قصيدة: التاتشر الدهست مؤيد أخوي .. بقلم: د. محمد بدوي مصطفى

٭٭٭
نايم معاك يمّا
لا هم ولا غمّة
لمن غشاني النوم
وحلمت بالخرطوم
ناشطة وبلا حمّى
راقد معاك لليل
بحلم أقول بالحيل
سوداني في دميّ
وخاتيهو في قلبي
نايم وما عارف
إنو القدر جارف
لا أيدي لا كراعي
لا الظلم د ابتاعي
لكنهم جونا
في الليل ودهسونا
لمن مصاريني
طلعت تضاريني
وداعة الألف يمّة
وإن شاء الله نتلمّى
في الخلد مع اخواني
وما تشيلي هم تاني
مؤيدك دا شهيد
وقلب أخوهو حديد
ودعتك الله خلاص
وعفوكِ بالإخلاص
ووطنا حرّ يمة
لا هم ولا غمّة

—

www.mohamed-badawi.com
Dr. Mohamed Badawi
University of Konstanz (SLI)

Tel.: +49-7531-88-4418
Fax: +49-7531-8138196
E-Mail: mohamed.badawi@uni-konstanz.de

الكاتب

د. محمد بدوي مصطفى