ﻋَﺸَﻪ .. ( ﺍﻡ ﺣِﺠِﻞ ) .. قصيدة جديدة للشاعر هاشم صديق

_____________
ﻗﺮﻗُﻮﺷﺔ
ﻳﺎ ﻋَﺸّﻪ
ﺃﻡ ﺣِﺠِﻞ
ﻣﻐﻤﻮﺳﺔ
ﻓﻲ ﺷﺎﻱ ﺍﻟﺼﺒﺎﺡ .
ﺷﺎﻳﺎً ﻣﺴﻴﺦ
ﺃﺣﻤﺮ
ﺗﻘﻮﻝ ﻗﺎﺭﺻﺎﻙ
ﻋﻘﺮﺏ
ﻭﺍﻟﻮﺟﻊ ﻭﻟَﻊَ
ﻭﻧﺎﺡ .
ﻳﺎ ﺣﻠﻴﻞ
ﺯﻣﻦ ﻛﺎﻧﻮﺍ ﺍﻟﻌﻘﺎﺭِﺏ
ﻓﻲ ﺍﻟﺠﺤﻮﺭ
ﺣﺴﻪ ﺍﻟﻌﻘﺎﺭﺏ
ﻓﻲ ﺍﻟﻘﺼﻮﺭ
ﻭﺍﻟﻨِﻌﻴﻢ
ﻭﺃﺯﻫﻲ ﺍﻟﺮﻳﺎﺵ
ﻣﻜﺘﻮﺑﺔ
ﺑﻲ ﺀﺍﺳﻢ ﺍﻟﺼﻘﻮﺭ .
……………..
…………….
ﺃﺣﻤﺮ ﻣﺴﻴﺦ
ﺷﺎﻳﻴﻚ
ﻻ ﺳُﻜﺮ
ﻟﺒﻦ
ﻭﻗﺮﻗﻮﺷﺔ
ﻣﻦ ﺯﻣﻦ ﺍﻟﻤﺴﻴﺢ
ﺍﻟﺪﻧﻴﺎ ﺣﺴﻊ
ﻧﺎﺷﻔﺔ
ﻳﺎﻋﺸﺔ ﺍﻡ ﺣِﺠِﻞ
ﻣﺎﺷﻴﻦ
ﻋﻠﻲ ﺁﺧﺮ ﺷﻬﺮ
ﻭﺷﻦ ﻛﻤﺎﻥ
ﻃﻌﻢ ﺍﻟﺸﻬﺮ ؟
ﻳﺘﻤﺎﺹ ﻳﻔﻮﺕ
ﺑﻲ ﺣﺎﻟﻮ
ﺯﻱ ﻟﻤﺢ ﺍﻟﺒﺼﺮ .
………….
………….
ﻳﺎ ﺣﻠﻴﻞ
ﺯﻣﻦ ﺁﺧْﺮ ﺍﻟﺸﻬﻮﺭ
ﻣﺎ ﺍﺣﺘﺮﻧﺎ
ﻓﻲ ﺷﺎﻱ ﺍﻟﻠﺒﻦ
ﻣﺎ ﺩُﺧﻨﺎ
ﻟﻲ ﺣﻖ ﺍﻟﻤُﻼﺡ
ﻣﺎ ﺟُﻌﻨﺎ
ﻓﻲ ﻭﻛﺖ ﺍﻟﻔﻄﻮﺭ
ﻣﺎ ﻏِﺒﻨﺎ
ﻣﻦ ﺭُﺯ ﺍﻟﺴﺤﻮ ﺭ
ﺣﺴﻊ ﻧِﺸِﻒ
ﺣﺘﻲ ﺍﻟﺒﺤﺮ
ﻭﺍﻷَﺭِﺽ
ﻭﻗﻔﺖ ﺗَﺪْﻭﺭ
ﺍﻟﻠﻤﺔ ﻭﺍﻟﻠُﻘﻤﺔ
ﻭﻃﻌﻢ ﺧﻴﺮ
ﺍﻟﺼﻮﺍﻧﻲ
ﻣﺎ ﺑﺠﻴﻨﺎ ﺗﺎﻧﻲ
ﺯﻣﺎﻧﻮ ﺭﺍﺡ
ﺣﺴﻊ ﺯﻣﻦ
ﻣﻀﻎ ﺍﻟﺠﺮﺍﺡ
…………….
ﺧﻠﻴﻨﺎ
ﻣﻦ ﺷﺎﻱ ﺍﻟﻠﺒﻦ
ﻭﻛﺖ ﺍﻟﺼﺒﺎﺡ .
…………..
…………..
