سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الجماعه قالوا عندهم دليل علي هلالية الوالي
• قاموا جابوا صوره نفرض انها للوالي
• في استاد في مصر
• طيب
• الدليل شنو انو الفريق الكان بتفرج فيهو الوالي هو الهلال ؟
• خليكم من ده
• افرض ان الفريق الكان بتفرج فيهو الوالي هو الهلال
• طيب
• اي سوداني بل معظم السودانيات في مصر بدخلوا الاستاد ويشجعوا اي فريق سوداني يلعب في مصر
• يعني ماغريبه لو كان الفريق الهلال والوالي دخل الكوره زي اي سوداني
• وقالوا الكلام ده في التمانينات
• راجعوا الصوره تاني
• لو لقيتوا الوالي مبسوط يكون الفريق هو المورده لما تخطت الزمالك
• الهلال في التمانينات ورونا متين اسعد السودانيين
• اما لو كان الوالي في الصوره مامبسوط يبقي الفريق ده الهلال
• وسودانية الوالي وعدم الموضوع جابتو الاستاد
• ولو كان الوالي عمرو في الصوره طالب يبقي ماجا عشان يدعم
• ولو كان عمر الوالي في الصوره كبير يبقي الفريق هو الهلال والوالي جا عشان يعمل حقة الله
• قال دليل قال
• طيب نميري عندو صوره في كورة الهلال والزمالك باستاد الخرطوم الانتهت اتنين للزمالك جابهم حمامه في التمانينات
• يعني ابو عاج هلالابي لاسمح الله
• طيب انا عندي صوره لي في مصر في الاستاد والهلال كان لاعب
• ياربي اكون جنيت
• ولا عشان كنت صغير!
• مافي ليك ومافي ليك الوالي ده
• دي اغنيه قدييييمه
• من التمانينات ايام الوالي كان بدخل كور الهلال
• لو دايرين تكونوا مع الوالي مافي طريقه
• لانو الوالي عمل الخدمه وتاني مابمشي مناطق شده
• ونحنا كصفوه شروط الانضمام لينا صعبه ومابتتوفر فيكم
• سووووووووري
• سوووري شريف
• انتوا اتدرجوا
• ابقوا اول ود نوباوياب
• اذا قبلوا بيكم
• لانو استادهم اسمح من حقكم
• بعد داك ابقوا حي ضباطاب
• بعدين تعالوا بي شارع الرباطاب
• وامشوا للمورداب
• ثم الخرطوماب
• اركويتاب
• المطار وعمره وزوغه
• اقعدوا للحج
• بعد داك نفتح اللوتري قدموا
• وتيب
• بالمفهوم ده يبقي رئيس الاتحاد الافريقي سنة تسعين مريخابي
• موش دخل كورتنا ضد بندل في نيجيريا وسلمنا كاس مانديلا الواجع الناس ده ؟
• خليهو رئيس الاتحاد الافريقي
• رئيس الاتحاد الدولي مريخابي
• موش دخل كورتنا ضدكم ( رقصة الحمامه ) وسلم العجب الكاس ؟
• تبقوا انتوا زاتكم مريخاب ( لكن نحنا ما معترفين بيكم )
• موش بتدخلوا كورنا عشان تشوفوا فينا يوم ( الله لاوراكم ليهو ) ؟
• التسجيلات شغاله
• وكت مفلسين وماعندكم جديد تكتبوهوا عن التسجيلات مشيتوا لهلالية الوالي
• قول هلالابي
• ربك يهدي من يشاء
• بالمناسبه بكره انشاء الله حانتكلم عن منو المشي من المريخ للهلال ومنو الربنا اكرموا من الهلال وجا المريخ
• من طلعت فريد وبعده ابو العائله مرورا بالدحيش وقاقرين ومن خلال محسن العطا ومن بعده وهبه وناس فتحي فرج الله وعبده الشيخ والي سامي عبدالله
• نشوف منو ومنو
• قالوا امادو مكلف بترشيح مهاجم جيد
• يعني ود حله جديد
• بالطريقه دي كل يوم جايبين ود حله سموهو ( الحلال ) بدل الهلال
سلك كهربا
التسجيلات تقول مرحبا بكم في الحتانه في الموسم الجديد بدري بدري
والي لقاء
سلك
