ATTENTION .. بقلم: بابكر سلك
7 مارس, 2015
منشورات غير مصنفة
25 زيارة
بسم الله الرحمن الرحيم
في السلك
*ايها الناس
*براحه تعالوا ندرس ونحلل ونفكر ثم نقرر
*المستوي الفني للفريق ومظهره
*وقبل ان نخوض في الموضوع
*يجب ان نستصحب معنا الموسم السابق
*نرجع بالذاكره
*ونسأل
*هل كنا راضين عن الاداء والشكل في عهد محسن وبرهان ؟؟؟
*الاجابه لا تحتاج لعناء وجهد
*لاننا كنا برغم الانتصار نطالب بالعرض الجيد والجميل
*لدرجة ان محسن قال في تصريح صحفي
*الداير عروض يمشي السينما
*ولان الشفوت يعشقون الانتصارات المرتبطه بالعروض القويه
*لايحبون فوز الصدفه والهدايا التحكيميه
*لم يقنعهم تصريح محسن
*بل وكانت النفوس تطالب بجهاز فني جيد وجديد في الموسم الجديد
*ايها الناس
*حاليا وفي هذا الموسم
*تذكرون يوما لعب فيه المريخ وكان سيئا عرضه ؟؟؟
*حتي المباريات التي خسرناها
*اجمع الجميع علي اننا الافضل فيها
*بل اجمع الناس علي ان النتيجه العادله هي الفوز باهداف كثيره
*راجعوا مباراة الاهلي الخرطومي وشندي والفاشر
*بربكم كم هدف مضمون اضعناه
*وكم من زمن المباراه في الخطوط الخلفيه للخصم قضيناهو
*وكم هجمه قادها الخصو علينا ؟؟؟
*خلاصة الكلام
*ان هناك شغل تدريبي كبير يقوم به الخبير غرزه
*وبوادر نجاح غرزه تظهر ليست في العروض فقط
*وانما في عداء حسادنا للرجل
*يأملون اليوم قبل غدا في رحيل الرجل عن القلقعه الحمراء
*ايها الناس
*راجعوا فترة الفرنسي مع الهلال
*لم يستطع ان يخلق شكلا للفريق
*لا لعيب في غرزه
*ولكن لرداءة المواد الخام التي وفرها له الهلال
*انصاف مواهب وشتر
*فكشف غرزه كضبة الاهله
*وقال لهم بالحرف الواحد
*دايرين ليكم تلتين لاعب
*يبقي بعد الكلام ده كلو
*اي زول يقرر براهو
*غرزه يقعد ولا يمشي ؟؟؟؟؟؟
*المهم
*الحرب ضد المدينه
*انتقلت الي الشارع
*فكانت قصة مشكلة الحافله التي سمعنا عنها
*بكري المجنون ده الشارع ده كلو عربات
*بس اختار الحافله دي ن دون الحافلات
*واعتدي عليها
*خلينا من الحافله
*صرف ضربات الجزاء التي ترتكب معه
*انذراه لتحجيمه في بدايات المباريات
*واخيرا جابت ليها تلفيق وتلتيق اعتداء علي الحكام
*وشريط المباراه بعد نهايتها يوضح
*ان بين بكري وايمن والحكام
*كان هناك جبلا من امن الملاعب
*بكري ضربكم بالواتساب ؟؟؟
*انها الحرب
*حرب علي بكري
*وبكري لايحارب
*عندو شغل تاني
*ولكن نحن لها
*اما طريفي مباراة الاستقلال سنعود له بالتفصيل
*ونجومي الحكام يعطيه عشره من عشره وهو يعدد له بعض الاخطاء
*اخطاء وعشره من عشره ؟؟؟
*هو حساب ولا كوار يا النجومي ؟؟؟
*hdih hgkhs
*ايها الناس
*هلال البوبار الماقادر يوصل سيمبو ده
*مابقدر يواصل لو الحكام لبسوا شعار عصمت ودخلوا الملعب معاهو
*مسألأة وكت
*لان الروليت الحقيقي
*مع تجاهل تأثير التحكيم علي المريخ كالآتي
*التحكيم 12 نقطه
*مريخ الفاشر 11 نقطه
*اهلي شندي 11 نقطه
*المريخ عشره نقاط
*الاهلي الخرطوم
*الخرطوم الوطني
*الرابطه كوستي
*مريخ كوستي
*هلال الفاشر
*هلال الابيض
*النسور
*امل عطبره
*هلال كادوقلي
*الميرغني كسلا
*الهلال 3 نقاط اثر فوزه علي هلال كادوقلي بعد ان اجلس الجهاز الفني لكادوقلي تشكيلته علي الكنبه
*يمكن داير يجرب التانيين
*مجدي اصلو كده في التدريب
*بحب يجهز هلالو كويس
*موش مدرب الهلال !!!
