بسم الله الرحمن الرحيم
في السلك
• الجماعه الطيبين
• بحاولوا يمشوا علي انفسهم لقب سيد البلد
• لكن معروف طبعا ان السياده لقب تعترف به الدوله
• وتعطيه لمن انجز دون غيره من رصفائه
• وهي وسام يزين صدر الزول
• اها
• طبعا نحنا اعلي حته في دولتنا هي قصرنا الجمهوري
• وقصرنا الجمهوري ما بجامل ساااااي
• وما بقول كلام سااااااااااي
• تتذكروا القصر الجمهوري لما قال
• السيد عيسي صباح الخير
• السيد حامد بريمه
• السيد كمال عبدالغني
• وكل البقيه
• وماقاله مره واحده
• قالها مرات عديده
• سمعتوهوا قال السيد كندوره ؟
• حصل القصر الجمهوري قال السيد جكسا
• دحين لاقاكم قصر جمهوري قال السيد مصطفي النقر
• يبقي السياده المعترف بها من الدوله بقرار جمهوري وتكريم تم في القصر الجمهوري هي السياده المعترف بها
• وشكار نفسو ابليس
• نرجع للزعامه
• الزعيم هو المتفرد في قومه
• هو الزول البعمل حاجات مافي زول عملها
• الزول الفات الكبار والقدرو
• الزعيم هو رجل يزغرد له الرجال
• من فرط رجالته
• عشان كده يقولوا ليك مثلا الزعيم الازهري
• وطبعا اخد لقب زعيم لانو جاب الاستقلال
• انتوا جبتوا شنو عشان تبقوا سيد وزعيم ؟
• عشان كده انسب لقب ليكم انكم ما تلقبوا روحكم
• ابو حشيش
• البرنس
• نجوم طقعوها البرابره
• اهلي ام مغد
• مع احترامي لها جميعا كفرق كوره
• كلها مافيها واحد بتجرأ يطلق علي نفسو زعيم البلد او سيد البلد
• ليييييييييييييه ؟
• عشان ماجابوا حاجه للبلد
• طيب انتوا جبتوا شنو عشان تلقبوا روحكم بالقاب ما حقتكم ؟
• اقعدوا مع البرنس وابو حشيش وناس طقعوها براهم
• ولما تجيبوا شئ تعالوا في القصر الجمهوري شوفوا اللقب المناسب شنو وشيلوهوا
• حاليا ممكن تلقبوا روحكم بي مؤمل البلد
• موش مؤملين في شئ ؟
• اها
• شايف الجماعه مدوا القرعه للوالي
• قالوا يحل ليهم ديون المجلس الفات
• دي قرعة شنو دي
• طوووووووووووووالي مادنها
• اخجلوا يا ناس
• تعالوا تحت تحت للوالي سيد الاسم
• بحلها ليكم من سكات
• بدل البهدله دي
• اها
• خالتي ققالت لي المورده برضو جايه بالابيض الفاتح ؟
• قلت ليها حسب دعم الوالي
• مورده
• اصاله
• جداره
• رجاله
• بساله
• نعم نعم
• مورداب احبكم
• الليله الشافنا في ناديكم بالليل ماكضب
• يسويها الله
• المهم
• السنه الجايه ياناس مجلسنا دايرين لينا محترفين يا بخافوا من السفر
• يا مقطوعين من شجره
• الناس البسافروا ديل ماحبابهم
• زول ياخد كروت ملونه اكتر من كروت الشحن البياخدها بياع رصيد
• ده دولي كيف ؟
سلك كهربا
لن ننساااااااااااااااااااك
والي لقاء
سلك
babikir maki [b_silik@hotmail.com]
