بسم الله الرحمن الرحيم
في السلك
• عمك حاج احمد اليومين دي معنوياتو في السماء
• مبسوط من جو الروحانيات المتوفر بكثره في رمضان
• انا طالع من صلاة التراويح قابلت حاج احمد بعدل في مركوبو
• سلمت عليهو
• ماسكني باليد الفيها السبحه وبلبس في المركوب باليد التانيه
• وطلعنا مع بعض
• قلت ليهو يا حاج احمد حال المريخ كيف معاك ؟
• قال لي بعد الموسم ينتهي وننوم في الخيره كل الحقائق بتتكشف
• قلت ليهو توقعك لكورة الجمعه شنو ؟
• قال لي اول امس بعد قريت القرآن واتحصنت نمت وشفت رؤيه
• قلت ليهو شفت شنو ؟
• قال لي شفت جرايد الهلال بتاعت يوم السبت القادم
• قلت ليهو كتبوا شنو ؟
• قال لي ماقاعد اقرأ جرايدهم لكن لمحت الخطين الكبار في صحفهم كلها
• قلت ليهو كاتبين شنو ؟
• قال لي كلهم كاتبين بالخط العريض عنتر كتلو اعمي
• ضحكت , وقلت ليهو والخط التاني ؟
• قال لي كاتبين الحكام وما الحكام وتحت الخط جايبين صورة ايداهو وسامي عبد الله ومعلقين عليها بقولهم ايداهو يدفع سامي عبدالله بوضوح امام الحكم ويحرز الهدف القاتل
• قلت ليهو بركه الماقريت باقي جرايد يوم السبت
• ضحكنا وتفارقنا
• من يوم السبت سنسمع عن الحكام ما لم نسمعه منذ مباراة تمبو ناقص
• المكر السئ مصيره ان يحيق باهله
• كتير من المنابر اليومين دي تتحدث عن الهدوء في المباراه القادمه
• والهدوء مقصود منه طبعا وأد دوافع النصر فينا
• لاننا داخلنها لاثبات اشياء كتيره
• الداير يهدأ يهدأ نحن ما دايرين هدوء اطلاقا
• نهزم الجميع ونثبت للعالم اشياء كثيره اقلها اننا في المريخ واننا في السودان لا نتواطأ ابدا
• نثبت للعالم اننا نملك افضل اللاعبين ولكن التراخي كان سببا في وضعنا في موضع لا يشبهنا
• الرائع محمد عبد الماجد قال علاء الدين يوسف اي مدرب يشوفو يديهو عشره علي عشره
• محمد نسي حاجات تانيه نذكروا ليها
• علاء الدين يوسف اي حكم يشوفو بديهو كرت
• الهلال ذاتو اي حكم يشوفو يديهو بنلتي
• تضيع يعيدها ليهو
• تدق في ضهر زول يعدها ليهو
• ديمبا يكتل زول يمشوها ليهو
• ولا ما كده يا حمودي ؟
• قال لي مازدا عمرو ما غلب الهلال
• قلت ليهو خلاص نجهتو !
• حكام كلهم من موزمبيق وجنوب افريقيا وانجولا
• شئ غريب
• قال لي كابوندي عمل بنلتي وسادومبا جاب قون
• قلت ليهو يعني كابوندي يفلق وسادومبا يداوي
• الله يجيب خليفه يوم الجمعه
• حبة لياقه واصرار وناس كتاااار يسافروا العيد من السبت دغش بدري
• قال لي شفت سامي عبدالله يوم كورة غانا ؟
• قلت ليهو عرفت الزعيم شطبو ليييه ؟
• خطة الجماعه قتل الدافي ووارغو من الدقائق الاولي ولكن انعما بطول حياة ا دافي وياوارغو
• قال لي علاء الدين يوسف بقفل الدافي
• قلت يهو وكلتشي 0000 وايداهو000 وعنتر 000 وطمبل بقعدوا فاتحين زي نقطه البوليس ولا شنو ؟
• سمعت حديث الوالي بالاذاعه الرياضيه
• اذن المجلس يعترف بقصور الدوائر المساعده
• اذن نتوقع قرارات زي السم
• الدافي 000 الدافي 000 وعكسييييه 0000
• وقووووووووووووووووووووون
• طيروا
• مربوطه ساقطه
سلك كهربا
وطنا 0000 الحاصل شنو ؟
سلك
•
