بسم الله الرحمن الرحيم
في السلك
• نحنا شعب معلم وقدييييييييييييم
• لينا فهمنا وهويتنا
• ولينا لغتنا
• بنفهمها وبتفهمنا
• عشان كده عندنا عبارات حقاتنا برانا
• وعندنا تعبيرات ما بنقشها زول غيرنا
• وعندنا كلمات لو سمعتها ساكت تضحك
• مرات لزوم القافيه بنركب كلمه مع كلمه لامعني لها
• ومرات دواعي السجع بتجبرنا علي لتيق الكلام
• ومرات معانينا بتكون غاية البلاغه
• مثلا
• كورة التابه واليابه
• التابه عرفناها جات من الانثي التي ترفض الشئ واليابه هو الذكر الذي يرفض الشئ
• ومرات بتكون كلمات الجمله كلها متناسقه في المعني وتؤدي اليه
• مثلا
• عندنا عباره بنقول فيها يا عيفه ,
• وفي ناس بقولوا ياعيفه يا تليفه
• وظهر مصطلح برعي وخلف الله وزمان كان المصطلح خليفه
• نرجع للعيفه والتليفه
• وهي عباره تعبر عن عوارة الموصوف بها
• ها يا العيفه
• التليفه
• والتليفه تعني الزول التلفان
• منتهي عديل
• عواره شديده
• مابجي منو وما بحس ولا بشعر
• اللهم احفظنا يا كريم
• المهم زي مانحنا عندنا العيفه
• التوانسه برضو عندهم العيفه
• بلعب في الافريقي التونسي
• قالوا ماجايبين العيفه معاهم
• خلوا العيفه وجوكم
• الله يستر
• الرائع داوود مصطفي كتب بزاويته الجميله ثرثره علي ضفاف المزاج عباره استوقفتني
• قال
• مباراة الافريقي مسئولية ميشو
• ايها الثرثار بمزاج نزيدك من الشعر قصيده كامله
• مباراة الافريقي مسئولية ميشو
• تسجيل فيلكس مسئولية ميشو
• هدف ساكواها مسئولية ميشو
• الخروج امام الافريقي اقصد الصفاقسي مسئولية ميشو
• ديون الهلال مسئولية ميشو
• شناة الاستاد مسئولية ميشو
• الطقيع بالحجار مسئولية ميشو
• الطقيع باللسان مسئولية ميشو
• سفر علولو مسئولية ميشو
• حضور عمك احمد هرمنا للخمسات والستات مسئولية ميشو
• حضوره لاي رقم قياسي جديد مسئولية ميشو
• عدم علاج ود الجنيد مسئولية ميشو
• اذا الرشيد باع مسئولية ميشو
• يباري بيكم ديمبا يلحقكم سيمبا
• مسئولية ميشو
• المويات الراكده خارج القلعه الزرقاء
• ندي القلعه الزرقاء
• مسئولية ميشو
• عشان ماقفل الماسوره الجابها معاهو من سيكافا دي
• ميشو
• فك البيرق يا اخوي
• بقت ظااااااهره
• المهم
• قالوا القمه تترقب قرعة كأس الاتحاد العربي للانديه
• لو ناس الاتحاد العربي اتذكروا انو في فريق عندو مباراة رد زايغ منها لليوم ببعدوهوا
• ولو ابعدوهوا تبقي مسئولية ميشو
• ايها الناس
• الانضباط قبل كل شئ
• وبله طالما اخطأ وتعدي حدوده وتماها مويه
• يبقي يتحمل نتائج ماحدث له
• لا نشكك في حماس بله وغيرته
• ولكن ان يعتقد بله بانه كبيييييييييير تبقي مشكله
• ويبقي لازم يعرف انو المريخ اكبر منه دون شك
• ايها الناس
• نحن لانتمسك بلاعب لا يتمسك بنا
• مهما كانت موهبته
• ولن يرهبنا بشمارات انو ماشي فريق كذا ولا كذا
• لان اللاعب يعلم قبلنا ان ليلة القدر ليله في الشهر
• لا تتوفر في كل الشهور
• المهم
• نريد ولاء وغيره وانضباط
• الماعندو ما حبابو
• البارسا اقصد الباشا لعاب
• والكوره في راسو في
• لكن تعامله بتراخي في بعض الاحيان يثيرنا جدا
• قليل من الجديه يا بارسا
سلك كهربا
كان نسيناك تبقي مسئولية ميشو
والي لقاء
سلك
babikir maki [b_silik@hotmail.com]
