اولمبينا طلع لمبينا .. بقلم: بابكر سلك

أخبار أخرى

كابتن علي قاقارين في ذكري الرحيل

‏3 أسابيع مضت

البرهان : عدم حرمان أي سوداني من استخراج الأوراق الثبوتية حتى وإن كان لديه بلاغات جنائية فهذه حقوق مشروعة

18 ديسمبر, 2025

السودان بين حروب الموارد وأقنعة الهوية -قراءة لكتاب

14 ديسمبر, 2025

بسم الله الرحمن الرحيم

في السلك

b_silik@hotmail.com

*كانت مباراة تجريبية لاولمبينا ضد الاولمبي اللمبي

*طلعنا نحنا اللمبي

*نفس علات الكبار

*بطء الحركة الشديييييد

*عدم الانضباط التكتيكي (ده طبعا لو كان في تكتيك اصلا )

*وهنا يحضرني موقف طريف

*في التمنينات

*ايام كان في اهتمام بالانديه

*سافر الهلال لمعسكر اعدادي بالعراق

*كان وقتها المدرب احمد عبدالله مدربا للهلال

*اختار تشكيلته وقعد جمب الاحتياطي في الكنبه

*ابدع العراقيون

*ونفذوا جملا تكتيكيه اوقفت لاعبي الهلال في العقبه

*تنفيذ للتكتيك كما قال كتاب الكورة

*كرار ابو علي المبدع

*كان يجلس علي الدكه جوار المدرب

*وفي لعبة تكتيكيه رائعه للعراقيين

*انفعل معها الكوتش وقال

*بالله شوف الناس ديل بلعبوا بي تكتيك كيف

*كرار قال ليهو

*يا كوتش

*انت اديتنا تكتيك نحنا قلنا ليك ابينا ؟؟؟

*اها

*لا استغرب ان يكون اولاد اولمبينا امس قالوا لمحسن والديبه

*انتوا اديتونا تكتيك نحنا قلنا ليكم ابينا ؟؟؟

*اداء كان عشوائي شأنه شأن كرتنا العقيمه

*بعد الكورة ناسنا نفسهم قالع

*واولاد اللمبي تقول صاحيين من النوم

*نفس عااااادي ومرتاحين كمان

*وده بعود الي ان فريقهم مستمر في جدول تمارين واعداد ومباريات تجريبيه

*وفريقنا بلموهوا للاحداث

*وكده ما بنتطور ابدا

*وشفنا وليد علاء ومحمد جكسا وغيرهم

*اذا الهلال سجل من ديل سته وعندو اتنين

*فاليرحب ابو الهل بالخمسات

*انها عودة ابو الهل للستات

*ايها الناس

*اذا ما امنا الحكومه اهتمت بالامر مافي فايده

*استراتيجية الدوله هي المخرج من عشوائية الحكومه

*وعلة الكرة المعكوسه في الكورة السودانيه سببها العشوائيه

*لا بنعرف نعكس عشان نغلب

*ولا بنعرف نتعامل مع معكوسات الغير

*ايها الناس

*الناس الشفتهم امس ديل

*الله واعلم يكونوا اولمبي

*ودي واحده من علات كورتنا

*قبل كده صالح سنار لعب في الهلال قريب سبعه سنين تحت السن

*المهم اولمبينا قابل اولمبي اللمبي

*وطلع اولمبينا هو اللمبي

*الكشري كسر الكسره

*وهو في كسرة ؟؟؟

*ايها الناس

*موضوع عمر بخيت ما عارفين الحصل فيهو شنو

*ولكن اطمأنينا بعد ان اوكل الموضوع لحمد السيد

*نحمد سيدنا يا حمد ونضوي  ولا الحمد لله الذي لايحمد علي مكروه سواه !!!!!

*ايها الناس

*ان تنصروا الله ينصركم

*اها

*نجي لي شمارات والي الخرتوم

*كان شفت يا والينا

*الدولا بقي زي الكمساري

*ينزل ويطلع سريع

*قرب يسأل

*حد نازل

*طوااااالي جنيهنا بقول ايوه يا والينا

*في اول محطه بنزل ويخلينا

*بنزل كتير كده جنيهنا ليه قول لينا

*وطوالي قاعد جمب الباب عشان ينزل يا والينا

*يكون بسف وضحوا لينا ؟؟؟؟

سلك كهربا

ننساك كيف ومتدهور يومي عشان السف ,,,,مابحب الزول البسف ,,,مقرف

والي لقاء

سلك

////////