بسم الله الرحمن الرحيم
في السلك
• سعينا للعلامه الكامله
• ولكنه لم يك سعيا من اجل تحقيق شئ جديد
• فالعلامه الكامله حققناها من قبل
• ولم يحققها غيرنا
• وفي العالم كلو حققها اناس يحسبون باصابع اليد الواحده
• ونحن في مقدمتهم
• وغيرنا كالعاده بره اليد الواحده
• مامعانا في هذا الانجاز
• ولذا يظهر سبب فرحتهم لخسارتنا من الاهلي
• لانهم سمعونا نتحدث عن العلامه الكامله
• وشاهدونا نحققها
• ولذا كانوا يتخوفون من تحقيقنا لها من جديد
• العلامه الكامله يا ساده لاتضيف لنا انجازا جديدا
• ولكنها مهمه جدا لناس ماحققوها
• ليدخلوا التاريخ
• فريق التاج والعشره والبركل وهلال الثغر ونيل ام صفقا عراض والكمال الكاملين والهلال وحتي الاهلي الذي انهزمنا منه بالامس مع احترامنا لهم جميعا لم يحققوها ولن يحدث
• لذا يمكن ان تمثل لهم حلما
• وعيش ياحمار لما تقوم النجيله
• طبعا الممتاز بقي مهم من اول امس
• وحلو حلا
• بدليل المسيرات بعد مباراة جزيرة الفيل
• وابواق السيارات ( نصها هكر ونصها مستأجره )
• خالتي سمعت الزيطه
• قالت لي في شنو ؟
• قلت ليها ديل الهلالاب
• قالت لي جابوا جويه ؟؟؟؟
• قلت ليها ابدا
• قالت لي ومالهم ؟
• قلت ليها غلبوا جزيرة الفيل ؟
• قالت لي شالوا الدوري ؟
• قلت ليها ابدا
• قالت لي لحقوا نقاط المريخ ؟؟؟؟
• قلت ليها ابدا
• قالت لي والزيطه والزغاريد في شنو ؟
• قلت ليها تقولي شنو ؟
• قالت لي انا وكت سمعت الزغاريد قايله التومه ولدت !!!
• قلت ليها بعد العمر ده يا خاله ؟؟؟؟
• قالت لي بعد العمر ده نخله ضكر تلد لكن التومه الله واعلم
• ايها الناس
• انتهت الدوره الاولي
• اتمني من قناة قون ان تؤدي الرساله
• وتقدم تحليلا تحكيميا لجميع مباريات المريخ ومباريات الهلال في الدوره الاولي
• بشرط ان يستعينوا بمحللين تحكيميين اجانب
• ولو علي حسابنا
• عشان كل الناس تعرف كل زول نقاطو البستحقها كم ؟؟؟؟؟؟؟؟
• طلب آخر
• نرجوا من الاخ ابو شيبه او الاخ ابو بكر عابدين
• نشر كشوفات حكام مباريات المريخ في الدوره الاولي
• وحكام مباريات الهلال
• ورجل الخطوط
• والحكام الروابع
• في جدول كبييييييييييييييييييييييير
• عشان نعرف المتواليه وقانونها الذي يتبع في اختيار الحكام
• ياناس
• بالطريقه دي الكوره ما بتتقدم في البلد دي
• لاحظوا
• قناة قون في نشيد الدوري الممتاز المصحوب بلقطات للفرق
• المريخ لا يظهر بالالوان الطبيعيه الا في لحظة ولوج هدف هلال الثغر في مرمانا
• حتي الهدف حقنا بجيبوهوا اسود وابيض
• ولا في نحل برضو ياناس قون ؟؟؟؟
• قال لي تيت تيت اهلي حديد
• قلت ليهو اهلي هنا ولا اهلي شندي ؟ افرز
• لي اسي مافرز
• ايها الناس
• علي المجلس ان يضغط الاتحاد لتوضيح البرمجه من اسي
• اي تقاعس بضع البرمجه ميشو زي ما وضعها قبل كده
• يامجلسنا
• عين حمرا ضروري
• المريخ اهم من اي اعتبارات اخري
• لا يهمنا استقرار الموسم الرياضي اكثر من مريخنا
• ولا تهمنا العلائق الشخصيه للدرجه التي تضر بالمريخ
• لو مادايرين تتلوموا
• فوضونا نحنا نتلوم ليكم
• والله نجوطها لما ماتعرفوا الباب بي وين
• اي شئ ولا الحقاره
• ايها النس
• الانضباط اهم عوامل النجاح
• والاستقرار ضروري
• والاحباط لهزيمة عابره لا يحلم بها حتي من انتصر
• يجب ان لا تحبطنا
• نحن ابطال
• ابطال جويين كمان
• بنعرف كيف نمتص مثل هذه المواقف
• لا نقبل حديثا عن تآمر لاعب علينا
• ولكن لن نتنازل عن الانضباط
• ويجب علي الجماهير ضبط النفس عند الشدائد
• والبعد عن اطلاق الاتهامات في لحظة انفعال سببها حب الزعيم
• ايها الناس
• هناك من يعمل لهدم الاستقرار
• من خارج الكيان
• يسخرون من الممتاز عندما يتأخروا بسته نقاط
• يختلقون الفتن والمشاكل بين اللاعب والمدرب والنادي
• يحرضون الجمهور عن طريق استفزازه
• كل ذلك لتحقيق غايات يعرفوها هم
• ويضعون لها الاسترتيجيات
• فوتوا الفرصه عليهم
• نعم فقدنا ثلاث نقاط
• ولكن تعويضها في مباراة الهلال بالذات سهل جدا
• طالما ساكواها في
• والحضري في
• وراجي في
• والتهاون في
• وخليفه في
• وسامي عبدالله مايفوتكم
• شوية صبر بس
• وكل فارا يدخل جحروا
• راحت العلامه الكامله
• ولكنها ليست غايه جديده لنا
• يمكن تكون حلم يدغدغ غايات الاخرين في مضاجعهم
• ولو حققوها يبقوا يقابلوني
• والكمال لله
سلك كهربا
ننساك كيف يا معلم !!!!!!
والي لقاء
سلك
babikir maki [b_silik@hotmail.com]
