بسم الله الرحمن الرحيم
في السلك
• القرعه برضو جابت كالا
• حظوظ
• اول مره اشوف لي توانسه تقليد
• توانسه صينيين
• ذكروني فريق فرنسي زمان زار السودان
• اسمو سوشو الفرنسي
• ناس كبار وتقال
• توانسة الافريقي طلعوا دفعة عمك احمد هرمنا
• راس حربة تشادي !!!
• ياخ فكونا ياخ
• كان ده مستوي الكوره في تونس
• اخير يرجع زين العابدين
• الشوط التاني زي مستشفي الزيتونه
• الاهله كلهم رقدوا فيهو
• هو الشوط التاني زاتو اتلعبت فيهو تلاته دقائق
• والتلاته دقائق كانت المده الاخدتها الشوته بتاعت الافريقي الجات قون
• تلاته دقائق من قدم اللاعب لي شبكة المعز
• ماشه فووووووووووووووووووووووو
• فيلكس الماسوره اخد كرت في اول ثانيه بعد دخوله
• بضاعة ميشو دي الظاهر مامرت علي ناس المواصفات والجوده
• فيلكس بتاع الافريقي (اليكس )
• الفي الوسط
• الرابط الطرحه في شعرو
• ده غايتو ماسورة المواسير
• راس حربه تشادي !!!!
• المهم
• الواقع ابو الهل اتأهل
• لحسن حظو في القرعه
• وقد يكون لسوء حظو في المجموعات
• قال ليك مجموعات السنه دي مازيمبي يادوبك يقدر عليها
• يعني الداخل المجموعات ضايع
• كديسه في قفص كلاب
• حانستمتع شديد بالمجموعات
• لكن دحين هدف الافريقي ده ماشايتنوا من قبل الثوره التونسيه ؟؟؟؟
• راس حربه تشادي ؟؟
• معقوله !!!!
• الحكم كليوبالي ده ماغريب علي
• ياربي شايفو وين شايفو وين ؟؟؟
• جمهور تونس قال كلاموا
• ده ماكورة تونس
• دي حاجه تانيه
• ناس الهلال ماعارفهم جروا ليه
• جمهور تونس داخل للحكم ولي لاعبينو
• بتجروا ساي انتوا ؟
• لكن الحكام اخدوا علقه صاح
• نسأل استاذنا عبده قابل
• هل دي اول علقه ياخدها هذا الحكم في الملاعب الافريقيه ؟؟؟
• راس حربه تشادي !!!
• ده كلام ده ؟؟؟؟
• تونس تعيش انفلات امني
• وانفلات كروي
• عقوبة الاتحاد الافريقي ماحاتفرق مع فريق الافريقي
• لانو اساسا فريق الافريق بعيد لسنين طوال من التنافس الافريقي
• لكن للحقيقه قون ابدعت في النقل بعد التوأمه
• اعملوا توأمه مع الشروق ياناس قون حاتبدعوا برضو في نقل الممتاز
• بالمناسبه
• آخر مره اسمع فيها بفريق الافريقي التونسي كانت لما اتعادلنا معاهو في البطوله العربيه
• واحد واحد
• جاب قوننا سكسك
• من ديك ماسمعت بالافريقي التونسي الاقريب ده
• فيكم زول سمع بيهو ؟؟؟؟
• راس حربه تشادي ؟؟؟؟؟
• نقول مبروك للاهله
• ويجب عليهم ان يقبلوها مننا
• عشان لما نقول ليهم كفاره
• يقبلوها برضو
• راس حربه تشادي !!!!
• غايتو بعد الشفناهو ده لو ماشين نلعب في تونس بنسوق معانا ابو طيره
• عشان يعرفوا حاجه
• عيب ياتوانسه
• تصرفات لاتشبهكم
• ماتخلونا نقول زين العابدين كان ماسك بلا
• عمك احمد هرمنا
• طلعت ماسوره ياراجل
• سادومبا ختاها ليك
• وفشل يختها لي ناس شندي
• راس حربه تشادي !!!!
• كتيره دي
سلك كهربا
ننساك كيف والحمام القرعه بتطفشوا مننا
والي لقاء
سلك
