الزول ده من دقنوسو ده ماقاعد في الواطه .. بقلم: بابكر سلك
29 ديسمبر, 2014
منشورات غير مصنفة
32 زيارة
بسم الله الرحمن الرحيم
في السلك
*اغنيات الحقيبه لها وقع خاص في نفوسنا
*فهي مرحلة يستحيل تجاوزها عند صياغة تاريخ الاغنيه السودانيه
*فطاحله صاغوها شعرا والحانا
*وفطاحله تولوا امر ايصالها من خلال حناجر قلما يجود الزمان بمثلها
*واي فنان استطاع ان يضع بصمته علي خارطة الاغنيه السودانيه
*بدأ باغنيات الحقيبه
*وهي تعادل كورة الشراب عند ناس الكورة
*المالعب بي كورة الشراب ما بعمل كنترول كويس
*ومابقدر يلعب في مساحات ضيقه
*ويفشل في حال اللعب الضاغط
*بدور القلعه تغني بها محمد الامين فاجاد وابدع
*ووردي عندما تغمني بقسم بي محيك
*وجميعهم رددوها
*ومن اغنيات الحقيبه الشهيره
*احرموني ولا تحرموني سنة الاسلام السلام
*اللهم اجعل في هذا البلد سلاما يحجب عنا النقيرز يا الله
*اللهم اجعل في هذا البلد سلاما يحفظ الناس في الخلا يا الله
*اللهم اجعل في هذا البلد سلاما يجمعنا بعيدا عن طاولات المفاوضات
*اللهم اجعل في هذا البلد سلاما يساوين جميعا امام الحقوق والواجبات يا الله
*اللهم اجعل في هذا البلد سلاما يحير مجلس الامن والامم المتحده ويقفل عليهم باب التدخلات في شأننا يا الله
*اللهم اجعل في هذا البلد سلاما يحافظ علي المال العام
*المال العام ده يا ربنا عام شديد خلاس
*بالطريقة دي الوطن بغرق
*اللهم واجعل في هذا الوطن سلاما يجعلنا ننام وكلنا ثقه في ان موارد الدوله في امان يا الله
*اللهم واجعل في هذا البلد سلاما يعلم الاهله الاعتراف بجوياتنا وبفشلهم في ذلك يا الله
*اللهم واجعل في هذا البلد سلاما يجعلنا نكتب في اورنيك الجنسيه الجنس سوداني والقبيله سوداني يا الله
*المهم
*جاء في الاغنيه
*من تعاطي المكروه عمدا غير شك يتعاطي الحرام
*اللهم وباعد بيننا وبين تعاطي المكروهات والحرام يا الله
*وورد علي صدر صحيفه ان مدرب نادي قمة يتناول الكحول في التمارين
*غايتو نحنا كنادي قمة مدربنا في الكريسماس
*ماقاعد يجي التمارين
*بالله قال ليك الميدان مليان فاضي
*لاحول ولا قوة الا بالله
*اخلاق النادي ومبادئ النادي وتعاليم دين النادي الحنيف
*مفروض تبعد المدرب ده طوااااالي
*ده يا والينا بخرب لعيبتنا علينا
*معقوله
*الحرام وعمدا وفي التمرين كمان ؟؟؟؟؟؟
*الزول ده انا مماشفتوا قلت ياربي شفتو وين شفتو وين
*اتاريهو بتاع عمدا كمان !!!!!
*ايها الناس
*نحن في انتظار قرار مجلس النادي التربوي سريع
*ايها الناس
*الاخوه في فلاي دبي
*لو في تلاته مقاعد دبي الخرطوم بدون بالعكس
*كلمونا
*عندنا ناس عزيزين علينا راجعين
*فطومه اختي طبعا هناك
*فطومه لو لقيتي حجز كلمينا
*المهم
*في تجربتنا التانيه برضو فزنا
*والعقرب عقرب ليك الفراعنه زي الماحصل شئ
*تراوري احرز هدفان
*وبرغم ذلك
*انا اتمني ان يكذب توقعي هذا التراوري
*الدلع والعجن والانانيه والتمرد بالاستهتار
*اظنها سمات اساسيه فيه
*لذا لن يتركها الا اذا ترك الحياة
*وما تنقله الكثير بين الانديه الا لهذا السبب
*واتمني من الجهازين الفني والاداري التعامل بحرفيه واحترافيه مع هذا اللاعب
*ودقس المجلس حينما ابقي عليه بالكشوفات
*والله يجيب شهر سته
*المهم
*من تعاطي المكروه عمدا غير شك يتعاطي الحرام
*طيب
*ومن تعاطي الحرام علنا !!!!!!!!!!
*في التمرين ؟؟؟؟؟
*محمد عبدالماجد
*اكتب لينا عن الحقيبه شويه
*بالذات احرموني ولا تحرموني
*الزول ده من دقنوسو ده ماقاعد في الواطه
*ثابت يا زول
*قول اه
*الكترابه
*روشا
*قلت لي الجوهره الزرقاء
*ماشه كيف الجوهره
*اقول ليك يا روشا
*انت طالبني حليفه !!!
*لا بس طالبني حليفه !!!!
*وحياة امي انا خاتيك في مكانه
*اقول ليك شنو ولا شنو
*لكن طالبني حليفه !!!!
*انا بعتبرك اخوي
*اخوي عديل كده
*وحياة امي
*لكن اسألك سؤال
*انت طالبني حليفه !!!!
*واتعمدي
*ايها الناس
*2870
*وضع الكرة في ملعب الشفوت
*التزام حسب القدره
*يثبت للعالم ان الزعامه نحنا قدرها
*سهم ثابت معروف حسب المقدره
*بودينا لي قدام اكيد ونخلي الورا ورا
*وحياة امي
*انتوا طالبني حليفه !!!!
*ايها الناس
*ان تنصروا الله ينصركم
*وحياة امي
*اها
*نجي لي شمارات والي الخرتوم
*كان شفت يا والينا
*امس جبنا الجرايد وقرينا
*نديك مقتطفات مما قرينا
*ولا تعليق يا والينا
*مصر تضبط 45 قردا مهربا من السودان
*حتي القرد مافضل لينا
*صرف سبعه مليارات علي مكاتب تنسيق مغلقه
*وريتونا لكن بس بالجديد ولا بالقديم ورينا
*صحة الخرطوم تغلق اربعه وعشرين مستشفي خاص لعدم مطابقتها للمواصفات
*خالفت بعد صدقتوا ليها ولا بعد داك يا والينا
*انتوا لماجيتوا تصدقوا ليها صدقتوها يا والينا !!!
*ابوصالح يطالب بمائدة مستديره لمناقشه قضايا الوطن
*يا ابوصالح مائدة شنو ساندوتش بكفينا
*السلطات تغلق كبري المنشيه امام الشاحنات لاغراض الصيانه
*هو متين اتعمل لينا يا والينا
*الكبري ده اتعمل لينا ولا اتعمل فينا
سلك كهربا
ننساك كيف وبقينا مابنفرز الكبري البتعمل لينا من الكبري البتعمل فينا
والي لقاء
سلك
b_silik@hotmail.com
////////
سودانايل أول صحيفة سودانية رقمية تصدر من الخرطوم
