سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• انتهت الانتخابات بخيرها وبخيرها
• لانقول بشرها
• لانها خطوه للامام
• ان لم تك ديمقراطيه ميه الميه فهي نسبه مؤيه في الطريق لميه الميه
• اخير من عدمها
• نقول للفائز مبروك
• ونقول للاخر ايضا مبروك
• لانه اسهم في ارساء واقع ديمقراطي جديد
• طالما كان في الساحه خيارات فان الوضع جيد
• حتي ولو احرز احدهم كل الاصوات
• فان الامر ديمقراطي وجيد
• فقط يجب ان نحمي هذا المكتسب
• ونعض عليه بشده
• امام الجميع اربع سنوات من الانجاز
• الفائز ينفذ برامجه التي وعد بها
• من لم يحالفه التوفيق يرتب اوراقه وصفوفه ويستعد
• اربعه سنين ماكتيره
• وممكن تبقي تجربه وزاد ومهرجانات و انجازات
• فقط علي الجميع ان يعلم باننا نملك اغلي وطن
• وذلك الوطن يملك اغلي مواطن
• وعشان وطني البعزو علي **** ترابو الغالي في عيني
• اقدم روحي ليك ساهله ***** اموت بحداك وتفخر بي
&&&&&&&&
• باسمك تبدأ حريه ***** يفوح منك عبير ريحان
• لافغاني ولزنجيه **** وللثوار في كل مكان
• وزيك تبدأ الآلاف **** تمزغ صورة الاجحاف
&&&&&&&&
حفظك الله اخي اكرم زكي
• المهم
• استمتع كثيرا بالقراءه للاخوه الاهله
• سيدا عندو رساله جديده
• لا ياخ !
• جزء من النص مفقود ولا شنو ؟
• ولا صندوق الرسائل مليان ؟
• بالمناسبه
• هزيمة ابو الهل من الاهلي بالمقبره ما محسوبه
• لانو العداد بتاع المقبره بشتغل مباريات رسميه بس
• وتعادل ما بحسب
• تتذكروا مباراتي الاسماعيلي الفاز فيهم علي ابو الهل في المقبره تلاتين
• ما كانو محسوبات
• العداد كان بقول ميه وسبعطاشر وواقف قبلو
• الرائع قسم خالد قال
• اسمعوها مني 0000 فطنة الارباب ستقود الهلال لمرحلة المجموعات
• زماااان يا قسم سمعنا فاطمه السمحه وفاطمه السمحه واكتشفنا انها روايات من الخيال
• الله يستر يا قسم فطنة الارباب ما تطلع فاطمه السمحه وتبقي قصه للاطفال عشان ينوموا
• النوم النوم 000 النوم النوم 000 النوم تعال سكت الجهال
• وكمان قسم قال ميسي يشبه هيثم مصطفي في كل شئ
• ياربي ما قدر بعض يا قسيم الريد !
• يخلق من الشبه اربعين
• اربعين شنو ياربي !
• ضحكتني يا قسم خالد
• كامبوس في مصر
• للعلاج
• قلنا ليكم من زماااااان
• مرض ام سادومبا معدي قلتوا لأ
• حقو الاتحاد العام يشترط لاستجلاب المحترف الاجنبي ان يستلم حقو مقدم حتي لا يصاب بمرض ام سادومبا
• والماقادر يدفع مقدم لمحترف اجنبي ما يستقدم
• قال فطنة الارباب ستقود الهلال
• لاحظتوا
• مامجهود اللاعبين
• ولا تكتيك المدرب
• ولا زئير الجماهير
• فطنة الارباب
• اتهجني
• اسلام شافت ليها زول جاري في الشارع جري شديد حفيان وما بتلفت وراهو
• قالت لي تمرين الهلال انتهي ولا شنو ؟
• مهند قالوا تاني قفل التلفون
• الله يستر علي الحاجه
• قالوا النعيم الصحافه قرب يجي
• يجي بعد الانتخابات يسوي شنو ؟
• لا اشك في تخطي الساحلي
• لانو هلال الجربوكس ما بعطل ماكينة المريخ
• ما تعملوا لينا نقه ساي
• بعد الترجي معانا في مجموعتنا منو ؟
• وراس المجموعه منو ؟
• واجيب ليك معاي شنو ؟
• حلمان في زول مشي للزول يشوف موضوع الموضوع ده
• الزول نام في الخيره
• قال للجماعه احد صعب والشغل ما بجي
• الخيره قالت الجمعه
• الجماعه طوالي رسلوا خطاب تحويل المباراه ليوم الخيره
• يا ناس لو خايفين من الاسماعيلي لعبوهوا عشره صباحا
• ما غريبه عليكم
• يوم الاحد انشاء الله ما خدش حاجه حد
• اقول ليكم
• ودوا الاسماعيلي من المطار لي فداسي حتي ترجعوهوا الفندق
• لكن ياتو فندق
• الفنادق كلها طالباكم
• اقول ليكم نزلوهم في مطعم الساحه
• المطعم بتاع ضربوووووونا 0000 بهدلووووووونا
• والستات تعيط 0000 والشرطه مش عارفه تعمل حاجه
• غايتو سمعت تحت تحت انو ابراهيم حجازي حايفتح ملف كورة الجزائر علي طريقتوا قبل وصول الجماعه للقاهره بيومين
• اتفطني
• الهلال مفلس عدمان التعريفه والاسماعيلي مفلس عدمان القرش صاغ
• حقوا يلعبوا في ديوان الزكاه
• يمكن يطلعوا بي حاجه
• يعني يوم الكوره لو قلت كراااااامه
• الميدان كلو بي هجينو يجيك جاري
• كعب العدم
• ياربي آخر جنازه اتدفنت في المقبره المرحوم منو ؟
• ورينا يا عابدين درمه
• امادو الماسوره
• قال فطنه قال
• اتفطني
سلك كهربا
لن ننسااااااااااك
والي لقاء
سلك
