فلسطين بلد وحله وحاله … بقلم: بابكر سلك
8 June, 2010
بسم الله الرحمن الرحيم
في السلك
• قبل ايام استضفنا فلسطين البلد
• لعبنا مباراه حبيه معها بارض الحضارات
• ويوم الخميس حانستضيف انشاء الله فلسطين الحاله
• وفلسطين الحله دي طبعا في الابيض
• حي عريييييييييييييييق
• المهم في الموضوع استضافتنا لفلسطين الحاله
• حاله كربه
• تحت خط الفقر
• تحت شنو
• من خط الفقر واحفر بير
• بير الف متر
• دي غايتو الا تستعينوا بالشريف للحفريات
• حاله فلسطين شديد
• بعد وفاة والدة قلق عليها رحمة الله
• قابلت تلاته اهله
• طبعا خايفين
• وعارفين ان الاحزان تدفع قلق للانجاز
• واحد قال الكوره متين ؟
• التاني قال ليهو بعد تمانيه ايام
• التالت دنقر وصنقع وقال لهما اووووووووووف
• قلت ليهو ليه تقل لهنا اوف ؟
• قال لي برضو الحال ياهو نفس الحال
• قلت ليهو كيف ؟
• قال لي نحنا تلاته اهله
• لو شالوا من كل زول فينا يومين وادوهم للحاجه دي لي يوم تسعه مالو؟
• عشان ناس قلق يكونوا لسه مارفعوا
• نسوا ان اجل الله لا يتغير
• قلت ليييييييييكم
• المريخ بخلي المجنون يطقع والعاقل يهبش
• اها
• قلق قال بهدي الثلاثه نقاط واهدافو الاتنين لروح والدتو
• لها الرحمه ياكابتن
• ونيابه عنها هديه مقبووووووووووووووووووووووووله
• للذكري
• يوم عشره وارقو لابس عشره
• كان لعبوا لعيبتهم في مباراة فلسطين ووووووب
• الجهاز الفني قصد ارهاقهم في القمه
• وكان ما لعبوا لعيبتهم في مباراة فلسطين وووووبين
• الجهاز الفني للفريق القومي يجهز لاعبي المريخ للقمه
• اه يا خوافين
• انتوا في احسن حالاتكم بتتخندقوا
• في حالتكم الشايفه دي تتخندقوا وتتكندكوا
• وكنداكه
• سيدي 000 سيدي الاراكا
• اقعدوا باروا الارباب لمن تلعبوا في الحله جمب الباب
• كورة شراب
• ماتقول الشرابات رخصت
• الجوز بخمسميه
• خمسميه ماعندكم ؟
• العبوا بالحجار
• اول من تلقي ناس خالد عزالدين بتكلموا عن الحركه الوطنيه اعرف الزنقه حاصله
• خالد قال الهلال ود عز من يوموا
• والمريخ يادووووب عرف العز
• ياخالد
• ادونا قطعتين ارض لاستادنا واستادكم
• بنينا استادنا
• وافتتحناهوا
• ولعبنا في النجيله
• وللوكت داك انتوا زاربنوا بالشوك يا اولاد العز
• فرق السنين بين تشييد الاستادين بوري منو العز ومنو الغاشي المعز
• قسم الخامس كاتب الآتي
• كل من شهد اللقاء تحسر علي نادي الاسهامات الوطنيه
• موش قلت ليكم لما الزنقه تحصل بتكلموا عن الحركه الوطنيه
• الحركه الوطنيه زمن الحركه يمين ؟
• الحركه بالحا ؟
• الحركه الوطنيه بقت اتجاه واحد
• واي حركات تانيه تبقي خليل ساااااااااااااااي
• خالد قال الهلال تاريخيا هو اكثر نادي مؤثر في الحركه السياسيه في السودان
• برضوا حركه
• ياجماعه الناس ديل قالوا الروب
• لو رفعتوا العلم وقطعتوا تذاكر القطر للانجليز عشان يمرقوا من البلد برضو مغلوبين
• لو رحلتوا استادكم من الزريبه للبرلمان برضو مغلوبين
• لو ادوكم كرسي في الامم المتحده برضو مغلوبين
• هي بالعقل ولا بالحظ ؟
• الحظ ذاتو يبقي مجنون لو حالفكم يوم الخميس
• كل المطلوب من الصفوه هو الحضور الباكر بحناجر حمراء واعلام صفراء فاقع لونها تسر الناظرين
• وكل المطلوب من اللاعبين الجديه ورفع شعار لن تسقط لوزة قطن واحده
• الدوري لازم ( فل مارك )
• النمره الكامله
• ياناس فلسطين
• يوم الخميس حجر حجرجر حجارها لأ 0
سلك كهربا
لن ننساااك , سنهديك نصر الخميس
والي لقاء
سلك
babikir maki [b_silik@hotmail.com]