بسم الله الرحمن الرحيم
في السلك
*الليله حانتكلم بلغة المطارات والطيارات والجو
*لغه بالنسبه لينا واضحه
*لكن بالنسبه للآخرين
*دايره شرح ودرس عصر
*المطار شافوهوا وين
*المهم
*سمعنا بي شيك طاير
*لكن عقد طاير
*دي جديده دي
*بعد ادمن الاهله الشيكات الطايره
*فكروا في طيران جديد
*ثم اتوا بفكرة العقد الطاير
*عقد المدينه الطاير
*طبعا نحنا شيكاتنا زي سودانير
*حكاية تطير دي مستحيله
*والبقعد مع الوالي مابقوم
*وسودانير بالله التقول قعدت مع الوالي
*اصلها ما بتطير
*زي شيكاتنا
*وخالد عزالدين يسأل عن العقد
*واذا اشترط القانون يا خالد شكلا معينا للعقد
*وجب اتباعه
*واذا اشترط القانون بندا معينا في العقد
*يبقي موجود ولو لم يكن منصوصا عليه
*فالقانون لم يسلب الاطراف اي حق لهم في اتفاقاتهم وصياغتها
*ولكنه برضو لم يترك الامر هبتلي كده
*في عقود معينه لاهميتها يشترط القانون فيها شروطا محدده
*ومنها الشروط الشكليه
*وعقد الدعيع معنا السنه الفاتت لم يلزمه
*خالد
*افرض بعد عقد بكري مع كردنه
*قام كردنه ما جدد ليهو
*ما وداهو الاتحاد ووقع هناك وفقا للشروط المتبعه
*بكري يلعب في الهلال بالعقد بتاع الفلسكاب ده زاتو غصبا عن كردنه وروشا وفطومه مثلا ؟؟؟؟
*عقدكم ده بلوهوا يا خالدونا
*وصفوهوا
*وقولوا ده حلو مر
*حلو لما غشيتوا بيهو جمهوركم يومين
*ومر لما كشف الكضبه والضهب
*عقد طاير
*وهو العقد مكتوب في شنو يا خالد ؟
*في ورقه مروسه بشعار عصمت ولا حاجه تانيه ؟؟
*عصمت زاتو قال مافوضكم تعملوا عقودات في اوراقو
*تاني اكتبوا في جلد تيس
*نرجع لي لغة المطار
*خسروا يا خالد الباعوا خط هيثرو
*شلنا خط هيثرو
*وخلينا ليكم خط خليفه
*روزات يا عمك
*خليفه خليفه خليفه سبعطاشر
*وخليكم صابرين
*يلا يا ثورة يا نص
*لكن تسجيل فطومه اقصد الكاردينال لي فيصل موسي ضربة معلم
*المتنا
*آآآآآآآآآآخ
*آآآآآآآآآآآآآآآآىي
*قطعت قلبنا
*تعرف يا خالدونا
*تمسكك بي عقد كردنه مع خط هيثرو
*لو قلت الكلام ده جوه المطار
*بضحكوا فيك
*انتوا المطار ده بي جوه ما بتعرفوهوا
*تعالوا نحكي ليكم عنو
*وقفتكم مع امجاد جمب جاد بره المطار
*فوتت عليكم حاجات كتيره
*ولو دايرين تشوفوا المطار بي جوه
*الا نعمل للمطار منظار
*عشان تشوفوهوا بي جوه فيهو شنو
*او نعمل ليهو مقطعيه
*الرنين ما كويس
*فيهو اصوات ما بتنفع معاكم
*زي مثلا
*المطار وينو
*المطار بي جاي
*وسجل سجل يا تاريخ
*واصوات كده بتخوفكم
*ياناس
*كابتن الهلال اليوم خليفه
*يلا يا نص
*خليكم صابرين
*وبرر ناس فوزي بيع خط هيثرو
*بانهم قرروا الاعتماد علي الشفع
*ديل يا كوتش لما شنبهم يقوم
*بتكونوا بتلعبوا في ميدان عقرب
*اسي جاب سيرة عقرب شنو يا محمد عبدالماجد !!!!!
*ايها الناس
*فكروا في موضوع باسكال كويييييييييييييييييييييس
*روشا
*قالوا لي مدربكم الجديد كيري ساي
*والله مع كردنه ده ميدان عقرب محمدكم
*تاني عقرب !!!
*المهم
*الكدايس خشوم بيوت
*في كديس المستشفي
*وده بكون سمييييييييييييييييين
*ماكل اكل العيانين والمرافقين والبطلع من العمليات
*يشيلوا ليك الكلي
*يشيلها ويجري يفطر كلاوي
*يبتروا رجل زول
*علي بال ما البنج يفك
*يكون كديس المستشفي ظبط الكوارع قبيييييييل
*وفي بلدنا دي
*ما تستبعد في الدايات يشيل ليهو شافع ويتعشي فراخ
*ده كديس المستشفي
*وفي كديس الجزارة
*ده بقت رافع نخرتو شديد
*راااااااااقد
*عارف السمينه بجدعوها ليهو بجدعوها ليهو
*وفي كديس الجيران
*ده بختف سمكه او قطعة لحمه ويتخارج
*قنوع جدا
*وفي كديس الكافتريات
*بالذات كافتريات الشيات والنيات
*يجيك مع الصينيه سوا
*ويشبكك
*ناو ناو ناو
*لو صهينت بلكزك
*داير حقو
*تجدع ليهو عضم
*يحدر ليك
*تقول دافع الفاتوره هو
*ومن انواع الكدايس
*كدايس بورتسودان
*بالتحديد سواكن
*بنضمن عديل كده
*ولو ما اخاف الكضب بغنن كمان
*واحد قال لي شاف كديسه من بتاعت سواكن بتصفر وبتدق في كرستاله عاملاها بنقز
*لكن ما وراني الكرستاله حقتو هو ولا حقت الكديس
*كدايس كتيره في السودان
*لكن اشهر كديس
*كديس جمال المربيهو في فداسي
*ده كديس وولف
*مدرب
*موصي
*لو لقي برج الحمام ناسنوا فاتح
*كففففففففففففففف
*اكبر حمامه ويجيبها لي جيمي
*كديس غريب
*لا بتسمع صوت مشيتو
*لا بياكل الضعيفه
*ولا بسولب المسكين
*يعزل اسمن حمامه ولو كان عندها عقد
*لابعرف عقد ولا مراسم زواج
*كففففففففففففففف
*يخلي ليك البرج ريحتو طير طير
*انت يا جيمي كديس فداسي ده دربتو وين ؟؟؟
*اسي قالوا لابد ليهو فوق راي
*المره دي الجماعه ببيعوا البرج زاتو
*ايها الناس
*ان تنصروا الله ينصركم
*اها
*نجي لي شمارات والي الخرتوم
*انت يا والينا
*خط هيثرو الحصل فيهو شنو قول لينا
*كان نسيتوا نحنا ما نسينا
*رجعتوهوا لينا
*ولا خلاص لحق الجنينه !!!!
سلك كهربا
ننساك كيف وفعلا خسروا الباعوا خط هيثرو
والي لقاء
سلك
b_silik@hotmail.com
////////////
