صحافة ذات القنابير يجب ان تخجل من مثل هذا!

رشا عوض
حكاية انو القحاتة وناس صمود ما بقدروا يمشوا في الشوارع لانو الشعب السوداني حيدقهم، اسطوانة سمجة يرددها بلا حياء وبتناغم وتكرار عجيب كل اعضاء معسكر الحرب ابتداء من كبار الصحفيين المتخصصين في قمبرة وتضليل الشعب السوداني والكيزان المستترين مرورا بالقونات وصولا الى الذباب الالكتروني!!
هذا مجرد تبرير استباقي لمخطط بلطجة بدأ بمهاجمة بعض مناشط القوى المدنية ويبدو ان المخطط كبير ومدفوع القيمة وما ظهر منه راس جبل الجليد !
الغريبة صحافة قمبرة الشعب السوداني تردد في بلاهة انو القحاتة حيدقوهم عشان هم حلفاء المليشيا رغم ان المليشيا شخصيا ومناصريها الحقيقيين خرجوا في مسيرات حاشدة في لندن وغيرها ولم يجروؤ اي بلطجي مأجور على مجرد مد رأسه للفرجة!! اي بلطجي اختار الحفاظ علي عضيماتو !!
الموضوع بلطجة جبانة وتافهة على المدنيين المسالمين ولا علاقة له برد فعل تلقائي من الشعب ! ولا يوجد سبب منطقي لان يكون غضب الشعب المكتوي بنار الحرب موجه صوب دعاة السلام! وما معقول الشعب ينفجر غضبا من ناس بزعم انهم حلفاء المليشيا. ويكون مبسوط اوي اوي من الذين صنعوا المليشيا!! وما معقول يهاجم حلفاء المليشيا لكن لما المليشيا ذات نفسها وحلفاءها الجد جد يطلعو الشارع الشعب الغضبان دا يبقى فص ملح وداب !
جنس الخيابة دي ما بتشبه الشعب السوداني !
عشان كدا نصيحتي لصحافة قمبرة الشعب السوداني انها تكسر الحنك البيش بتاع الشعب لو شافكم في الشوارع بدقكم !
نحن متوعدين بالضرب وربما القتل ذبحا ولكن ليس من الشعب بل من اعداء الشعب واعداء السلام والحرية ويجب ان نتخذ تدابير قانونية وبشكل جماعي لقطع يد اي بلطجي تمتد الينا