قصص وغرائب عن الشخصية السودانية: شعب من ذهب .. عرض/ د. عادل عبدالعزيز
د. عادل عبد العزيز حامد
5 December, 2022
5 December, 2022
د. عادل عبدالعزيز
مركز سما العالمي للإستشارات – بريطانيا
عمنا / محمد / كان صاحب بوفيه في معهد بخت الرضا الذي كان قبلة لطلاب العلم من كل مديريات السودان.. وكان الطلاب دائماً يأكلون ويشربون الشاي والبارد من بوفيه عمنا محمد (بالدين) لامن قطعوا رأس مالو ..
فكان يذهب للمدير ويقول : الاولاد ديل قطعوا رأس مالي قروشي كلها بقت في الدفاتر اكل وشراب ، وشاي ، وسجائر ،
المدير يقول ليهو : انا ما قلت ليك ماتدينم ..
يقول للمدير أسوي شنو ؟ الاولاد اهلهم بعاد .. يقوم المدير يديهو الفيها النصيب يمش يفتح تااااني يقطعوا رأس مالو استمر الحال هكذا وطال الزمن وفرق بينهم .. والأولاد اتخرجوا .. وحاج / محمد / تقدم به العمر وأصبحت عندو مشاكل في العظام والأطباء نصحوهو يسافر الخرطوم للعلاج ..
اصطحب معه إبنه وجاء امدرمان شارع الدكاتره وولدو ساندو وماشين
حاج / محمد / قرأ لافته مكتوب عليها اسم دكتور وفيه ( كُنيه) يحفظها تماما
قال لولدو دخلنا العياده دي
دخل طوالي قال للسكرتيره يابتي الدكتور دا من منطقة كذا ؟
قالت ليهو : نعم
قال ليها : فيهو علامة ضربه فوق حاجبو ؟
قالت ليهو : نعم
اسمو فلان الفلاني ؟؟
قالت : نعم .. بس انت يا حاج عايز شنو ؟
قاليها ادخلي وقوليلو في زول بره طالبك قروش جاء لي قروشو ..
دخلت لي الدكتور قالت لي في زول واقف بره قال طالبك قروش وانت ما خلصتو .. دق الطربيزه قاليها زول طالبني انا ؟ طيب دخليهو .. وما أن دخل حاج / محمد / حتي بكى الدكتور وصاح بأعلى صوته والله طالبني قروش وأكتر من القروش واحتضن حاج محمد وبكا كثيراً وقال للسكرتيره اعتذري للمرضى وقولي ليهم والد الدكتور جاء من البلد وهو مريض ،، واصطحب حاج محمد للبيت ، وهناك إتصل بأبناء الدفعه ، قال ليهم باكر الفطور معاي ، وفي زول طالبكم قروش جاء لقروشو .. الدفعه كان لها حظ وفير من العلم مهندسين وقضاة وضباط كبار حضروا وسلموا على حاج محمد وبكوا كلهم .. تم علاج حاج محمد ، وكل يوم اللمة في بيت واحد منهم ، حتي في لواء من طلبة حاج محمد في جوبا ركبوا كلهم طيارة الجيش وذهبوا بحاج محمد جوبا بعد ذلك قدموا له هدايا عظيمه وكانوا كلهم في وداعه وحاج محمد يبكي ويقول ليهم يا أولادي انا سويت ليكم شنو ؟
شوفوا جمال الشعب ده ووفاؤه لهذا الرجل الكبير في السن فعلا شعب من ذهب
هذا شعب لا يستحق الذل والهوان
حفظ الله العباد والبلاد من كل شر يارب العالمين
skyseven51@yahoo.com
/////////////////////
مركز سما العالمي للإستشارات – بريطانيا
عمنا / محمد / كان صاحب بوفيه في معهد بخت الرضا الذي كان قبلة لطلاب العلم من كل مديريات السودان.. وكان الطلاب دائماً يأكلون ويشربون الشاي والبارد من بوفيه عمنا محمد (بالدين) لامن قطعوا رأس مالو ..
فكان يذهب للمدير ويقول : الاولاد ديل قطعوا رأس مالي قروشي كلها بقت في الدفاتر اكل وشراب ، وشاي ، وسجائر ،
المدير يقول ليهو : انا ما قلت ليك ماتدينم ..
يقول للمدير أسوي شنو ؟ الاولاد اهلهم بعاد .. يقوم المدير يديهو الفيها النصيب يمش يفتح تااااني يقطعوا رأس مالو استمر الحال هكذا وطال الزمن وفرق بينهم .. والأولاد اتخرجوا .. وحاج / محمد / تقدم به العمر وأصبحت عندو مشاكل في العظام والأطباء نصحوهو يسافر الخرطوم للعلاج ..
اصطحب معه إبنه وجاء امدرمان شارع الدكاتره وولدو ساندو وماشين
حاج / محمد / قرأ لافته مكتوب عليها اسم دكتور وفيه ( كُنيه) يحفظها تماما
قال لولدو دخلنا العياده دي
دخل طوالي قال للسكرتيره يابتي الدكتور دا من منطقة كذا ؟
قالت ليهو : نعم
قال ليها : فيهو علامة ضربه فوق حاجبو ؟
قالت ليهو : نعم
اسمو فلان الفلاني ؟؟
قالت : نعم .. بس انت يا حاج عايز شنو ؟
قاليها ادخلي وقوليلو في زول بره طالبك قروش جاء لي قروشو ..
دخلت لي الدكتور قالت لي في زول واقف بره قال طالبك قروش وانت ما خلصتو .. دق الطربيزه قاليها زول طالبني انا ؟ طيب دخليهو .. وما أن دخل حاج / محمد / حتي بكى الدكتور وصاح بأعلى صوته والله طالبني قروش وأكتر من القروش واحتضن حاج محمد وبكا كثيراً وقال للسكرتيره اعتذري للمرضى وقولي ليهم والد الدكتور جاء من البلد وهو مريض ،، واصطحب حاج محمد للبيت ، وهناك إتصل بأبناء الدفعه ، قال ليهم باكر الفطور معاي ، وفي زول طالبكم قروش جاء لقروشو .. الدفعه كان لها حظ وفير من العلم مهندسين وقضاة وضباط كبار حضروا وسلموا على حاج محمد وبكوا كلهم .. تم علاج حاج محمد ، وكل يوم اللمة في بيت واحد منهم ، حتي في لواء من طلبة حاج محمد في جوبا ركبوا كلهم طيارة الجيش وذهبوا بحاج محمد جوبا بعد ذلك قدموا له هدايا عظيمه وكانوا كلهم في وداعه وحاج محمد يبكي ويقول ليهم يا أولادي انا سويت ليكم شنو ؟
شوفوا جمال الشعب ده ووفاؤه لهذا الرجل الكبير في السن فعلا شعب من ذهب
هذا شعب لا يستحق الذل والهوان
حفظ الله العباد والبلاد من كل شر يارب العالمين
skyseven51@yahoo.com
/////////////////////