موت الجداد .. بقلم: بابكر سلك

بسم الله الرحمن الرحيم

في السلك

*الجماعه بدوا هضربة الهزيمه

*قالوا ايه

*دايرين كشف منشطات

*منشطات بالنا ؟؟؟

*منشطات منو ؟؟؟

*منشطات ليه ؟؟؟

*منشطات انتو

*المريخ لايعرف المنشطات

*طول عمر المريخ لم يقبض بالمنشطات بالثابته

*شوفوا الانقبض بيها ودوليا كمان منو

*الانقبض بيها في تونس منو ؟؟؟

*وياريتها لو جابت (شربوت ) تامزينو

*بالمنشطات وبالثابته

*والعوده كالعاده صفرا دوليا حير مجلس الامن زاتو

*منشطات نحنا ؟؟؟

*منشطات اتو

*الشفتوهوا يوم نهائي السودان ده ما منشطات

*ده تقل حركة من دباباتكم الفي النص ديل

*نزار ونيلسون ونصر الدين

*تقااااااااااااااااال

*والغريبه التلاته بالنا

*يظهر التدخل الصحفي في التشكيل بتاعكم اليوم داك

*كان تدخلا صحفيا يهتم بموسيقي النطق

*قام خته تشكيله النص فيها ببدأ بالنأ

*دبابات بس

*تقاااااااااال

*ياخ ديل عاملين حيطه لي ضربة غير مباشرة

*وشدة ما تقال

*الكورة ماشه تحت رجلينهم

*لما جات لي راجي

*راجي دردقها تحت رجلينهم تاني

*لي اسي ما شافوها

*تقال تقله شديده خلاس

*التقله دي سبب هزيمتكم

*لا منشطات ولا شرائح موبايلات

*عيبكم يا ناس

*المنشطات والمسكنات

*طوالي تبدوا تبلعوا جماهيركم في المسكنات

*اشتكينا فيتا

*وديناها الفيفا

*الفيفا وعدتنا

*مصدر ضليع قال بنكسبها

*وجماهيركم تتخدر

*بلاتيني يرشح الهلال للقب الابطال

*وتسكنوا

*وجماهيركم تتسكن

*اسي اديناكم تلاته قلتوا كيف البلنت يشوتها سيسيه

*والبلنت التانيه يسويها سيدي بيه

*اها سيسيه وسيدي بيه

*دي واحده من تشكيل التدخلات الصحفيه

*دي موسيقي صحفيه ظااااااااااهره

*يشوتها سيسيه

*يعملها سيدي بيه

*نحنا مالنا يا نااااااااااس !

*لكن خوفكم من الجايه واعترافكم بالهزيمه

*خلاكم تبلعوا في المسكنات قبل الألم

*وقمتوا كتبتوا لي روحكم روشتة المنشطات

*شوفوا بتوع المنشطات مين يا حلوين

*الكتل عنتر بكتل عبله

*المره دي اشتكونا للامم المتحده

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*قبلانين باي شئ بس قول للايبولا اختينا

*لاعندنا قدرة علاج ولاعندنا لياقه تحمينا

*وكان لاقدر الله جات علينا ما بنلقي البتاوينا

*لذا ولذلك وكذلك طالبين منك توعينا

*ندوات وملصقات ومحاضرات تورينا

*عشان نتعامل بوعي مع الحاله يا والينا

*ولو حولتوا ميزانية الانتخابات لحملة صحيه تصححنا وتفهمنا وتوعينا

*يكون كتر خيركم يا والينا

*عافين ليكم اعفوا لينا

سلك كهربا

ننساك كيف والناس مشغوله بالانتخابات والايبولا ناس يقولوا جات وناس يقولوا ماجات ,,,,موت الجداد

والي لقاء

سلك

b_silik@hotmail.com