سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• عنتر كتلو اعمي
• لكن نحن عنترنا كتلو اعمي ومكسر وميت
• معقوله
• فريق يأتي للملعب مقتنع بهزيمته
• ناس هليفه شدة ما برجفوا
• دخلوا الميدان وكل زول لابس فنيله من بلد
• لما كوركوا ليهو
• يافنييييييييييله
• تعال غير الخليفه
• لخمه شديده
• فريق مقتنع بانه مهزوم
• جمهوره لا يأتي الا القله
• جمهور حافله تشيلو
• مقتنعين بالهزيمه
• وبعد ده يفوزوا !
• ياناس
• كاربوني قال محتاج لمهاجم صريح بدل ايداهو
• وانا بقول ليهو ياكوتش
• نحنا محتاجين لحارس مرمي صريح بدل ايداهو
• ومحتاجين لثيردباك صريح محل سفاري بدل ايداهو
• ومحتاجين لصانع لعب صريح بدل ايداهو
• ومحتاجين لي زول صريح يقول للباشا كفانا خلاص بدل ايداهو
• ودعناك الله والرسول وعافيين ليك بدل ايداهو
• شفتوا القون الاول ؟
• السيد الباشا بكل برود صلحها لمهند الطاهر
• ومهند الطاهر شاتها تقول قابض حقو
• ياباشا
• راعي الضان في الخلا عارف سفاري في الكور العاليه يصنقع
• ويدنقر
• ويصنقع
• ويخليها تدق
• وتقوم تاني
• ويفرفر في محلو
• بتعامل مع الكور العاليه زي ضربة الشفا
• بس حاجه جات من السما
• تقوم تعلي ليهو الكوره بالبرود ده !
• الهدف التاني
• معقوله !
• كاريكا !
• في الاتاري ماجاب قون ياسفاري
• يجيب قون في كورتنا ؟
• ياسفاري
• ونسيبو
• كفانا
• اللاعب البجي منو بنعرفوا
• كفاية مجاملات
• حاتم عبدالغفار
• معقووووله في زول قال للاعبين ديل النصر ضروره !
• ثقافة الانتصار في كل الظروف دي ماقدرتوا توصلوها ليهم !
• في حد يصدق ان طول زمن المباراه المريخ لم يهدف داخل الثلاثه خشبات ؟
• جائزة سوداني تمت بمجامله واضحه
• سفاري ما بستحقها
• ولاغيرو مافي زول في المريخ بستحقها
• ولامهند ما بستحقها
• البستحق الجائزه جمهور الهلال الحضر للاستاد
• لانو قمة الولاء ان تحضر معركه وانت مقتنع بانك مهزوم
• ولو في جائزه تانيه
• بستحقها جمهور المريخ الذي صبر علي سوء الحال طيلة زمن المباراه
• قالوا الزول لسه في نيالا
• ودي اشراقات نيالا
• وتلس ( بضم التاء والام )
• وان كانت النفاثات في العقد تأتي بالنصر
• يبقي نحن برضو قصرنا
• مفروض ننفثها في عقد
• كلام فارغ
• تعالوا نعترف
• نحن هزمنا انفسنا
• امبده وخليفه !
• معقوله !
• شفتوا الحكم الرابع
• الفاضل ابو شنب
• ماشاف شلوت سادومبا لي لاعب حي العرب
• لكن شاف بله الحكم اداهو كرت في الشوط الاول
• وغلط اداهو كرت في الشوط التاني
• الفاضل طوالي جري وكلم الحكم
• الفاضل حقاني خلاص
• كده اقتنعنا انو الفاضل ابو شنب ماشاف شلوت سادومبا
• بحثا عن التعادل
• اندفعنا زي الشفع
• دون ادني وعي كروي
• ياناس
• نجم الدين طاقه وحماس
• لكنه بلعب في بعض الاحيان (لعب حله ساي )
• التكميليه جات
• يجب ان نتخذ من القرارات ما يحافظ علي فريقنا
• البستحق الشطب
• ده حال الدنيا
• والمابجي منو
• يجي غيرو يجي منو
• مع احترامي لجميع اللاعبين
• ولعشرتهم معانا
• فيهم ناس خلاص كفانا
• كان بتحبونا ماتجونا
• يوجد بالكشف لاعبين ممكن يلعبوا في اي فريق في الممتاز
• الا المريخ
• وفي لاعبين ماممكن يلعبوا في اي فريق في الممتاز
• زيهم وزي ناس فنيله اقصد خليفه
• ويمكن ان يتفوق عليهم خليفه بالحماس
• نعلم ان الكره نصر وهزيمه
• ولكن ان ينتصر عليك من هو ادني منك فنيا وماديا واستاديا ومهاريا واداريا
• ده تبقي مشكله
• شخصيا كان يعنيني الممتاز دون هزيمه
• الممتز وبي هزيمه !
• ومن منو !
• معقوله !
• الفرق تلاته
• بنضمن الساده اخوان الفاضل ابو شنب في الدوره التانيه ؟
• في حاجه اسمها (صعلقة كوره )
• ابحثوا عنها في التسجيلات القادمه
• المهاره وحدها لاتكفي
• اذا كانت لدينا حسنه
• فهو طارق مختار
• سا000 سا
• اتقلبت لي
• طا0000طا
• مات وحيا فينا
• البعاتي
• اتبعتي
• ياروشا
• بعد الكوره سمعت لي هتاف
• تيمك صاح يا صلاح
• الزول ده قااااااااااااااااااااااااااعد
• ياربي ما جا الكوره ليييييييييه
• الكاردينال بقي زي تسخاني
• ناس الرشيد يقولوا ليهو قوم سخن
• يسخن زييييييييييييييييييين
• زين ولا سوداني ؟
• ناس نيالا يدردقوها للمستبدل
• المستبدل يجيب قون
• يقولوا ليهو اقعد يا كاردينال
• بعد يسخن يقعد
• ايفياني اداري
• غايتو ياكاردينال تباري ناس الرشيد ديل تسخن لما تبق
• الصفوه ادت المعز التحيه
• والمعز اداها التحيه
• ياربي الحاصل شنو ؟
• حارس مرمي وثيردباك وصانع لعب ومهاجم صريح
• وخانة الباشا خلوها بور
• تضربها الشمس لي شهر اطناشر
• والمغادر بنكرموا
• كل زول فنيلتو من بلد
• ويغلبوا ؟
• دافوري ياكافي البلا !
• بعد الكوره جمهور الجماعه طلع الشارع
• يسكلوا ساااااااااااااااي
• هتاف موحد ماعندهم
• ماجهزوهوا
• مامامتوقعين
• الله بدي الجنه
• لكن العاجبني صلاح ادريس قاااااعد اتقعدي
سلك كهربا
ننساك كيف ونحن ولاشوته ماشتناها في القون
والي لقاء
سلك
babikir maki [b_silik@hotmail.com]
