بسم الله الرحمن الرحيم
في السلك
*الظلم الاعلامي الواقع علي المريخ من الاعلام الذي يفترض فيه الحياد كبير
*ولا زال برنامج رضا بتلفزيون الهلال القومي يشتغل بالتغطيه الواضحه علي كشف اي شئ يوضح التآمر
*امس القريبه دي
*الجهاز اعاد اي لقطه
*الا لقطة ضربات الجزاء التي ترتكب مع بكري المدينه
*فالحرب اصبحت ضد المريخ وضد بكري المدينه
*لا التحكيم يريد ان ينصف بكري
*ولا برنامج رياضة رضا داير يوضح السقطات الكتيره والظلم البائن
*قبلنا بكل ذلك
*لان مجتمع المريخ الضعيف لم يتمكن من زحزحت رضا عن هذا البرنامج
*ولكن بالطبع لن نقبل مثل تلك التصرفات من آخرين
*صديقي شمس الدين باذاعة هوي السودان
*وهي اذاعه يري المريخاب انها محايده
*فاضحت قبلة للكثير منهم
*صديقي شمس الدين بالامس قال
*جمهور المريخ في شندي هو من اعتدي علي رجل الخط
*يا شمس
*جمهور المريخ في شندي كان قاعد في المسيتكاب
*قعدوهوا في الاستاد في حته صوتو ما يصل منها
*فكيف يصل الحجر من هناك
*مع ملاحظة ان رجل الخط اصيب من مدج شندي
*يعني مافي علاقه بين المدرج الذي اصيب منه الحكم
*ومدرج المريخ البعيد داك
*شمس
*المهنيه لاتعني اطلاقا ان تضغط علي انتماءك من اجل ارضاء اخرين
*ودي علة المريخ
*من ينتمي له يضغط عليه ليبرز مدي مهنيته
*وده في حد زاتو ضغط واضعاف للمريخ
*شمس
*وسامح الله الذين فرضوهوا علي المريخ
*نحن لا نشك في مريخيتك
*ولا في مهنيتك
*فقط اعلم ان المهنيه لاتعني باي حال الضغط علي المريخ
*رضا
*قلت لي جهازكم بايظ ؟؟؟؟
*الله يشفيكم
*المهم
*اصر علي وجهة نظري في تراوري
*فعندما وصفته بملكة جانسي الموسم السابق لم يكن عبطا
*هذا التراري لا يخدم المريخ
*صدقوني
*يمشي مع ابوهو عل البر ينفعه دنيا واخري
*المهم
*روشا امس عمودو كلو عن شندي
*لم يتطرق لكسلا
*دليل علي المستوي المتواضع للهلال
*دليل علي عرق الميرغني المسروق
*فضربة الجزاء المحروم منها الميرغني
*كانت في بداية المباراه
*وكانت بالنهار الشمس بره
*لا الاضاءه ضعيفه
*ولا الغبار غطي الحكم
*ولكن جهات كتيره تعلم بضعف الهلال
*تدرك جيدا مقلب الكاردينال
*لذا يقدمون الخدمات للهلال بدون خجله
*ظنا منهم ان يستروهوا حتي التكميليه
*وبعدها كردنه يجلب الافضل
*لكن صدقوني
*بالطريقه دي الموسم ما بصل للتكميليه
*يمكن ان يصل لمثواه الاخير في اي لحظه
*ايها الناس
*مناصرة الهلال والحرب علي المريخ وعلي بكري المدينه
*للكوارث بتودينا
*وحاتشوفوا
*معقوله
*فريق في رصيدو خمسطاشر نقطه
*منها اطناشر نقطه بسبب (الاخطاء ) التحكيميه !
*دعونا نسميها اخطاء
*المهم
*لماذا يصر الحكام علي التغاضي عن ضربات الجزاء ضد الهلال ؟؟؟؟
*لماذا يصرون علي الصهينه عن تلك التي ترتكب مع بكري ؟؟؟؟
*لكن فاليعلموا
*اننا لم نعد نكتفي بهتاف التحكيم فاشل
*لدينا اساليب اخري تجعلهم يصححون (اخطائهم ) اذا لم ينفع الحل الاول
*تاني هتاف مافي
*الفي بظهر ليكم وبتعرفوهوا براكم
*المهم
*هل بالضروره ان نلعب في دبي ونحن في طريقنا لمباراة الرد الافريقيه ؟؟؟
*سؤال يجيب عليه الجهاز الفني
*محسن
*لماذا تجلسون مالك علي الدكه ؟؟؟
*ولماذا من قبله جلس عماد (الفاشر ) وانتم من قمتهم بترشيحه وتسجيله ؟؟؟
*واين عبدو جابر
*موش قلتوا بتجهزوا الفريق كلو لافريقيا !!!
*المهم
*نبارك لشباب السودان
*ونشد علي يد مازن (شمس الفلاح )
*ونسأل
*هل لعب باسم مازن زي ماقال المعلق
*ام باسم شمس الفلاح كما هو مسجل بكشوفات الاتحاد ؟؟؟
*واذا لعب باسم مازن
*هل ده تصحيح مسار ام حوجه للمنتخب
*اسئله تحتاج لاجابات من الاتحاد
*المهم
*هل يتابع المريخ زوبعة الهلال في بكري ؟؟؟
*هل فعلا قام الاتحاد بارسال افاداته للتحكيميه ؟؟
*ان كان كذلك
*هل يعلم المجلس بذلك ؟؟؟
*وهل اطلع المجلس علي ما ارسله الاتحاد ؟؟؟
*وهل يحق للمريخ التدخل بالتحكيميه علي اساس ان اللاعب لاعبه ؟؟؟
*وان كانت الاجابه بنعم ماذا فعل المجلس في الموضوع ده غير اعفاء الطاش ؟؟؟
*ايها الناس
*قروش الساحر مشت ليهو ولا نفتو ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*صحي جقورنا وصلت كبري رفاعه ؟؟؟
*كان وصلت ورينا
*وبنطوننا رجعوهوا لينا
*الخوف يكونن الجقور اكلو البنطون وقرضو المرسي وقوضوا القانون
سلك كهربا
ننساك كيف ورضا لسه قاعد
والي لقاء
سلك
b_silik@hotmail.com
//////