القطر الشالك انت يتكسر حته حته .. بقلم: بابكر سلك

بسم الله الرحمن الرحيم
في السلك
*امس اسدل الستار علي بطولة الخليج
*قطر شالت الكاس
*شغل وتخطيط وقناعه من الدوله
*الدوله الهناك في قطر
*مايكون في زول افتكر الدوله الهنا لا سمح الله
*دولتنا دي تخطيط مدن قاعده تفشل فيهو
*تعمل ليك زلط يقفل البلاد
*من سواكت للمجلد
*كبري مافيهو
*كبري شنو
*ماسورة تمرر المويه مافيهو
*برغم توفر المواسير في الادارات العليا حقتنا
*المهم الزلط يقفل البلاد
*وتغرق مرابيع الشريف في الخريف
*والحال يقيف يا محمد احمد تستجم
*تستجم متوهط ملاية ومتوسد الطين
*وتتأمل في الزلط الكلو زفت في زفت
*المهم
*قطر تخطط وتنفذ وتفوز
*ونحنا لسه لعبنا بوز
*مع اني مقتنع
*بان شيوخ قطر ليسوا باوفر مالا من شيوخنا
*بس شيوخ قطر بياكلوا وبأكلوا معاهم قطر
*-وشيوخنا بياكلوا براهم حتي لو راكبين قطر
*ويحرقوا باقي ناس القطر
*المهم
*نبارك لقطر 
*لانها تستحق
*وقطر صدقوني بتشبه الهلال
*شبه شديد
*اللاعبين كلهم اجانب
*-والجماهير مواطنين
*شفتوا الشبه ده
*وقطر برضو بتشبه المريخ
*لابسه احمر وجابت كاس جوي
*بالطياره يا روشا
*وقطر برضو بتشبه المريخ
*بجامع كل في عدد الجويات الاقليميه
*فخليجي هي سيكافا الخليج
*قطر جابت خليجي التالته
*والمريخ جاب سيكافا التالته
*مبروك لقطر
*وقال ليك
*القطريون بجوا يوم كورتهم بالقطريه
*زي مية طياره كده
*زي الهايسات زي ماتقول كده
*ممكن يلقوا طياره في مطار الدوحه
*يقولوا ليهو الكورة الكورة
*يقول ليهم بتتموا الفرده
*ويركبوا
*ونحنا من الحاج يوسف ماقادرين نصل حلة كوكو
*امس قالوا جوا باكتر من مية طيارة
*فيهم وحدات طلب
*نقلتهم كلهم
*ناقل وطني عاد بتقصر كيف
*انتوا بمناسبة ناقل وطني دي
*وييييييييييييييين سودانير !!!!
*اها
*اسلام كانت بتشجع قطر شديد
*قلت ليها يا بت انتي بتشجعي قطر ليه
*قالت لي الدم بحن يا بابا
*حاسه بالناس ديل زي السودانيين سودانيين
*بكيت يا والينا
*بكيت حيث لاينفع الندم
*لكن بيني وبينكم
*منتخب قطر فيهو تمنيه من ابيي
*ولا ماكده !
*تمنيه او تسعه من ابيي
*بلال ده يشبه لي صاحبا لي من دينكا نوك
*اسمو قلواك
*ماجد والطاهر زكريا وحامد اسماعيل ومحمد جدو و معاذ يوسف وبوسف احمد
*الناس ديل انا شايفهم وين شايفهم وين ياربي !!!
*ايها الناس
*بارك الله في شيوخ قطر وفي شفوت قطر
*والقطر الشالك انت يتكسر حته حته يا انت
*المهم
*نرجع لخرمجتنا المحليه
*قلت لي جينارو من ابيي يا روشا ؟؟
*فطومه رأيك شنو ؟؟؟
*طبعا اجاباتكم عارفها
*يقولوا ليكم جمعه من وين ؟
*تقولوا ابيي شماليه
*وهل اعترف الشمال لدولة الجنوب بابيي ؟؟؟
*اسي الكلام ده علاقتو شنو بالسؤال
*السؤال  هل جمعه من ابيي ؟؟
*الاجابه اصلو ما ممكن تكون ابيي شماليه
*زول يقول ليك اطول الزرافه ولا الغزاله
*تقول ليهو اشنه القرد !!!!
*قول يا روشا ابيي هي عاصمة  جنوب غرب كردفان
*جمعه من ابيي ؟؟؟
*ايها الناس
*انتظر بحراره قفل باب التسجيلات
*عشان اسمع بيان مجلس ادارة نادي المريخ
*نعم التكميليه كانت رئيسيه
*ولكن هل يغني ذلك من اكمال الثغرات التي وضحت ؟؟؟؟؟
*غايتو تجميع جياد فارجنا فارجنا
*ياغرفة تسجيلاتنا
*التسجيلات الجايه
*جيبوا ليكم كشاف لاعبين صيني
*يجيب لينا عجب صيني وكمال عبدالوهاب صيني
*ايداهور صيني كمال عبدالغني صيني
*سامي عزالدين صيني وجمال ابو عنجه صيني
*الصينيين ديل بقلدوا كويس
*بس ما تجيبوا لينا حامد بريمه صيني
*عندنا جمال سالم اصلي
*ايها الناس
*بارك الله في شيوخ قطر
*وبارك الله في سلطان ابيي
*وبارك الله في رؤساء المحليات 
*وبارك الله في ادارات النفايات
*وبارك الله في البرلمان وفي كل المجالس التشريعيه الولائيه
*المهم
*قلت لي ياروشا تسجيل في السفاره قدام السفير ؟؟؟؟
*سلطان ابيي بقبل الكلام ده ؟؟؟
*تسجيل قدام السفير!!!
*ده تسجيل ولا توكيل ؟؟؟؟
*بتعتمدوهوا في الخارجيه يا روشا ؟؟؟
*ولا البرازيلي برضو من ابناء ابيي !!!
*ما بحتاج اعتماد في الخارجيه !!!
*ايها الناس
*صدقوني
*ان تنصروا الله ينصركم
*اها
*نجي لي شمارات والي الخرتوم
*والينا
*بارك الله فيكم
سلك كهربا
ننساك كيف والشيوخ خشوم بيوت
والي لقاء
سلك
b_silik@hotmail.com
////////////