بسم الله الرحمن الرحيم
في السلك
*من غيرنا غير المستحيل لواقع
*من غيرنا اهدي لهذا الشعب معني الانتصار والانبهار
*من غيرنا قد رفع الرؤوس والجباه لثريات الفخر
*من غيرنا قد سطر للسودان اسما علي لوح المجد الكروي الافريقي
*من غيرنا يأتي بالنصر المستحيل من قرنيه طائعا عبر صالة الوصول بالمطار
*من غيرنا نحن ؟؟؟؟
*لذا ولذلك
*كونو انو نجي بالتأهل من تونس ليس بغريب علينا
*ولكن الغريب ان لا نأتي به
*كونو انو نقصي الترجي ماغريب
*ولكن الغريب ان لا نتأهل وتونس كلها تخافنا
*ليس الغريب ان نولج للمجموعات من باب سويقه
*فنحن ندخل البيوت من ابوابها
*ولكن الغريب ان ندخلها بالشبابيك
*شبابيك محل الحقنه
*وشبابيك القرعه الالكترونيه
*وشبابيك الفشنكات
*وطاقات كي ام كي
*ومناور سانغا
*ندخل البيوت من ابوابها
*بل من اكبر ابوابها
*فنحن الملوك ولسنا الرعيه
*الكديسه تجي بالطاقه
*ولكن الاسد يدخل بالباب عدييييييييييل كده
*ايها الناس
*لانخاف الترجي لان تونس كلها تخافنا
*لانخاف الترجي لان مدرب عزام رشحنا للبطوله
*لانخاف الترجي لاننا جميعا تناسينا الصغائر والتفينا حول فريقنا
*لانخاف الترجي لاننا نخاف الله
*ومن يخاف الله لا يخاف الناس
*لانخاف الترجي لان فريقنا فريق بطولات
*ولان مدربنا بروف عالم
*ولاننا نريد ان ننتصر
*فالنصر علي الاقوياء شرف كبير
*ومنازلة الاقوياء لا تشبه عراك الضعفاء
*والبياكالو الاسد اخير من البتاكلو الضبعه
*فنحن اسود نقابل اسود
*والضباع عليها بالفرجه كي تستفيد
*ايها الناس
*لم يخالجني الشك لحظة في تاهلنا
*ولم اتردد حين اكتب
*الترجي يشوف كونفدرالتو وين
*انها ساعة النصر التي يقف التاريخ تحية لها
*انها ساعة النصر التي تشبهنا
*وياحبذا لو انهينا اللقاء بقرصة عقرب
*سمها يصل لي ناس بره تونس
*الغريبه العقرب تعضي زول
*يصرخ زول تاني لسه ماعضتو
*عقربنا يا سلاحنا النووي
*ايها الناس
*يوم الاحد الساعه تمنيه نحن في قمة الاحتفال ان شاء الله
*ولاول مره حانمشي المطار قبل ما نجيب الكاس
*يطير الترجي
*ده الترجي البنعرفوا نحنا وبنعرف ليهو
*اما الترجي البعرفوهوا ناس محمد عبدالماجد
*فده ما بخصنا
*ايها الناس
*دعواتكم ووقفتكم النبيله
*فنحن جند الله والوطن
*المهم
*نطرد الخوف
*اذا كان هناك خوف
*مافي خوف
*ولكن بعض الشفوت الصفر رجافين شويه
*اما الشفوت الحمر
*لله دركم يا اسود
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*واحد من اهالينا
*داير العرس قال لينا
*قلنا ليهو اقع البلدي يا اخينا
*ما سمع كلامنا ياولينا
*وقع الحناكيش الحايمين فينا
*الجوع كتلو يا والينا
*كلو يوم مكرونه بالقشطه وهوت دوق بالكاتشب اشتهي السخينه
*يوم قال لي مرتو بطاطس باميه اطبخي لينا
*قالت ليهو بكرة البطاطس يا ابو اللمينا
*والباميه بخاف من شوكها الفيها يا اخينا
*ولما اشوف لي ناس بياكلو في باميه
*جسمي كلو يقيف شوك شوك يا ابو اللمينا
*اشوفهم ليك بي ريشها ده زي البياكلو في ابو القنفت ابو القنفت يا اخينا
سلك كهربا
ننساك كيف وواحد عرس ليهو واحده بتحمر الجبنه وبتفرك المربه
والي لقاء
سلك
b_silik@hotmail.com
