تهانينا بالعيد .. بقلم: د. الفاتح اسماعيل ابتر

شتان ما بين عيد و عيد

ما فيش كتل او جنجاويد
شاهدنا عهد الشوم سقط
عهد التسلط والوعيد
شتان ما بين عيد و عيد
اليوم فرحنا كبير بهيج
سوداننا جاهو ربيع جديد
ثورتنا فاضت وامطرت
والخير باذن اللة يزيد
شتان مابين عيد و عيد

ياعازة شفتي الزول مرق
العزة للسودان يعيد
شفاتة يا ثورة شباب
صبيان و كنداكات حديد
شتان ما بين عيد و عيد

قدمت للعالم دروس
يا شعب رايع يا مجيد
وكتبت انشودة كفاح
ممهورة بي دماء الشهيد
شتان ما بين عيد و عيد

سوداننا يااجمل وطن
في حلية العيد السعيد
ابروف وبري وعطبرة
والسوكي دنقلا والجنيد
من كسلا كوستي للابيض
زالنجي مدني والمسيد
كادقلي للدامر تحية
سنار و بورسودان اكيد
الكل معزز في البلد
مستور وما متروك وحيد
شتان ما بين عيد و عيد

شهدانا ذكراهم جرت
جوانا زي دم الوريد
مطلبنا ثابت في القصاص
يازول مماطلة ما بتفيد
شتان ما بين عيد و عيد

eabter@msn.com

الكاتب

طارق الجزولي