سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
*غايتو الهلال ده لو ما لحقتوهو
*وخليتوهو يلقط سااااي
*يوم بجيب لينا جسم غريب ينفجر فينا ويريحنا
*صديقي عماد الطيب
*محامي محترم
*وتاجر شاطر
*في تجارته متخصص مغالق
*بس عيبو ما بفرق بين البضاعه الجايه الهلال
*والبضاعه الماشه المغلق
*بجيب البضائع كلها مواسير
*يملي الهلال ويملي المغلق
*معقوله يا عمده تيجانا !!!!!
*ده دحين ما تيجانا الكان بلعب في درجة تانيه في الدوري الاماراتي ؟؟؟
*دحين ما ياهو تيجانا اللعب في السعوديه في فريق اسمو يثرب ولا القريه ماعارف ؟؟؟
*اظنو اسمو سهم بنو قينقاع
*وقال ليك عندهم كورة نجوم ضد بني النضير
*تيجانا واقف ساي كان
*وضيع بلنت كمان
*حتي الجماهير كوركت فيهو وقالت
*ماهذا يا رجل
*ويحك
*والويل لمن جلبك لهذا الفريق
*لنكسرن رقبته ونضربن عنقه
*موش ياهو تيجانا الجاب اربعه اقوان في موسم كامل
*لانو اربعه جاب اربعه يا عمده
*وحقو يا اخوي تفرق بين البضائع الجايه المغلق
*والبضائع الجايه الهلال
*بي طريقتك دي يوم بتجيب ليكم جسم غريب يطرشق فيكم وفينا
*ايها الاهله الشرفاء
*اذا كانت دي طريقتكم في التكميليه
*ابشركم
*الدورة التانيه برضو حاتلعبوها بي وليد ومعتصم ومهيلم ورامي وريمي وطمطم
*لكن في المجموعات مافي كي ام كي
*ولا سانغا
*ناس ريمي ديل مابجي منهم في المجموعات
*والجقلبه حاتبدأ
*وكردنه حايضطر يمشي لوزان ليشغل الاهله عن تسجيلات الجسم الغريب
*ويقوم يفتح ملف بكري المدينه
*ولكن هل يصبر الاهله في الدورة التانيه والمجموعات !!!!!
*ايها الناس
*يتحدثون عن رسوب اربعه او تلاته من المرشحين للانضمام للمريخ في التكميليه
*ودي ما مشكلة للمريخ بقدر ماهي محمده
*يعني المريخ ده يكشف عليهم في بلدانهم ؟؟؟
*طبيعي يخضعهم للكشف الطبي هنا
*ولكن المشكله
*هي تسجيلهم وفيهم المعطوب والسعران والعندو ايبولا
*مثلا ابو الهل شهر اطناشر الفات
*سجل كانوتيه المعوق سته شهور ما بقي كويس
*وكيبي البلعب كورة ويقيف كورتين
*ده غير سنكارا
*سنكارا ده لو ما اخاف الكضب اقول سعران
*زول يعضي زميلو في التمرين !!!!!
*حقو الاتحاد العام يجبر الانديه بعد الكشف الطبي
*يمشوا الكشف البيطري
*السعر والعض ده مابنقدر عليهو
*ايها الناس
*هل حقيقة فشل الرديف في اعادة قيد حسين ؟؟؟؟
*هل صحيح ان اللاعب قيل مقيل في المكتب التنفيذي دون جدوي ؟؟؟
*اذا كان جمال قد (دق) صدرو للتكميليه
*باقي المجلس كلو ماقادر يعيد قيد لاعبي الرديف والاشبال ؟؟؟
*ناس المجلس ديل شغلهم بس يجلسوا وخلاص
*همتكم يا ناس همت
*فأهمال الرديف والشباب يبقي وصمة عار لمجلسكم مدي الحياه
*ايها الناس
*اذا كان ابن غرزه ميكانيكي زي ماقالوا
*يبقي اتعلم المكنكه في الهلال
*موش كان شغال هناك قبالنا ؟؟؟
*الشتل بدون فهم ببقي وهم ساي
*ايها الناس
*الحصل شنو في موضوع احمد بيتر
*وهل سكت ناس العباسيه علي اخبار شطبهم للبلاغ ؟؟؟
*مع العلم بان البلاغ فيهو مادة تتعلق بالحق العام
*لايحق للعباسيه ان تتنازل عنها
*لانها لاتملك الحق العام
*ومشكلة احمد بيتر هي السبب في رجعة العباسيه للدرجه الثالثه
*في الوقت الذي يفترض فيه ان تصعد للاولي
*قضيه زي دي بتتنسي يا ناس العباسيه ؟؟؟
*المهم
*علي المجلس ان يلحق البتلحق في موضوع الاشبال والرديف
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا الجن قفل مدرسة في السعوديه في المدينه
*دحين يا والينا
*مابتلقي لينا من الجن الكلكي ده يقفل مدارسنا علينا
*يريحنا من سوء المنهج وسقف الفصل الداير يقع علينا
*ويريحنا من الرسوم الاثقلت كاهلينا
*ويودينا نحو الاميه يزيد من الاميه الفينا
سلك كهربا
ننساك كيف وزمان الزول من سنه رابعه يشتغل موظف اسي من تالته عالي القلم مابعرف يمسكو
والي لقاء
سلك
