام الامر لشعبنا المبدع تعني تفجر الطاقات الكامنة لهذا الشغب المتميز. فسنون الإنقاذ كالحة السواد دفنتنا. بالحياة وعشعشت فينا الكابة ونقع في رؤوسنا طائر البوم والشؤم٠
في تسقط ٠٠بس تجد رمزية المدلول تجد الإصرار في تحديد الهدف الواحد لجموع السودانيين في ذهاب هذا النظام الي غير رجعة تسقط ٠٠بس تعني الحسم والإجماع والاقتناع انه لاجدوي لأي تعامل مع هذا النظام غير الاقتلاع من الجزور فهو نظاما فاسد حتي النخاع لايجدي معه اَي علاج غير البتر وكما يقال اخر العلاج الكي وهنا نذكر كلمة الزعيم التاريخي الراحل دكتور جون قرتق حين قال واصفا نظام الإنقاذ بانه
Too deformed to be reformed
بمعني ان النظام به الكثير من التشوهات التي يصعب معها اَي علاج. وكان هذا الحديث عن الإنقاذ في بداية التسعينات واكيد. كان دكتور قرتق اول من نادي ب تسقط ٠٠بس منذ زمن بعيد وذلك لنفاذ بصيرته وذكائه الحاد٠
تسقط بس أيقونة الثورة السودانية وكلمة السر لدخول قلوب كل الشرفاء وأصبحت تسقط ٠٠بس امضاء او توقيع يزين كل خطاب وكل بيان وكل تعليق وكل مداخلة وكل إيميل. وانا اقترح. ان تكون في ديباجة اَي خطاب رسمي يصدر من كل الفعاليات المعارضة الان٠٠ صدقوني تعبيرتسقط ٠٠بس يدعو للاطمئنان ويزيل حاجز الشك بينك وبين من تتعامل خاصة في مثل هذه الأجواء المريبة ومثيرة للشكوك ٠
تسقط ٠٠بس تعني استعادة الهيية والاحترام والانضباط قي إدارة شؤون الدولة في كل المجالات الاقتصادية والخدمية والأمنية تسقط ٠٠بس تعني استعادة الحيوية للمجتمع باكمله لينطلق كل منا في مجاله ويبدع دون حدود ويقدم كل واحد منا عصارة ابداعه وتفوقه دون تحيز او املاءات من شخص او حزب تسقط ٠٠بس ببساطة تعني استعادة السودان لأهل السودان.
قابلني صديقي المغربي بعد غيبة طويلة بعد ان حياني وبداء يسال عن احوال السودان وواضح انه متابع جدا للأحداث ودعني ملوحا بعلامة النصر. وصارخا تسقط ٠٠بس ٠٠ وتركني فاغرا فاهي من الدهشة٠
وتسقط٠٠بس
د٠محمد محمود الطيب
واشنطون
يناير ٢٠١٩
wesamm56@gmail.com
سودانايل أول صحيفة سودانية رقمية تصدر من الخرطوم
