خمسه سنين تاااااااني ! .. بقلم: بابكر سلك

بسم الله الرحمن الرحيم
في السلك
*كلام التراس الهلال مفروض ما يتفوت ساي
*التدخلات الاداريه في الشأن الفني مشكلة من مشاكل الرياضه في البلد دي
*كمان جابت ليها تدخلات صحفيه ؟؟؟
*واذا كانت الصحافه الرياضيه تنتقد التدخلات الاداريه في الشأن الفني
*فكيف تسمح لنفسها ان تتدخل في الشأن الفني ؟؟؟؟
*ايها الناس
*اعطاء العيش لخبازو سياسه ناجحه
*والبعد عن التدخل في الشأن الفني سمه من سمات الاداره الناجحه والصحافه الناجحه
*فمن سلطات الصحافه الرقابه واظهار الحقائق
*والرقابه تتطلب الحياديه وعدم ادخال الانف في عمل ليس من اختصاصها
*واظهار الحقائق يتطلب الولاء للقيمة الاكبر 
*ليس الولاء لاشخاص
*ايها الناس
*سماح الجهاز الفني بالتدخلات الصحفيه يعني
*ضعف الجهاز الفني والاداري
*ولنا ان نسأل
*من يدير الهلال يا ناس ؟؟؟
*وفي البال ان سيده فرح اقترحت فقط اسم المريخ
*لكنها لم تتدخل في الانتخابات 
*ولم تتدخل في التشكيل
*افتينا يا اخوي
*ابو منذر الرأي عندك شنو ؟؟؟؟
*الموضوع داير رجوع سريع
*المهم
*هلال التدخلات الصحفيه يعمل ليل نهار لمحو آثار الهزيمه
*لن يتركوا وسيله الا واتبعوها
*وعشان كده مفروض نفتح شويه
*نعد العده لكل الاساليب
*ونستفيد من التسرع وبوظان الاعصاب 
*ونستفيد من التشكيل الخاطئ نتيجة التدخلات الصحفيه 
*ونطبق الحنه
*الحنه كان طبقوها بتشيل شديد
*واجود انواع الحنه
*هي الحنه البتختها ستها في بيتها
*بي راحتها
*لانو عند الحنانه
*الحنانه بتكلفتها
*الصف طويل
*وحتي لو ختتها عند الحنانه الفنانه في الخرطوم
*تجي تطبقها في بيتها في امدرمان
*تطبقها بي مهلتها
*تختها وتنوووووووووووم
*مافي زول سائلها
*ولما تصحي تلقاها شالت شديد
*المهم
*اليومين دي محمد عبدالماجد بكتب لينا عن الكديسه
*يوم واحد وتلتين يا حماده
*كلمنا عن الكلب
*وكيف كان اساسا مرفعين
*قام الانسان استأنسو وولفو 
*وبقي كلب
*وكلمنا عن انواع الكلاب 
*ومميزاتها وميزاتها
*ولما تبدأ التسجيلات
*اكتب لينا يا حماده عن القرد
*القرد البنط من شجرة لي شجره
*لانو لما التسجيلات تبدأ 
*قرود كتااااار حا ينطوا من شجرتهم
*شجرة ناشفه ويا بسه 
*لافيها ثمار تجبر القرود علي القعاد
*ولا فيها ضل يخلي القرود تقيل مرتاحه
*القرود بتحب شجر المنقه
*المنقه الصفراء فاقع لونها
*موضوع القرود ده مهم يا حماده
*وبعد داك ارجع بينا لعثمان حسين
*ايها الناس
*اكتب قبل مباراة مريخ كوستي
*اتمني صعود هذا الفريق للممتاز
*لانهم يستحقون ذلك
*فهلالاب كوستي يتوارون خلف الرابطه
*ونريد لمريخاب كوستي ان يظهروا بمريخهم عديييييييييييل
*لن يتواروا خلف شعار آخر
*الشعار شعارهم 
*ملك وسلك
*محمد عبدالماجد
*بعد القرود اكتب لينا عن عصمت سيد الشعار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كنا بنتكلم عن الانتخابات القربت تجينا
*واحد فاهم ومنظم ومتابع قال لينا
*الخمسه سنين الجايه حايعملوا لينا 
*حاجات كتيره مفيد وكباري جديده تتعمل فينا
*اقصد كباري جديده تتعمل لينا
*الزول ده متفائل شديد يا والينا
*خمسه سنين تاني وقايل روحو حايلاقينا 
*البعيش خمسه سنين  تاني مننا منو يا والينا ؟؟؟
سلك كهربا
ننساك كيف والخمسه سنين الجايه آخر شوته لينا وكلنا زون يا اخينا
والي لقاء
سلك