نصو لافي صينيه ونصو واقف في صينيه .. بقلم: بابكر سلك

 

بسم الله الرحمن الرحيم

في السلك

b_silik@hotmail.com

*اتفاقية الجنتلمان بين الزعيم والهلال

*كانت مفيده بقدر اكبر للهل

*لان المعركة حينما يكون سلاحها المال

*فان النصر للزعيم لا محال

*ليست المعارك الداخليه فحسب

*حتي المعارك الخارجيه

*يكون النصر فيها حليفا للزعيم

*واسألوا الاهلي القاهري

*لكن استفادة الهلال من الجنتلمان لم تستمر كثيرا

*فزين روشا واصحابه للاهله

*انهم الاوفر مالا بعد تعميد الكاردينال رئيسا للهلال

*وبدأت التصريحات من اعلام الهلال ومن الكاردينال نفسه

*فخسر الهلال الاتفاقيه التي كانت تفيده وحده

*ولم يختار الوقت المناسب

*وكانت ضربة المدينه اولي خسائر الاهله

*لم تشفع تصريحاتهم ولا تلميحاتهم

*كديس فداسي المربيهو جمال

*كفففففففففففف

*ختف اسرع حمامه في البرج

*والجماعه حردوا وفكوا الحمام الباقي

*ايها الناس

*من صالح الاهله العوده للجنتلمان

*بالذات ونزار حامد علي الابواب

*لذا

*لن نفكر في تلك الاتفاقيه

*الا بعد جية نزار

*ولعبه الي جوار صديقه بكري

*بعد داك ان فضل فيها مان يا مان

*نشوف اتفاقية الجنتل

*المهم

*عشوائية تنقلات اللاعبين

*تظهر في تسجيلات الهلال

*ترشيح سبعه اجانب

*يطلع واحد سعران وواحد مسمار جحا في ركبتو

*وواحد عيان

*وواحد الكبد بي شطتها

*وواحد عيونو ديل عيون ايبولا عديل كده

*وحقو منظمة الصحه العالميه تتدخل لحماية مواطن السودان من خطر الاوبئه المحتمله من لقيط الاهله ده

*معقوله يا ناس

*اجيب لي لاعب بلعب في بلد اعلي درجة حراره فيها خمسطاشر ؟؟؟

*ياخ ديل لما الحراره تصل سطاشر بجيهم سحائي

*يعني ده لو جا بلدنا دي

*في الشتاء بالليل بجيهو سحائي

*وتحت تحت قالوا فيهم واحد بتاع مبيعات

*بياااااااااااع

*تخصص بيع

*شفت ليهو فيديو

*ياخ ده بروج لي بضاعتو جنس ترويج

*يقنعك انو جلاها

*زي ده ان شاء الله يجي

*عشان يبيع الاستاد لي عصمت

*ويبقي عصمت مالك الشعار والاستاد

*ويمكن يبيع الاسياد برضو لي عصمت

*روشا

*كان بايع كاشنا حااااااضر

*الالف واللام بالاحمر والباقي بالاصفر

*المهم

*مجلسنا يبحث عن مدير فني

*ليست العبره بوجود المدير الفني الاجنبي

*ولكن العبره في دراسة الامر جيدا قبل التعاقد

*من الملائم لظروف البلد دي

*ولي فهم الرياضه في البلد دي

*ولي طبيعة ناسنا في البلد دي

*وبصمتو مضمونه ؟؟؟؟

*نحسن الاختيار قبل التعاقد

*ماضروري نستعجل للقشره سااااي

*ايها الناس

*موضوع عمر بخيت الحصل فيهو شنو؟

*بعد مرات في اسبير اصلي سكند هاند بمشيك لمن تلقي الاسبير الجديد الياباني

*بدل نقيف حقو نركب الاصلي السكند هاند

*بالذات الاستعمالو خفيف

*حمد السيد متين حاتضوي سمانا بالخبر ؟؟؟؟

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*الحنه بقت ما بتشيل فينا

*لا بالصبغه بتثبت لينا

*ولا بالمحلبيه ولو كترتوها لينا

*وكان شفت يا والينا

*المكنات بقت ما بتقسم فينا

*ومابنصدق الشايفاهو عينينا

*نكذب كل الحولينا

*ياما صدقنا يا والينا

*وغير السراب ما جنينا

*قمنا جنينا يا والينا

سلك كهربا

ننساك كيف والشعب نصو لافي صينيه و نصو واقف في صينيه مجنتر

والي لقاء

سلك