بسم الله الرحمن الرحيم
في السلك
• الجماعه
• المتشبرقين
• اليومين دي فرحانين
• يتشبرقوا سااااااااي
• قالوا متشبرقين بفيلا المعز
• فيلا زي الفيلا
• والمعروف انو النوع ده من الشقق هو شقق بيع بالتقسيط
• السؤال
• منو البدفع الاقساط ياعزو ؟
• غايتو كان داير كلامي
• الفيلا سمحه
• ماتفرط فيها
• كلم ابوك بالحقيقه
• عمك محجوب فنجري
• بسدد ليك باقي الاقساط
• وبعد داك فاليتشبرق المتشبرقون
• بعد شهادة البحث ياعزو تكون خاليه من الموانع
• زي شهادة بحث عمارة سفاري
• لا اقساط ولا يحزنون
• كااااااااااااااااااااااااااش
• زي فيلا بله جابر
• فيلا بله دي حلوه موش !
• المهم انها كاااااااااااااااااش
• لكن الطشاش في بلد العمي شوف
• فيلا بالاقساط محمد عبد الماجد كاتب فيها اربعه يوم
• مساحة الفيلا 200 م م
• ومساحة الكتابه عن الفيلا 1200 م م في الصحف
• الجديد في الكرو حلو
• ده مثل
• يعني الشئ الجديد حتي لو كان الجديد (دبرة حمار ) حلو
• الله يسألكم سمعتوا يوم مريخابي كتب عن عمارة سفاري
• او فيلا بله
• او مدينة قلق
• قلق عندو مدينه للمعلوميه
• المدينه هي شنو
• موش خمسين بيت !
• يبقي خلاس
• قلق عندو مدينه وتلاته بيوت
• مادايرين نتكلم عن العمارات
• البلد دي فيها عمارات اتنين
• واحده في الخرطوم شرق الديوم وغرب شارع افريقيا
• والتانيه حقات العجب
• تقول لي فيلا بالاقساط !
• المهم
• غدا اول خطوات عودة البطوله لاهلها
• من مدني
• المسيره والسيره
• مهما كانت ظروف سيد الاتيام
• ومهما كانت دوافعه
• الا ان حظه العاثر جعله اول خطوات عودة البطوله انشاء الله
• مع العلم بان نيل الحصاحيصا له فرصه جيده لتمثيل البلد خارجيا
• ويقوده ابراهومه
• وابراهومه هو السم القدر عشا الجماعه
• بعرفوهوا سيد جوع بطنهم
• اسي الجاب سيرة الجوع شنو !
• الزول ده خلي العمليه ورجع يتكلم عن الجوع تاني !
• المهم
• الكونفدراليه وصلت مرحله متقدمه
• كانت جعرانيه سااااااي
• لكن السنه دي احلوت
• والاتحاد الافريقي قال السنه دي الجعرانيه اقوي من الابطال
• واسمح
• وبطلها حايمثل افريقيا في كاس العالم للانديه
• البطوله العالميه للانديه
• الساكنها ناس محمد عبد الماجد من زمن كانت في اليابان
• اسي مشت ابو ظبي
• الخوف يا حماده البطوله تلف العالم و تجي الخرطوم وتكونوا فراجه
• المهم
• في الكونفدراليه وصلت اربعه فرق
• تلاته ماشافوا بطوله افريقيه بي عينهم
• وما بعرفوا ليها
• والرابع متمرس وصاحب بطولات
• الرابع مسجل معانا في لوح الشرف الافريقي
• اللوح المكتوب فيه اسماء الانديه حاملة الكاسات الافريقيه
• الاهلي المصري والزمالك والترجي والصفاقسي والمريخ
• الناس الكبارات يعني
• الاسماعيلي زاتو مسجل
• سنة 90 شال كاس
• الاسماعيلي بتاع ناس حمص
• ثقيل ياحمص
• اسي الجابك شنو !
• المهم
• الانديه التلاته المامسجله في لوح الشرف حا تبقي كورس
• كورس للفنان المسجل في لوح الشرف
• هو يغني
• وهم يصفقوا
• يقولوا ليك الآن مع الفنان فلان الفلاني
• الكورس مافي زول بجيب سيرتهم
• يطلعوا ليك المسرح قبال الفنان
• واطق اطق طق طق طق
• يصفقوا
• مافي زول بصفق ليهم
• اول من الفنان يطلع الناس كلها تصفق
• ويغني الفنان
• والكزرس يشيل
• والفنان يشيل العداد
• ويدي الكورس الفتات
• حفلة الكونفدراليه حفله رائعه
• ما تفوتكم
• انا غايتو في كورس زي البعرفو
• ياربي يكون منو ؟
• ياناس
• مدني السني
• ما تنسوا
• كلنا
• من بدري هناك
• ملحوظه
• النعيم لعب ولا لسه !
سلك كهربا
ننساك كيف يا فرده
والي لقاء
سلك
babikir maki [b_silik@hotmail.com]