ﻋﺸﺔ ﺃﻡ ﺣِﺠِﻞ
ﺣِﻤﻠِﻚ ﺗِﻘِﻞ
ﻋَﺸﻤﻚ ﻛِﻤﻞ
ﻭﺃﺻﺒﺢ ﺗِﻔﻞ
ﺗﺴﻌﻴﻦ ﺣﺰﺏ
ﺷﺎﻳﻠﻴﻦ ﻫﻤﻮﻣﻚ
ﺑﺎﻟﻜﻀﺐ
ﻣﺎ ﺩﻕّ ﺯﻭﻝ
ﺑﺎﺑِﻚ ﺳﺄﻝ
ﻭﻻ ﺣﺘﻲ
ﺯﻭﻝ
ﺟﺎﺑﻮ ﺍﻟﺪﺭِﺏ
ﻭﺳﺒﻌﻴﻦ ﺟﺮﻳﺪﺓ
ﻛﺘﻴﺮﺓ
ﺯﻱ ﻫﻢ ﺍﻟﻘﻠﺐ
ﻣﺎ ﺟﺎﺑﻮ ﻟﻴﻚ
ﺃﺣﻼﻡ ﺟﺪﻳﺪﺓ
ﻣﺎ ﺯﺍﺩﻭﺍ ﻓﻬﻤﻚ
ﻏﻴﺮ ﻏﺒﺎﺵ
ﻭﺣﻴﻜﻮﻣﺔ ﻭﺍﻗﻌﺔ
ﻋﻠﻲ ﺍﻟﻄﻨﺎﺵ .
…………….
…………….
ﻋﺸﺔ ﺃﻡ ﺣِﺠِﻞ
ﻫﻤﻚ ﺗِﻘﻞ
ﺭﺍﺟﻠﻚ ﻣَﺮَﻕ
ﻳﻮﻣﺎً ﺻﺮﻑ
ﺣﻖ ﺍﻟﻤﻌﺎﺵ
ﻓﻲ ﺍﻟﺴﻜﺔ
“ﺍﺗﻨﺸﻞ” ﺍﻧﺴﺮﻕ
ﺑﺎﻟﻤﻐﺴﺔ ﺩﺍﺥ
ﺯﻱ ﺍﻟﺘﻘﻮﻝ
ﻗﻠﺒﻮ ﺍﻧﺤﺮﻕ
ﻭﻗﺒﺎﻝ ﻳﺼﻞ
ﻭﻳﺤﻜﻲ ﺍﻟﺤﺼﻞ
ﻓﻲ ﺍﻟﺤﺎﻝ ﻭﻗﻊ
ﺻﺎﺑﻮ ﺍﻷﺟﻞ .
……………
……………
ﺧَﻼّ ﻟﻴﻚ
ﻳﺎ ﻋﺸﺔ
ﺑﺲ ﻋﺎﻟﻢ ﻏﺒﺎﺵ
ﻭﺣﻖ ﺍﻟﻤﻌﺎﺵ
ﻭﺗﺴﻌﻴﻦ ﺣﺰﺏ
ﺷﺎﻳﻠﻴﻦ ﻫﻤﻮﻣﻚ
ﺑﺎﻟﻜﻀﺐ
ﻭﺣﻴﻜﻮﻣﺔ
ﻣﺠﻨﻮﻧﺔ ﻭﻃﻨﺎﺵ
ﺗِﺘﺸﻚّ
ﺯﻱ ﻭﺭﻕ ﺍﻟﻠﻌﺐ
ﺳﻌﺮﺍﻧﺔ
ﺯﻱ ﺧﺸﻢ ﺍﻟﻜﻠﺐ
ﺷﻘﺖ ﺟﻨﻮﺑﻨﺎ
ﻣﻦ ﺍﻟﺸﻤﺎﻝ
ﺣﺮﻗﺖ ﻗﻠﻮﺏ
ﻧﺎﺱ ﺍﻟﻐﺮﺏ
ﺳﻠﺨﺘﻨﺎ
ﺑﻲ ﻣﻮﺱ
ﺍﻟﻜﻼﻡ
ﺩﺑﻐﺘﻨﺎ
ﺑﻲ ﻭﺟﻊ ﺍﻟﻀﺮِﺏ
…………….
……………
ﻋﺸﺔ ﺃﻡ ﺣِﺠِﻞ
ﺣِﻤﻠِﻚ ﺗﻘﻞ
ﺍﻟﺴﻮﻕ ﺟﻔﻞ
ﺭﻣﻀﺎﻥ ﻭﺻﻞ
ﻣﻠﻮﺓ ﺑﺼﻞ
ﻭﺳُﻜﺮ ﺭﻃﻞ
ﺩﺍﻳﺮﺍﺕ ﺑﻄﻞ .
ﺑﻴﻦ ﺍﻟﻤﺴﺎﻛﻴﻦ
ﻭﺍﻟﺮﻓﻮﻑ
ﺍﻧﺘﻬﻲ ﻭﻭﺩّﻉ
ﺯﻣﺎﻥ
ﺷﻬﺮ ﺍﻟﻌﺴﻞ .
