بسم الله الرحمن الرحيم
في السلك
• امة المريخ
• امة الامجاد
• تطالب وبالصوت العالي بلقاء جماهيري تفاكري مع المجلس
• الفرصه جيده
• الدوري متوقف
• دعونا نلحق ما يمكننا اللحاق به
• الزعيم يحتاج لوقفه
• وشوره
• وماخاب من استشار
• جوانا مليون سؤال للمجلس
• وجوه المجلس يجب ان تكون مليون اجابه
• صادقه وصريحه
• الجواك يجب ان يكون بطل ايها المجلس
• واجهنا نحن جماهير المريخ
• حاسبونا يمكن نكون مقصرين في حق الزعيم
• فقط اسرعوا
• واجهونا يرحمكم الله
• القصه ماقصت مدرب استقال
• القصه قصة اعوجاج في الحال
• نريد البحث في امور الزعيم
• زنقه زنقه
• دار دار
• بيت بيت
• نبحث عن الدبيب البعضي الاجهزه الفنيه
• ويعجل برحيلها
• واحد في الاتنين
• يافي دبيب
• يا المريخ ده مسكون
• وفي الحالتين ملكونا الحقيقه
• نحن جديرون بمعالجة المشكله
• واجهونا
• تحت شعار
• نعم للحبيب
• لا للدبيب
• قلت لي اسلام الدبيب شكلوا شنو ؟
• قالت لي اضنينو كبااااااااااااار
• قلت ليها ده اب درق يا بت !!!!!
• قلت ليها ولونو كيف ؟
• ضحكت
• وقالت لي فتش بالاضنين لو ماعرفت الدبيب بوريك لونو شنو
• ايها الناس
• اول امس اكتسح الزعيم الهلال في كرة السله
• اكتساح شديد
• برغم حشد الاهله لاي شئ
• ولكن لان دواخل لاعبينا مليئه بالغيره فازوا
• الجواهم حب للمريخ
• الجواهم بطل
• وبهذه المناسبه
• ندعوكم جميعا لتشجيع فريق السله في مباراته القادمه
• شباب االاولتراس ماقصروا
• نجي كلنا
• اعلام وتي شيرتات
• المباراه يوم السبت
• ماتبقوا مريخاب قدم بس
• بل كونوا مريخاب في كل المناشط
• تعالوا وموش حاتندموا
• المهم
• فريق الشعب قبض كم من الحكومه
• وتحت اي بند
• وعملوا بيها شنو ؟؟؟؟
• انا شخصيا داير نصيبي من قروش الدوله الدعموا بيها فريق الشعب
• دايرو كاااااااااش
• ماداير معاهم
• وماداير ادعمهم
• موش انا حر في قروشي ؟؟
• البرير
• قروشي اسع نااااااااااااااااااااو
• الاخ احمد محمد احمد كتب عن شباب من اجل المريخ
• وقال فيهم ماقال
• نيابة عنهم اشكرك اخي احمد
• ونتمني ان نراك في ايام شباب من اجل المريخ
• لتعرف منهم الكثير
• ايها الناس
• مافي داعي لاستعجال موضوع المدرب
• جبره يواصل لما نعرف الحاصل
• مازدا مشي باولاده لاثيوبيا
• ونسي سادومبا
• رسل ليهو التذكره يا مازدا
• اقول ليكم حاجه !!!
• سودنوا الجهاز الفني وسموهوا جهاز النيلين الفني
• السواها الري المصري رقدت
• لكن تاني
• فول مصري ماحبابو
• الفول السوداني مالو عيبو لي
• دكوه سااااااي
• دكوه بالشطه يا عمك
• ماخاتي عليكم حسني مبارك
• شعب .........
سلك كهربا
ننساك كيف ولي اسي ماقابلنا المجلس
والي لقاء
سلك
babikir maki [b_silik@hotmail.com]
