سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• يوسف وصل السودان
• يوسف زعلان
• يوسف مغادر السودان
• كلام كتييير سمعناهو
• يوسف جاب وكيله وجا
• سؤال
• قالوا يوسف وقع بي مس كول
• وامولادي يعتبر مشطوب
• وتأكيد شطب امولادي هو صحة تسجيل يوسف
• طيب
• زول سجل وانتهي جايب وكيله لي شنو ؟
• الوكيل ده بجي عشان يفاوض ويتفق ويقبض ويفرتق
• طالما الوكيل جاي يبقي الاتفاق لسه
• وطالما الاتفاق لسه يبقي التوقيع لم يتم
• وطالما التوقيع لم يتم تبقي مشكله يا مجدي
• وكيل يوسف جا
• لافاوض ولا اتفق ولا قبض
• دي لاءات الخرطوم التلاته الجديده
• لكن الوكيل مفرتق
• الهلال يسجل يوسف
• الهلال ما يسجل يوسف
• ده موضوع بخص الهلال
• لكن الهلال يجيب لينا الكلام !
• ده المابنقبلوا
• وكيل يوسف يقول المحترفين تاني مايختاروا السودان وجهه ليهم !
• ده كلام بمس السودان
• وبمس المريخ
• مالنا محرجننا ؟
• علي الرغم من ان المحترفين بالذات النيجيرييين بعرفوا تماما منو المريخ
• اسألوا كلتشي
• ووارقو
• وايداهو
• ولا سانا
• وغاساروكا
• والعراقيين
• والتوانسه والمغاربه واي زول
• الشعب النيجيري يعلم ان ماقام به المريخ من تكريم تجاه الراحل ايداهو ادهشهم جميعا
• ساندرا كانت فاتحه خشمها من فرط الدهشه
• طائره خاصه للجثمان
• تشييع من دائرة السنتر بارض الحضارات
• اشنه عربيه كانت ماشه في موكب التشييع موديل 2009
• في وفاة الرئيس النيجيري لم يحدث ماحدث في وفاة ايداهو
• اكرمناهو حيا وميتا
• وقودوين لما جا مسافر لقي نفسو محظووووور
• هووووووووووووي يا وكيل يوسف
• افرز
• الشعب النيجيري يعلم امكانيات المريخ
• الشعب النيجيري شاف برج الوالي البناهو وارقو في نيجيريا
• حانعيد تسجيل وارقو عشان يعمل نهر جوار برج الوالي العملوا في نيجيريا
• قال ليك برج الوالي حق وارقو في نيجيريا بشبه برج الفاتح حق القذافي العملوا في السودان
• هووووي
• وهوووووي
• وتاني هووووووووي
• ياوكيل يوسف
• نحن ما زي الجماعه
• نحمد الله سماحة سيره وسريره
• دولار ويورو ساوات ضفيره
• قالوا يوسف زعلان للذي حدث لامولادي
• باللذي سواك يايوسف شفت الحصل لامولادي!
• خليهو امولادي
• ود الحله
• الله يسألكم سمعتوا بيهو سافر سااااي !
• ياحليل قودوين
• صدق لما قال
• لاعوبي هالولي خايروي عاطولي
• يعني اللعب في الهلال اخير عليهو اقعد عاااااااااااااااااطل
• يوسف
• يا طايوري
• يا قاعودي عاطولي
• اللهم لاشماته
• بالمناسبه يا يوسف محمد
• نحن عاملين معاش لاولاد ايداهو
• مدي الحياه
• لما يعرسوا
• شن جاب لي جاب يايوسف !
• اقول ليك يايوسف
• اقعد في السودان
• امشي اهلي شندي
• مع ناس المدينه
• الناس الحزينه
• لكن ما تفكر تجينا
• عارفنك حابينا
• بس
• خانه ماعندنا
• تنك فل
• يا يوسف
• في البلد دي
• مع ناس مجدي
• وكيلك ما بنفعك
• اتوكل علي الله
• خلي وكيلك الله
• قالوا الهلال يصرف حوافز اللاعبين والسائقين
• الجنايني اوعه تكون صرفت ليهو يا ارباب !
• الزول ده بشتن النجيله
• زعمطها
• خلاها ليكم اخير راسي ده
• حلق ليها بالباله
• حلاقة الغنم
• غايتو حكاية اللاعبين صرفوا دي مابصدقها
• نشوف
• كورة حي العرب لو لعبوا لعب الميه تبقي الكضبه ظاااااااااااااااااااهره
• اها
• اليومين دي سخانه شديده
• درجة الحراره امس بتدخلها طب الخرطوم عديييييييييييييييييييييييل
• يا وكيل يوسف
• هوي وهوي وتاني هوووووووووووي
• اوعه تلمنا مع الفلس والبشتنه
• عشان ما انسي
• ياارباب
• قالوا صرفت للسواقين
• سواق العربيه
• العربيه الفي الميدان
• اديهو دبل
• الراجل ماقصر
• والله شوف عيني قرب يشيلها في ضهرو
• لازيها ويضحك
• والله ياهو البضحك
• لحظه
• قالوا في هلالابي بعد الصلاه قاعد يسأل في الله بشده
• ماعارفو كان بقول في شنو
• لكن يتخيل لي كان بقول
• يارب رئيسنا يبقي رئيس الاتحاد العام
• الراجل قاصد عصفورين بحجر
• تلقاها عندالغافل
سلك كهربا
لن ننسااااااااااااااااااااااك
والي لقاء
سلك
babikir maki [b_silik@hotmail.com]