……………
……………
ﺗﺴﻌﻴﻦ ﺣﺰﺏ
ﻳﺎ ﻋﺸﺔ
ﺳﻤﻮﻧﺎ ( ﺍﻟﻐﻼﺑﺔ )
ﻻﻛﻮﻧﺎ
ﺑﻲ ﺿﺮﻭﺱ
ﺍﻟﺨﻄﺎﺑﺔ
ﻫﺘﻔﻮﺍ
( ﺷﺎﻥ ﺍﻟﺸﻌﺐ
ﺑﻨﺨﻮﺽ ﺍﻟﺤﺮﺍﺑﺔ )
ﻏﺸﻮﻧﺎ
ﻻ ﻏَﺪّﻭﻧﺎ
ﻻ ﻋَﺸّﻮﻧﺎ
ﺑﺲ ﺳﻮﻭﻧﺎ
ﻣُﺮﻛﺐ
ﻭﺍﻟﺴﻼﻡ
ﺑﺎﻋﻮﻧﺎ
ﻓﻲ ﺳﻮﻕ ﺍﻟﻜﻼﻡ
( ﺳﻮﻭﻧﺎ ﻃُﺴﺔ )
ﺟﺪﻋﻮﻧﺎ
ﺑﺲ ( ﻃُﺮﺓ )
ﻭ ( ﻛﺘﺎﺑﺔ ) .
……………
……………
ﻳﺎ ﻋﺸﺔ
ﺑﺲ ﻗﻮﻟﻲ
ﺍﻟﺴﻼﻣﺔ
ﺷﺎﻳﻔﺔ ﻛﻴﻒ
ﺟﺎﻳﺔ ﺍﻟﻘﻴﺎﻣﺔ ؟!
ﻗﺪﺍﻣﻨﺎ ﺯﻱ
ﻣﻠﻴﻮﻥ ﻋﻼﻣﺔ .
…………..
…………..
ﻋﺸﺔ ﺃﻡ ﺣِﺠِﻞ
ﻗﺎﻟﻮﺍ ﺍﻟﺴﺆﺍﻝ
ﺑﻌﺪﻭ ﺍﻟﺠﻮﺍﺏ
ﺣﺴﻪ ﺍﻟﺴﺆﺍﻝ
ﺑﻌﺪﻭ ﺍﻟﺴﺆﺍﻝ
ﻭﻗﺎﻟﻮﺍ ﺍﻟﺤﻼﻝ
ﻣﺎ ﺻﺎﺭ ﺣﺮﺍﻡ
ﺣﺴﻪ ﺍﻟﺤﺮﺍﻡ
ﺃﺻﺒﺢ ﺣﻼﻝ
ﺟﺎﻃﻮﻧﺎ
ﻣﺎ ﺳﺎﺑﻮﻧﺎ
ﻧﻔﻬﻢ ﺃﻭ ﻧﺸﻮﻑ
ﻋﺠﻨﻮﻧﺎ
ﻓﻲ ﻃﻴﻦ ﺍﻟﻈﺮﻭﻑ
ﻟﺨﻤﻮﻧﺎ ﻣﺎ ﺧﻠﻮﻧﺎ
ﻧﻔﺮﺯ
ﻟﻲ ﻳﻤﻴﻨّﺎ
ﻣﻦ ﺍﻟﺸﻤﺎﻝ .
…………..
…………..
ﺗﺴﻌﻴﻦ ﺣﺰﺏ
ﺭﺍﻓﻌﻴﻦ ﻳﻔﻂ
ﺛﻮﺭﺓ ﻭﻧﻀﺎﻝ
ﻣﺎ ﺟﺎﺑﻮ ﺷﻤﺴﺎً
ﺃﻭ ﺟﻮﺍﺏ
ﺃﻭ ﺣﺘﻲ ﺗﻤﺮﺍﺕ
ﻓﻲ ﺟُﺮﺍﺏ
ﺃﻭ ﺣﻠﻮﺍ ﻟُﻐﺰﺍً
ﻓﻲ ﻛﺘﺎﺏ
ﺀﺍﻻ ﺍﻟﻜﻼﻡ
ﺑﻌﺪﻭ ﺍﻟﻜﻼﻡ
ﺀﺍﻻ ﺍﻟﺨﻼﻑ
ﺑﻌﺪﻭ ﺍﻟﻜﺘﺎﻝ
ﺀﺍﻻ ﺍﻟﺴﺆﺍﻝ
ﺑﻌﺪﻭ ﺍﻟﺴﺆﺍﻝ .
…………..
…………..
ﻭﺍﻧﺘﻲ
ﻳﺎﻋﺸﺔ ﺃﻡ ﺣِﺠِﻞ
ﺣِﻠﻤِﻚ ﺑﺴﻴﻂ
ﻗُﺮﺍﺻﺔ
ﺑﻲ ( ﺩﻣﻌﺔ ﻋِﺠِﻞ )
ﻭﻣﻌﺎﻫﺎ ﺑﺲ
ﺭُﺑﻄﺔ ﻓِﺠِﻞ .
………….
ﺁﺁﺁﺁﻩ ﻳﺎ ﻋﺸﺔ
ﻟﻮ ﺻﺒﺮﻙ ﻛِﻤِﻞ
ﺑﻴﺘﻚ ﻋِﺪِﻡ
ﺣﺘﻲ ﺍﻟﻨﻤﻞ
ﺩُﺧﺮﻳﻚ ﺑﺲ
ﻫﺬﺍ ﺍﻟﺤِﺠِﻞ
ﻟﺴﻊ ﻣﻌﻨﻜﺶ
ﻓﻲ ﺍﻟﺮﺟِﻞ