البوليس بوليس الشعب .. بقلم: بابكر سلك

بسم الله الرحمن الرحيم
في السلك
*واحد قال لي باعوا كلوزيوم
*قلت ليهو يعني شنو ؟؟؟
*ما الوطنيه اتباعت زماااااااان
*الوطنيه باعوها من زمن الفيلم الهندي فيهو سطاشر اغنيه
*باعوها من زمن السينما بتشتغل دورين
*باعوها بدري
*ايها الناس
*عزام اتمرن امس في ملعب امتداد ناصر مربع عشره
*طبعا حاتقولوا لي منو الوراهم الملعب ده ؟؟
*اقول ليكم
*في تنزانيين قاعدين في بري من زماااااااااان
*ديل هم العرفوا ناس عزام بالملعب ده
*والتنزانيين ديل قاعدين وسطنا من بدري شديد
*ودواعي الوطنيه هي التي دفعتهم لخدمة عزام
*موش تنزانيين زيهم !!!
*ولكني اوصي تنزانيين السودان
*واقول ليهم ادخلوا الميدان مع تنزانيين عزام
*تتغلبوا كلكم يوم واحد وتريحونا
*عشان تتفرقوا للوطنيه التنزانيه بتاعتكم دي
*عجبي
*المهم
*بالامس كنا حضورا في اجتماع المريخ والشرطه والاتحاد العام
*الريس والامين العام وممثلوا روابط التشجيع من رابطة سوق ليبيا ولجنة التعبئه
*وكان طارق سيد حضورا انيقا
*وشخصي الضعيف الطويل
*كان الاجتماع ناجحا
*اكدنا فيه صفوية الشفوت
*واكدت الشرطه ذلك
*واكدنا فيه احترامنا للقانون 
*لاننا صفوه
*وناقشنا المواقف التي تكررت وسكنت النفوس
*نحن لسنا بلطجيه
*ولكنا لدينا كرامة وشهامه
*وشهامتنا ليست شهادات استثماريه
*ولكنها مواقف رجوليه وبطوليه
*نحترم الدوله ونحترم الهيئات لاننا محترمين
*ناقش الاجتماع السلبيات
*وحقيقة وجدنا من قيادات الشرطه الفهم الراقي والعالي
*ووجدنا منها حرصها علي العلائق الطيبه بينها وبين جمهور الرياضه
*وحكينا كلو شئ
*حتي (ابنصات الدفارات ) ويابتاع الركشه زح
*خرجنا بمكاسب كبيره للعلاقات بين الشرطه والجمهور
*واكدت الشرطه انها لاتجامل او تحابي شخص علي حساب شخص
*وقلنا اذا تفلتنا يجوز للشرطه تطبيق القانون علينا
*ولكن لانتخيل تفلتا من الشرطه
*لانها يفترض فيها الحلم والوعي كالذي لمسناه عند قادتها
*واعلنت الشرطه منعها للبمبان في الاستادات
*ودي يسجلها التاريخ لينا
*بكرة ناس الحركة الوطنيه يقولوا كمان عملوها هم
*والغريبه البمبان في الميدان جابوهوا زمان اساسا ليهم
*زي المدينه الرياضيه
*تبرع بها الشهيد الزبير بمطار الخرطوم
*عندما اتي المريخ بمانديلا
*يعني مدينتنا الرياضيه ومدينتنا العقريبيه
*والماعاجبوا يقيف في الزلط تدقشوا العربيه
*المهم
*صافيه لبن
*تلك كانت خلاصة الاجتماع
*واعلنت الشرطه دعمها لكل الفرق التي تمثل الوطن
*ويبدأ الدعم بمبارتنا غدا
*شكرا قيادات الشرطه الواعيه 
*وشكرا قيادات المريخ الحليمه
*وشكرا روابط المريخ الشفته
*وشكرا للاتحاد العام ممثلا في الدكتور معتصم جعفر
*وقلنا للشرطه
*نريد ان نهتف من حنايانا وبكل قناعة
*البوليس بوليس الشعب 
*بوليس الشعب سيحمي الشعب
*ايها الناس
*ستحيينا الشرطه عند وصولها للملعب
*وسنرد التحيه بافضل منها
*لكل مقام مقال
*ومقالنا في مقام الاحترام هو الاحترام والتقدير
*ايها الناس
*القياده العامه
*عقدت تنويرا جماهيريا في النادي بالامس
*اسارير الفرح كانت باديه
*وبيارق النصر كانت تلوح
*وعيون الشفوت تبتسم
*عزام غزاله في وكر اسد مربعن
*اتعشي يا كنج
*ايها الناس
*بالقرآن مريخنا مصان
*وصدقوني
*باذن الله سنتأهل
*وبكري المدينه ليهو كلمة كلمتين
*وتشوف عيونكم
*هارد لك تنزانيين بري 
*وتنزانيين عزام
*والسمبهار بنجدع في زنزبار
*بره وبعيد
*واتزنبري
*ايها الناس
*نراهن علي ان النصر يأتي من حناجر الشفوت
*كلنا من عصرا بدري
*نعصر عزام
*والنصر يأتي في اي وقت
*لانستعجله
*المهم خلال تسعين دقيقه
*البعدو
*ايها الناس
*ينطلق النصر من حناجرنا اليوم
*كلنا اسلحه للنصر
*لايوجد احتمال غير النصر والتأهل
*سنعلنها من داخل القلعه الحمراء
*من حناجر الشفوت
*المريخ للمرحلة المقبله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*مايغيروك لينا
*جنا تعرفوا ولا جنا مابتعرفو
سلك كهربا
ننساك كيف والله يستر ما يجي نمر محل اسد
والي لقاء
سلك
b_silik@hotmail.com
//////////