بسم الله الرحمن الرحيم
في السلك
*سمعنا قالوا الجماعه ودوا جمعه كوبر
*ان صدق الحديث
*كويس جدا
*عشان يكون قريب لي كوبر
*وبمناسبة كوبر
*موضوع احمد بيتر جنا
*الحصل فيهو شنو ؟؟؟
*الموضوع ده اتذكرتوا بي كوبر دي
*ودوهوا كوبر
*عشان اقوانكم كلهم يكونوا في كوبر
*ايها الناس
*موضوع جمعه ده حقوا تضيفوهوا لي 7+7
*وعشان ما تبقي 7+8
*ضيفوا موضوع احمد بيتر جنا للسبعه التانيه
*تتوزن المعادله وتبقي 8+8
*كلو شئ زاد
*خلوها تزيد مع الحاجات
*المهم
*سيدا رجع ولا الليله راجع يا روشا
*اليوم تلتين نوفمبر
*يوم حايكون مشهود
*يوم حايوقف الزمن عندو
*لو رجع سيدا ووب
*ولو ما رجع سيدا
*ووووووووووووووووووووووب
*ولو رجع ومارجع
*وجع وجع وجع
*سيدا مسمار جحا يا فطومه
*غايتو الليله في الحالتين
*فطومه اختي آخر يوم تنطق
*اقول ليكم
*عشان ترتاحوا ودوهوا كوبر
*بعد يطلع
*اقصد يطلع فك تسجيل رجعوهوا
*طبعا لو الاتحاد خدمكم
*ورفض تسجيلو الي حين البت في شكوي المريخ
*يكون خارجكم
*ولو ورطكم وسجلو ليكم والزمو بالسداد
*شيك منكم ما بنقبل
*ومابنقدر نوديكم كوبر لحدي ما الشيك نقبض حقو
*كوبر زاتها اتملت
*كشغها مافيهو خانه فاضيه
*سيدا واجرك علي الله
*ايها الناس
*لو الجزائري ماجا
*ممكن نبدلوا بي زول من الجزيره ما مشكله
*ولو الغاني متأخر
*ممكن نجيب غيرو من افغانستان ما مشكله
*ولو السيستم قفل
*ممكن نمسحوا بي مر حجازي او نلبخ عليهو حلبه
*بفتح تاني
*المهم
*انتوا صديقنا منقو الزمان داك
*ليه شلناهوا من مقررات المدارس
*موش ممكن يكون من ابيي !!!!!
*رجعوا لينا صديقنا منقو
*منقو ده اجزم ليكم من ابيي
*وود جيران ناس جمعه كمان
*ممكن وكلو شئ جائز في بلدنا دي
*ايها الناس
*ان تنصروا الله ينصركم
*صدقوني
*انتوا انصروا الله وشوفوا حاينصركم كيف
*اها
*نجي لي شمارات والي الخرتوم
*ناس البحر ديل الذ ناس يا والينا
*ياخ مرة واحد فينا
*كتب رساله لبتاع المطعم الكلو يوم بأكل فينا
*قال ليهو يا والينا
*عزيزي صاحب المطعم البفتح علينا
*المطعم الذي يبيع لحم الكلاب لينا
*انت تعرف اني اكلت عندك الشهر الفات يا اخينا
*كوني بقيت لما ازعل من زول بعضيهو ما مشكلة يا اخينا
*كوني بقيت لما اكون باكل مع ناس بختف العضم واجري بيهو بعيد ما مشكله يا اخينا
*وكوني اسك كدايس الحله اليوم كلو مامشكله يا اخينا
*وكوني ارقد تحت المزيره واتدردق في طينها ما مشكله يا اخينا
*وكوني اهز ضنبي لما ابوي يجي داخل علينا ما مشكله يا اخينا
*وكوني اشرب من الصحن بلساني جلبق جلبق ما مشكلة لدينا
*لكن تصل لدرجة احك اضاني بي رجلي دي بالغت فيها يا اخينا
سلك كهربا
ننساك كيف وممكن يوم تلقانا ضنبنا طوييييييييييل وبتسكنا الكديسه و بنلد في الجحر ودي هي المشكله…..ياربي ولادة الجحر داخله التأمين ولا بره الـتأمين ؟؟؟؟؟
والي لقاء
سلك
b_silik@hotmail.com
//////
