سودانايل أول صحيفة سودانية رقمية تصدر من الخرطوم
أخبار أخرى
Awatif124z@gmail.com
ما بنقــــيف
ما بنقـــــيف
رجال ونساء
شيب وشباب
شـــــعب عفيف
في الأصقاع
وكـــل بقاع
مدن بتعانف أرض الريف
ما بنقــــيف
ما بنقـــــيف
إصرار وعزيمة
نضــــــالنا الديمة
راقــي نضــيف
ما بنقــــيف
مابنقـــــيف
نحيي الجـــــدة والأمات
أبونا الحي وأخونا المات
ولى تاريخنا المرٌ وفات
نحنا الليلة نشيل ونضيف
ما بنقـــــيف
ما بنقـــــيف
ثورة جوع وحق ايتام
ضد الظلم والاجـــرام
لا أخلاق ولا إســـــلام
وكلــو قبــيح
ضــــلالة و زيف
ما بنقيف
ما بنقيف
جماعة الشحدة والارهاب
لصوص وكــلاب
وزير موهوم
رئيــــس كضــاب
وعهــــد مخيف
ما بنقــــيف
ما بنقــــيف
بــــلدنا القــامة
عـز وكــــرامة
أمان وســــلامة
وعيــش ورغيف
ما بنقــــيف
ما بنقــــيف
مرقنا خلاص .. مرقنا خلاص
مـاهمينا هديــــر ورصـــاص
ومافي رجوع .. مافي رجوع
” هدفنا القصر
حتى النصر “
بلد مفجوع
بلد مفجوع
كفاية مذلة
كفاية إهانة
و” لحس الكوع “
صبرنا كتير
صلانا هجير
هلكنا الجوع
أكلنا حــصا
صباح ومسا
وشربنا نزيف
ما بنقيـــــف
ما بنقيـــــف ..
شرارة انطلقت مين بطفيها
ذكرى أكتوبر عشعش فيها
وعانق وحدو حد السيف
شعب أصيل وجيش حاميها
وجانا ابــريل يغــني عليها :
” ما بنقـــــــيف
ما بنقـــــــيف
ما بنقيف ” .
/////////////
