قنبلة كردنه .. بقلم: بابكر سلك

بسم الله الرحمن الرحيم

في السلك

b_silik@hotmail.com

*اغنية اخدت زمنها ومشت

*قنبلة سماحة الزول في الطول والعلا

*يحدثنا الاخوه الاهله سنويا عن قبلة

*وتطلع قنبلتهم فشنك

*فشنك وكاتم صوت

*زي اتوبونج

*بندقية كتال الكلاب الزمان داك اخير منها

*كتال الكلاب مرة يصيب ومره يخيب

*لكن قنبلة الاهله طوااااالي فشنك

*قالوا كردنه مشي لندن لتفجير القنبله من هناك

*ياربي يكون دساها ليكم وشتت

*داير يتخلص من الورطه دي ؟؟؟

*غايتو يا فطومه يا اختي

*لو سمعتوا تك تك تك

*كناطق رسمي انطقي لتحمي اخوتنا الاهله

*قولي ليهم اجرووووووووووا

*القنبله

*وقومي جاريه

*زول اجتماعات الواتس ده

*من لندن ممكن يفجر ليكم القنبله بالفايبر

*كان لقي القنبله اون لاين

*بعمل ليها مكالمة بالاسكايب

*غايتو لو سمعنا روووووووو

*بنعرف قنبلة كردنه ضربت

*ايها الناس

*حفاظا علي انسان هذا البلد

*نرجوا الاسراع في تكوين لجنة قوميه طبيه

*تقعد في الحدود

*اختصاصها الكشف علي اللاعبين البلقطهم كردنه ديل

*الزول ده بلقط ساي

*لقيط الجداد بس

*اللجنه تختص بفحوصات معينه

*كشف ايبولا وكبد وسعر

*لو جبتوا ليكم زول سعران

*الممتاز ده كلو بسعر

*والسعر فترة حضانتو ممكن تستمر سته اشهر

*يعني الدورة الاولي كلها

*الدورة التانيه الا نلعبها في البطري

*الممتاز كلو حا ينبح

*هو …هو …هو ….هو

*والجماهير تنبح

*والاتحاد العام يعضي

*وجرايدنا دي الا نبيعها في البطري

*وعشان ما يحصل ده كلو

*فجر يا كردنه قنبلتك اتقتل السعر في مهده

*المهم

*فطومه اختي

*عشان مقتنعه بانو القنبله فشنك

*شايفها عملت ليها بندقية طير

*اظنها دايره بدل تشطب الحمام تكتلو

*بندقية فطومه اصدق انباء من قنبلة كردنه

*ايها الناس

*وجود عمر بخيت ضمن المنظومه في الوقت الراهن هدف استراتيجي

*والقرار الفني بيد الفنيين

*وقرار الفنيون ملزم للاداره

*هكذا هي المؤسسيه والعلميه

*المهم

*برغم ان الوقت غير مناسب للتهاتر بين الادارة وانصارها والمعارضه وانصارها

*الا ان الاسلوب ايضا غير مناسب في اي مكان واي زمان

*فرموز المريخ وادارييه السابقين والحاليين

*خطوط حمراء تستوجب الاحترام

*وتستوجب التأدب في الحوار معها ولو اختلف المحاور معها في الراي

*فادب المريخ علمنا ان كبارانا منارات تضئ دروبنا

*وان احترامهم من واجبنا

*لذلك يمكن لاي جهه ان تنتقد الاخري

*لكن في حدود الادب والتأدب

*لان الامر نقد لا اساءه

*فنحن صفوه ينبغي ان نكون قدوه

*ونحن شفوت حينما تكون الشفتنه هي الانسب

*ولكن لا نتشفتن علي بعضنا

*كي لا نضعف عشقنا

*يا اقطاب المريخ وادارييه الحاليين والسابقين

*احتراماتي لكم جميعا

*ايها الناس

*ان تنصروا الله ينصركم

*اها

*نجي لي شمارات والي الخرتوم

*يا والينا

*كراكه ولا الاميرة ديانا قول لينا

*معقوله كراكه في شارع الجمهوريه تصوروها لينا

*وكلكم جايين باربعين كروزر وتمنين سارينا

*شئ طبيعي يتنضف شارع ويتنور درب يا والينا

*لكن الماطبيعي ان يهمل الشارع يا والينا

*وبوم تقشوهوا تتلملموا وتتصوروا لينا

سلك كهربا

ننساك كيف ولو قشوا الشارع يقشروا علينا

والي لقاء

سلك