ماماشه القطينه … بقلم: بابكر سلك

 


 

بابكر سلك
23 July, 2010

 

بسم الله الرحمن الرحيم

في السلك



•    الكلام مركز شديد حول كاربوني
•    والمشكله الاساسيه اللياقه البدنيه
•    رادان هزم الاتحاد الليبي بباقي لياقة كروجر ( المظلوم )
•    ميخا لم يستطع المحافظه علي لياقة كروجر الجابها ويلي الالماني
•    وبدأ العد التنازلي
•    مستوي لا يشبه الزعيم في المجموعات
•    سبب التدني فقدان اللياقه
•    اصابات تتجدد وتتكرر كل يوم
•    السبب عدم اللياقه
•    اللاعب يكتسب لياقه
•    ويفقدها بسهوله
•    البطاطير ما بايظه
•    طيب بنفقد اللياقه كيف ووين وليييييييييييه !
•    الضبط والربط اول مظاهره تظهر في اللياقه
•    يبقي المعسكرات واشباه المعسكرات غير منضبطه
•    ولانو الزول المسؤل عن الضبط ماجايب خبر
•    يبقي قدر حتت اللياقه البنطلع بيها بنكملها بره
•    حوامه ساااااااي
•    لاعب محترف مفروض يحاسب علي لياقته البدنيه
•    البحاسب هو المسؤل القريب من الملعب
•    عرفتوا منو الكتل الزول بتاع امس ؟
•    ظاااااااااااااااااااااااهره
•    المهم
•    ميشو قال طينوف ماماشوف  الوف يشوفوف مقدمنيتش عقدوف بي عينوفسكي
•    يعني ماماشي القطينه الا يشوف مقدم العقد بي عينو
•    اسلام قالت لي انا لو محلو برضو بقول ماماشه القطينه
•    ميشو شغال اربعه اسابيع قال داير قروشو
•    بالصف يا ميشو
•    اسي الصف واقف في ريكاردو
•    قدامك كتيييييييييييييييييييير
•    وقبضت الريح
•    بتعرف وردي ياميشو ؟
•    تخيلوا
•    الجماعه لعبوا ضد الفريق  اليوغندي
•    واسي جايبين توسكر الكيني
•    ويقولوا ليك سيكافا ضعيفه
•    غايتو صلاح ادريس لو مشي الاتحاد العام الهلال ياهو الغرق
•    ميشو قروشك
•    اسع
•    نااااااااااااااااو
•    قبل الانتخابات
•    وفد الكاف تفقد استاداتنا
•    في داعي اللجنه توريهو الزريبه !
•    ميدان بعشوم ! 
•    اها جبتوا لينا الكلام
•    اسي لو قالوا المنطقه فيها  (ايبولا) نطير وين نحنا ؟
•    ياناس
•    قصة الجريف دي شنو ؟
•    لو بقت حقيقه يبقي في كلام تاني
•    معقوله !
•    ادروب سيد القهوه الفي سوق امدرمان الصفوه
•    قال لي السنه دي قافله معانا شديد
•    قلت ليهو كيف ؟
•    قال لي كاس العالم , اي فريق ادروب تشجع تطير
•    قلت ليهو متأكد ؟
•    قال لي شديد
•    قلت ليهو ياادروب يااخوي خليك وطني وشجع الهلال في كورة زيمبابوي
•    استحمل
•    كلها تسعين دقيقه 
•    حمد الله علي السلامه
•    قالوا اولاد النفطي جوا
•    ده وكتوا ؟
•    يلا
•    محدش محوش منها حاجه
•    القصه دي ذكرتني زماااان
•    كان عندي موكل فاتحين ليهو بلاغ في مواجهة زول خان الامانه في قروش جمعيه خيريه
•    المتهم في البلاغ كان عندو تلاته زوجات
•    قدمنا طلب للحجز علي منقولات المتهم باعتبار انها تخص المال موضوع الجريمه
•    اجابت  النيابه  الطلب وامرت بالحجز علي المنقولات المحدده بالعريضه
•    موكلي قال لي قالوا شنو ؟
•    قلت ليهو قالوا نحجز علي ممتلكات المتهم عشان في شبهة انو اشتراها بالمال موضوع البلاغ
•    قال لي والتلاته نسوان ديل برضو عرسن بقروش الجمعيه
•    قلت ليهو نعمل شنو يعني ؟
•    قال لي يحجزوهن في النيابه
•    بالمناسبه
•    النفطي عرس بي قروشنا ولي اسي ماقدم لينا لينا شئ
•    غايتو الله يكضب الشينه
•    لكن لو الموضوع دخل نيابات اشهدوا
•    اسلام قالت لي صحي سادومبا سافر اهلوا ؟
•    قلت ليها صحي
•    قالت لي يكون مشي يقسم
•    قلت ليها يقسم شنو ؟
•    قالت لي الحافز , موش برضو ديل اهلوا ؟ فيها شنو لو الزول قسم مع اهلوا ؟ اولي لك فاولي
•    ضحكت
•    ضحكت معاي
•    ومشت
•    الناس الفرحانه
•    مسجلين في الحتانه
•    شهادة بحث
•    حاتستلموها
•    ماتشفقوا
•    لكل اجل كتاب

سلك كهربا
لن ننسااااااااااااااااااااااااااااااااااااك ولو شلنا كاس العالم
والي لقاء
سلك
babikir maki [b_silik@hotmail.com]

 

آراء