لمحات من أعراس البلد
قطع رحط
أعزموا الناس، شعوب كاملين
وما تنسو الأهل يا مين!
كروت الدخلة لي ياسين
وناس فطومة ما عازمين
عشان في مأتم الوالدين،
ما واسونا، قول لايمين
ولا ناس حواء، ديل كعبين
يشنفو في الخلق حاسدين
وحَتْ ستونة بت مومنين
ما تعتب على البابين!
وما تطلق وشيشها تبين
خشيمها قطيعة، شين في شين
قطعنا رحطنا في يومين
دخلة وللصبح حافلين
ولي جيرنا كل لامين
ووين أعمامنا، موسي وأمين
لا زارونا لا جايين
لا أدونا لا جايبين
مغتربين وغنيانين
لكن ما بسلوا،
ولو ملين
E-Mail: mohamed.badawi@uni-konstanz.de
