بسم الله الرحمن الرحيم
في السلك
*سيكافا ثري
*سببت حرقة شديده في حشا بعض الناس
*لدرجة انهم شنوا حملة مسعوره ضد فرفور لانه قال حقيقه
*يعني يا فرفور يكضب يا تختوها ليهو !!!!
*الناس انواع
*نوع بكضب عديل كده بدون خجله
*ونوع بخجل وما بعلق علي الموضوع
*ونوع داير الناس تكتضب لشئ في نفس يعقوب
*النوع الاول زي الزول البقول ليك الهلال جاب بطولة جويه من الكنغو من تشاد من السوق
*المهم يدعي بواقعه عمرها ما حصلت
*الواقعه زاتها لو سمعت الكلام تخت ايدينها في راسها
*النوع التاني زي لما تقابل ليك هلالابي
*تجيب سيرة الجويات قدامو
*يسكت سااااااااااي
*خشمو ما بفتحو
*ده معترف ضمنا بتفوق المريخ جويا
*وبصفر الهلال دوليا
*عشان كده الخجله بتسكتو
*وده نوع صادق مع نفسو
*النوع التالت
*مقتنع بالحق لكن بنكرو
*و ماداير الناس تذكر الحق
*بزعل من الناس لو قالوا الحق
*وده زي ناس روشا
*حملة مسعوره ضد فرفور
*عشان فرفور قال غر المريخ مافي زول ساق هذا الشعب للمطار
*فرفور ماقال الا الحق
*زعلانين في شنو
*الساق الناس المطار قبل كده غير المريخ
*يجيب الفيديو ببتاعو
*او الصور ويورينا ليها
*ولو ماعندو ده كلو
*يسوق الناس المطار
*ويقيف وسط الزلط
*ويهتف
*ده كاسي الجبتو من بره
*فرفور ماكضاب يا ناس
*شوفو الكضاب وين
*المهم
*اول امس وفي الاحتفال المريخي
*تم تكريم فرفور الصادق الوطني
*وتاني فرفور قال نفس المقوله
*وداعبته الجماهير
*اقلب اقلب
*قال ليهم قررررررربت
*هو فرفور براهو
*البقيه تاتي كلما اتت طائره بداخلها بعثة المريخ
*ايها الناس
*المكضب فرفور يجيب كاسو ويحرج فرفور
*والمابجيب كاسو يبقي فرفور ما مقاسو
*فرفور قال الحق كل الحق ولا شئ غير الحق
*المهم
*وبالامس كانت نفرة اللجنه الماليه
*ويالها من نفره
*ونبارك للفريق فاروق وصحبه تلك النجاحات
*ولتستمر الحفلات الداعمه
*والافكار الاستثماريه
*والنفرات
*نحن في المريخ
*الخميس حفله
*الجمعه نفره بي حفله
*يعني لو كنا هلالاب
*خميس وجمعه دي كان قضيناها نوم ساااااااااي
*نمشي وين عاد
*ايها الناس
*لما تجي طياره في السما
*الجماعه بخشوا جوه
*طيارة الرش صعبه شديد
*ايها الناس
*لما يصل اي فريق سوداني لماوصل اليه المريخ من سته وتمنين
*تتشرف البلد
*ويهتف الشعب
*يا سلالالالالالالالالالام
*بعد كم وتلتين سنه عندنا فريق بقي زي المريخ
*نتمني ان تصل جميع الفرق السودانيه لما وصل اليه المريخ قبل تمنيه وعشرين سنه
*توتي بيت المال ابو حشيش الصحافه السروراب الامتداد هلال كادوقلي والثغر السهم اربجي زحل بمصنع الجنيد العصمه الكاملين شباب التي شيريتو حلفا القديمه الزهرة جبل اولياء قلب الاسد الهلال امدرمان وهلال ام صفقا عراض
*نتمني ان تصل لما وصل اليه المريخ قبل تمنيه وعشرين سنه
*لا لشئ
*حتي يكذبوا فرفور لما يقول غير المريخ مافي فريق ودانا المطار
*والي ذلك الحين
*تقيف امجاد بره المطار جمب جاد
*المهم
*محمد عبدالماجد ما ورانا
*قال خالد عز الدين رقمي وديجيقتال وبكتب بالارقام
*قلنا ليك يا حماده اسأل خالد
*رقم الهلال الدولي كم ؟؟؟
*طيب رقم الهلال الجوي كم ؟؟؟
*لو قال ليك اي رقم غير صفر
يبقي خالد محتاج درس عصر في الارقام
*واسألو
*سيكافا الجبناها اخيرا دي رقم كم ؟؟؟
*وسيكافا سته وتمنين كانت الكم ؟؟؟
*ومانديلا بالنسبه للجويات المريخيه رقمو كم ؟
*سيكافا تو كانت رقم كم ؟؟؟
*دبي الجويه الكم ؟؟؟
*الشارقه بطولتنا الجويه الكم ؟؟؟
*جوياتنا لي اسي كم ؟؟
*لو قال ليك يا محمد عبدالماجد في اي اجابه علي الاسئله الفوق دي صفر
*يبقي فرفور كضاب ونحنا زيكم صفر سااااااي
*واتصفري واتصبري
*ايها الناس
ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*نحنا ما بنحترم الوظيفه ولا الشغله المقسومه لينا
*تمشي الخدمه المدنيه يا والينا
*تلقانا يا في الفطور من تسعه لي اطناشر
*يا في الصلاه من اطناشر لي اربعه لما الترحيل يجينا
*مع العلم انو البكور جابوها عشان الفطور والكسل الفينا
*وانو العمره ما بتأخد اربعه ساعات يا والينا
*واحد من السعوديه ضرب لينا
*قلنا ليهو الموظف مشي الصلاه راجنوا يمضي لينا
*بعد ساعتين لقانا لسه واقفين لما ضرب لينا
*وبعدها بي ساعتين قال نحنا مشينا عمرنا وجينا
*وموظفكم لسه في الصلاه والخدمه عندكم في ايدي امينه ؟؟؟
سلك كهربا
ننساك كيف وعدم احترامنا لي وظائفنا هو المنشفنا
والي لقاء
سلك
b_silik@hotmail.com