الديمقراطية أرحب .. شعر/ خضرعطا المنان

awatif124z@gmail.com
في يوم سواد .. ومن دون ميعاد
زارنا الكساد .. والظـــــلم عــاد
إنشــــــــــــــــر فوقـــك يا بــلاد
لابس الاسلام عباية
وتــــوب منمق بـــالجــهـــاد !!
( انقــــذنا ) يـــا رب العبـــاد
( انقــــذنا ) من هــذا الفســـاد
من الرمم .. بيع الذمم
ســـرب الجراد .. يوم الحصاد
كوم الجــداد .. ســـوق المزاد
ما الظــلم عــــاد .. الظلم عاد .
طـــــامة حــلت بـــالبــــلـد
الناس مجابدة في معيشا
وفي السـجون من دون عدد
زمـــرة ما هــاميها يـحصل
خــايدة في الطيـن والوحـل
لا طريق شايفنو باين
ولا حتى بصـيـــص أمــل
المصير قدامنا مجهول
والبـــلد ما لاقـي حـــــــل
الشعب بالمرصاد وصابر
وكل من الجــيش تململ
اللجـــان شـــــــعبية تعمل
والمخـازي رغــيفة تــؤكل
وشعبنا المســـــكين مغلغل
وعايش الأحــزان مسلسل
يعلن الكابوس ويســــــأل :
( لا متين الفوقــنا يــرحل
لا متين الفوقـــنا يـــرحل ) ..
شوفنا يا رب العباد
انقــذنا من هــذا الوجــع
ماخلاص .. خلاص
الأمــان بــابــو إنـخــلع
والبلد في عز عذابا
عايـشة في خـوفا وهلع ..
ما نحــنا يا تــاريخ أمانــة
شعب ما بيرضى المهانة
الكــفــاح عــاشــق دمــانا
والنضــال مولــود معــانا
وحتى لو ناكل التراب
ويبقى زاد الكل كتاب
ونــبقى في العاــلم بــرانا
لو يموت نص الشباب
وقدامنا يغلق ألف باب
والثــبور بى تـقلو جــانا
أصلو ما بنرضى المهانة
لو نعيش كيمان وأحزاب
ويومي نكتر دون حساب
ويبقى أعــوج يـــوم قفـــانا
أصــلو ما بنرضى المهانة ..
لو زمــان عــادانا جــرب
وكلما شــــــيدنا خــرب
برضو عارفـين لينا رب
والديمقـــــراطية أرحــب
ونحنا شعب .. نحنا شعب
في سبــيل عــزتنا نتــعب
ونرضى بالزين والكعب
غضبــــتنا أهـــــــــيب
ثورتــــــنا أصعــــــــب
وما بــــنرضى الذل تب
والديمقــــــراطية أرحب
الديمقراطـــــــية أرحب
لو بــلدنا يضيع ويغرق
وفي جحيم الدنيا نحرق
الديمقـــــــراطية أرحب
لو بـــلدنا يــتوه ويخرب
وكل زول من جارو ينهب
الديمقــــــراطية أرحب
لو نــــــاكل ســـنامنا
والطريق ينــسد أمامنا
ومن خبوب جدولنا نشــرب
لو غيوم أحزانا رشـــت
لو مراكب آمالنا طشــت
وضاع عليها الشــاطي تب
بكرة ترجــع للدرب
والمقاديف تنــكرب
المقــاديـــف تـــــــنــكرب
يــــبقى رواســـيها خيــــــرنا
ومافي زول في الدنيا غيرنا
في العذاب قاســـــى وتـــــعب ..
وانـــتو يا ..........
يا زمرة الجهل المركب
في بلادن ناســـــا أطيب
لو غضـــب ســـــودانا فــــاتكم
وعشتو بالطول يوم حيــــاتكم
بكرة ياما نقص جذوركم
وبكرة شمتــانين نزوركم
وياما نرقــص فوق رفـــــاتكم ..
ورغم الضنك ..عيشــة الكفاف
رغم النزيف .. رغم الرعاف
بكرة بنــتوج كفاحنا
انتصاراتنا وسلاحنا
ويصـــبح الكون نـــور زفاف
بكرة نرقص في الشوارع
وتملأ دنيـــــانا الروايـــع
والزغـــــــــاريد والــــهــتاف ..
بــكرة ياما قمــرنا يطــلع
ونــبقى زما كــنا شـــفع
ترحل الأحــزان وتنــجع
من جحـــيم غربتنا نرجع
فوق تراب عزتــنا نركع
ومن نعيم خيراتا نشبع .
أبوظبي / ابريل 1990م