*المهم
*امامنا موقعه افريقيه
*وموقعة عزام وانصاره الحمام
*اثبتت ان التفاف الشفوت حول الزعيم هو اكبر معينات النصر
*وان النصر ينطلق من حناجر الشفوت
*فقط نطلب ونطالب
*المسميات الكتيره للروابط الجماهيريه
*ان توفر معينات تشجيعها بنفسها لنفسها
*ومعينات ترحيلها بنفسها لنفسها
*ويمكن لمن يريد الدعم
*ان يدعم الجماهير باعلام او تي شيرتات او كابات توزع عليهم داخل الاستاد
*لكن ان تقوم تلك التنظيمات الجماهيريه بالاعتماد علي رموز واقطاب لتحمل التبعات الماليه
*يبقي من اساسو مافي داعي لتكوين تلك الرابطه الغير قادره علي توفير معينات التشجيع لمنسوبيها
*الموضوع ده نرجع ليهو بعد الكورة الافريقيه
*بالذات وقيادات تلك التجمعات الجماهيريه لا زالت هي قيادتها منذ انشائها
*فهل يعني ذلك ان قيادة تلك الروابط والمسميات حكرا علي تلك القيادات ؟؟؟؟
*ايها الناس
*المجلس او ضباطه الاربعه
*ما يجهجهونا يوم قاعدين ويوم ماشين
*ادارتهم زي كورة بله
*ماشن علي وين هم زاتهم ماهارفين
*لان في تصريحاتهم الكثيره عن التنحي من واذي وتهديد
*والمريخ لو ارتبطت حياته باشخاص يبقي موتو احسن
*من اراد الذهاب يذهب اليوم قبل غدا
*وكتر خيرو علي الجهد الذي قدمه للمريخ
*وكتر خير المريخ علي ما قدمه لهم
* الناس يعرفوا بالمريخ ولا يعرف المريخ بالناس
*ولا يستطيع كائن من كان ان ينكر فضل المريخ علي الناس
*ولاننكر نحن ماقدمه البعض للمريخ
*من يريد الذهاب يذهب مشكورا ومكرما
*وبارك الله لهم في ايامهم
*فحواء المريخ التي ولدت اداريي اليوم والامس
*ولدت ايضا اداريي غدا وبعد غد
*وصدقوني
*سيتنافس علي مجلس المريخ الكثير من اصحاب القدرات الماليه والذهنيه
*سيشرفهم المريخ بالطبع قبل ان يتشرف بهم
*ولن تسقط الرايه حتي ولو حكم المريخ الابنوسي انجلو
*تحيه لذلك الرجل الابنوسي والهرم الافريقي الكبير
*فماقدمه انجلو للمريخ تعجز الالسن عن وصفه
*يكفيه انه هو من قدم الملعب الرديف للمريخ في صمت مقدس
*ايها الناس
*تبقت ايام للمعركة الافريقيه
*تكاتفنا هو بلسم النصر الكبير
*خلافاتنا الصغيره نؤجلها وننساها لحين
*من اجل كيان اسمه المريخ
*ولا مريخ بدون رجال
*ايها الناس
*من لايثق في قدرته علي قضاء فترته عضوا بالمجلس
*عليه ان لايرشح نفسه مستقبلا
*وكم اعجبني الصحابي الجليل ابو بكر الصديق رضي الله عنه حينما قال
*من كان يعبد محمد فان محمدا قد مات ومن كان يعبد الله فان الله حي لا يموت
*فالانتماء ليس لاشخاص ولا للافتات نعلقها علي سياج الملعب ونجلس تحتها
*ولا لتصريحات خنفشاريه
*ولا للتهليل والفرحة لخسارة المريخ كيتا علي من يديره
*الانتماء قدسيه يدركها ويمارسها فقط العشاق الذين يأتون من كل فج عميق
*وتفيض اعينهم دموعا عند الانتصار
*ولايعرفون الانكسار عند الهزيمه
*يلتحفون احذيتهم من فرط سخانة المدرجات
*ويستظلون بحبهم للمريخ من هجر الشمس نهارا وهم حضورا داخل الاستاد لنصرة الزعيم
*ايها الناس
*يسعي الاهله بكل قوة للعرقله علي بكري المدينه
*وحينما اقتنعوا بان قضيتهم فشوش
*ذهبوا لاختلاق المشاكل في الشارع مع الرجل لتوقيفه بواسطة الشرطه
*وداخل اروقه الاتحاد ولجانه
*بنية توقيفه عن نشاطه
*يستصحبون معهم ما حدث لجبرة عندما اقتالوهوا بتمثيليه جيانه
*ومجلسنا وقتها يتفرج
*لن يقتل بكري وفي حنايانا قلب ينبض
*لن نتهاون في حقوق المريخ لداعي استقرار الموسم الرياضي
*همنا الاول المريخ والعداله
*الموسم يستقر يتجهجه ما بخصنا
*عشان كده نلتمس اشراك الوزير للجماهير في اختيار المجلس القادم تحت اشراف مجلس الشوري
*فمن يستقيل ليس لديه الحق في التدخل في اختيار التشكيل الجديد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اليومين دي اي زول ما مرخص عربيتو
*الله اداهو قدر نيتو
*يعلق الشجره في القزاز قدام
*ويطلع ناس المرور حمام
*زول بقدر يسألو مافي
*سائقو الحافلات قالوا ان شاء الله الانتخابات تستمر سنتين
*جارنا يا والينا
*عندو كومر تراب
*قطع ليهوز شجره عديل كده وختاها في الكومر بالفيها
*قطعها بي عش القمري الفيها
*مسكين سنه ما اشتغل ساكت لافيها
*غايتو يا والينا
*انا حا اعمل لي مشتل املاهو شجر ضل وزينه
*بتاع النفيات يجينا
*اديهو شتله يا والينا
*بتاع الضرائب والعوائد والزكاه اللافين فينا
*كلو واحد شجره يا والينا
*ناس الكهربا والمويه البتندفع جيرا علينا
*شجرة كبيره يا والينا
*ناس المدرسه
*نيمه يا والينا
*والداير يناسب دستوي فينا
*سد المال شجرة زينه
*اليومين دي بقبلوا بينا
*في المستشفي
*شجرة منقه يا والينا
*المشتل ضروري يا والينا
*اسميهو
*اوعك تقطع صفقة شجره
سلك كهربا
ننساك كيف وناس بقت زي الطيف يوم قاعده ويوم مافي ويوم نفكر
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
