سودانايل أول صحيفة سودانية رقمية تصدر من الخرطوم
في السلك
• قال كاس بن ياس قال
• بن ياس بالبا !
• معقوله
• كورتنا خليها الطردوا فيها ايداهو ووارقو
• قلت ليكم جمال الوالي لو مشي كان طردوهو
• ماصدقتوني
• تصدقوا الحكم طرد مصور وهج الصفوه وبالكرت الاحمر كمان !
• قلت ليكم اسمها موقعة طرد النجوم
• موش كورتنا ضد كادوقلي دي خلوها
• انسوها
• تعالوا للكوره التانيه
• ياناس
• ده شنو ده !
• قون باليد
• وقون بالدفر قالوا ( بالهد )
• ده كلو خلوهوا
• الدقيقه اربعه واربعين لاعب من جزيرة الفيل يقتل داخل خط طمنطاشر
• ولا كأنو في زول اتكتل يامرسي
• ضربة جزاء اوضح من ضربة برج التجاره وفي زمن صعب يعيد الامور لنصابها الطبيعي والحقيقي
• وبعد ده بدون خجله يقولوا ليك الممتاز وما الممتاز
• الممتاز الفات قلنا نقاطكم سبعين في الميه منها بتاعت الحكام
• قلتوا ابددددددا
• الممتاز ده حانسجل
• انا شخصيا عندي روليت للدوري عاملوا برااااااي
• اسي مكتوب فيهو المريخ مباراه وثلاثه نقاط واربعه اهداف عليه هدفان
• هلال كادوقلي مباراه صفر نقاط هدفين وعليه اربعه اهداف
• جزيرة الفيل مباراه ثلاثه نقاط ثلاثه اهداف (التالت البلنتي الماعدوهو ) عليه هدف
• الهلال مباراه صفر نقاط هدف وعليه ثلاثه اهداف
• وهكذا
• جحا يربط المكنه ويصدقها
• الجماعه صدقوا حكاية اربعه جويات دي
• وماورونا بعد الكنغو في شنو
• وطبعا صدقوا قصة الكنغو سنة سته وستين دي
• سته وستين السودانيين مابعرفوا حاجه مرتبطه بيها غير الهيلمان
• العربات الهكر
• يكون ياربي جبتوا هيلمان قايلنها كاس !
• مابعيد
• كاس سته وستين ده رقم الشاسيه حقو كم عشان نفتش ليكم سجلات المرور
• همتك يا الامين يا صفوه فتش سجلاتكم طلع رقم شاسيه كاس الكنغو
• عالم جحا بشكل
• المهم
• كنا بنسمع في كورتنا
• خالتي قااااعده ( تنقض ) في مشاطها
• ساااااارحه ومغروده العوينات
• الحكم طرد ايداهو
• قلنا ما ممكن ياحكم تطرد ايداهو
• خالتي عاينت لينا وواصلت تنقض في المشاط
• وواصلنا نسمع في الكوره
• الحكم طرد وارقو
• قلنا الحكم يطرد وارقو كيف !
• خالتي فكت مسيرتها وقالت الحكم ده مابراهو ولا شنو !
• حتي بص اللاعبين هكر !
• سموهو نادي الهكار
• كامبوس بعد البص خرب قعد يتفرج في كبري توتي
• التقول ماشاف ليهو كبري في البلد دي السنه الفاتت
• الجماهير تشاجرت مع المعز عشان الهدفين الدخلوا ولا عشان بلنتي آخر دقائق دي
• قالوا واحد قال للمعز اسي لو الحكم ده اتجرأ وحسبها نمشي وين نحن
• تمشوا الحتانه يافرده
• السنه دي تحكيم نهي زندكي ترضيات ضياعات حقوق فرق صغيره نهي ضغوطات مريخ كهيه صفوه زندكيه تم باجا
• لايحرس المريخ ياصفوه الا الصفوه
• ولايرد حقوق الفرق المستضعفه الا الصفوه
• لاعب يجي الكوره بموتر ! ياحليل القطن التشادي
• ده القطن السوداني زاتو
• المعز كاد ان يتسبب في التعادل من ركلة جزاء
• ده كلام الاستاذ رمضان في العزيزه قون
• لكن مافهمنا
• كاد كيف يعني !
• يعني ضربة الجزاء احتسبت وضاعت !
• ولا ضربة الجزاء المفروض تحتسب لم تحتسب !
• فهمونا يرحمكم الله
• كامبوس البحر عجبو
• وبالليل كمان
• تعرف ياكوتش سناره وصارقيل والبلطي يجيك برااااهو
• ديمبا اصبح خصما علي الهلال
• من قال داير حقو الانتقادات وقعت قرش ونص
• واحد قال المعز ده بدل يبوظ اعصابنا كده لعبوا الدعيع
• التاني قال ليهو الدعيع عيان
• الاول قال عيان عندو شنو ؟
• التاني قال ليهو عندو مرض ام سادومبا
• الاول قال ليهو هو لي اسي ماقبض !
• تحت تحت قالوا قعدت الكوتش جمب البحر دي زاتها من اعراض مرض ام سادومبا
• خالتي قالت لي جمال وين اليومين دي ؟
• قلت ليها مشغول بالانتخابات نازل في دائرة مدني الغربيه
• قالت لي ايوي يوي يوي يوي يوي يووووووووووووووووي
• قلت ليها مالك ؟
• قالت لي عشان تبقي اول زغروده لفوز جمال
• قلت ليها الانتخابات لسه ما بدت
• قالت لي والله جمال لو نزل في دائرة اوروبا الغربيه يفوز
• زح كدي
• ايو يوي يوي يووووووووووووووووووي
سلك كهربا
ايوي ساي !
والي لقاء
سلك
babikir maki [b_silik@hotmail.com]
