بسم الله الرحمن الرحيم في السلك *اسدل الستار علي موسم الترضيات الكروي *انتهي الموسم قبل البت في شكوي الخرطوم الوطني *انتهي الموسم بدون سؤال الحكم عن اسباب نقضه للهدف الثاني للخرطوم الوطني *انتهي الموسم كغيره من المواسم التي انتهت *واعلنت نهايتنا الكرويه بسبب الترضيات والموازنات *قبل كده انتهي الموسم وهناك شكوي مقدمه في قانونية اشراك عمر بخيت *حيث نال البطاقة الثالثه في مباراة ناساروا (الوديه ) لتغطيه اثر الاعارة المكندشه *وكانت المباراه معلنه *وبالتالي تعتبر فيها الكروت والتقرير *ولما قدمت الشكوي *تعلل الاتحاد بان الحكم اليوغندي (شال) التقرير معاهو ومشي كمبالا *وقالوا حايتصلوا بيهو يجيب التقرير *ولي اسي ما اتصلوا بيهو *واعتبرت بطولة الممتاز وقتها من نصيب الهلال الامر الاداري *هكذا يتحصل الهلال علي البطولات لمحليه *ولو كانت تدار البطولات القاريه بنفس الطريقه *لما قبع الهلال في صفره قرابة القرن *وهذه الطريقه هي التي جعلت ارجل كرة القدم عندنا كسيحه شديد *ايها الناس *الآن اعلنوا الهلال بطلا بالباطل *وهم يدركون جيدا صحة شكوي الخرطوم الوطني *وبالتالي يتجرد الهلال من نقاط تلك المباراه التي لا يستحقها *وعليه يكون متأخرا بنقطتين عن الزعيم *ولكن خروج الهلال الموسم الماضي صفرا محليا *وخسارته بالثلاثه في كاس السودان لهذا العام *كان لابد من تدخل الايادي الخفيه لتقسم الموسم بين المريخ والهلال *المريخ بي حقو *الهلال ده بتدوهوا حق الناس ليه *البش في نمرة الامتحان لا يخلق طالبا يستطيع الاستمرار في الدراسه *قاعدين تبوشوا في الهلال *عشان كده في الامتحان القاري بفشل *ايها الناس *لن ينصلح حال الكرة عندنا الا باصلاح التحكيم والاداره *واصلاح التحكيم قبل صلاح الاداره *والتحكيم لن ينصلح مالم يعطي كل ذي حق حقه *وتحكيمنا يفهم عبارة (ذي حق ) زي (زي الوان) *يعطي ل(زي الوان ) زي ما داير *الحق عندهم باللون *حطموا انفسهم بذلك *وحطمونا معهم *المنتخب دخلوا شنو ؟؟؟؟ *المهم *بعد المباراه التي واصل فيها ابو شنب ووليد اخطائهما (الغير مقصوده) في حق المريخ *خجل الاهله الشرفاء *وباتوا في ثبات ووجوم *لان الاربعه وعشرين مدرب *والسته اناطين *والاتحاد العام *ولجنة الاستئنافات *كلها مجتمعه لم تستطيع ان تهزم لهم المريخ *صمت الاهله البعرفوا الكورة وخجلوا *ووجموا داخل الاستاد يتفرجون علي ابداعات جماهير المريخ التي تغنت *المطار بي وين !!! *المطار بي جاي (يؤشرون نحو القلعه الحمراء ) *الصفر بي وين !!!! *الصفر بي جاي (يؤشرون علي مساطب الاهله) *التلاته وين !!!! *التلاته وين !!!! *التلاته وين !!! *المهم *الطل لا يهزم *وزي ماقال بلدياتنا *بتل ما بموت *عشان كده *عنتر مات لانو ما بطل *عنتر مات يوم اهلي شندي *ومات وشبع موت يوم كاس السودان *مات بالتلاته *يعني تاني رجعه للحياه مافي *اما الزعيم *فلم يمت *منو في البلد دي القدر يغلب الزعيم طول موسم الموازنات ده ؟؟؟؟؟ *بتل ما بموت يا عمك *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *الشتا داخل علينا *والجوع ما بخلينا *اكل كتير ورخيص توفر لينا *ولا تفتح المطار نتخارج تخلينا *ولا تتخارج يا والينا !!!!! سلك كهربا ننساك كيف ومع البرد الجاي علينا مع الجوع الفينا الايبولا احسن لينا بريحنا وتودينا والي لقاء سلك b_silik@hotmail.com /////////
