كلنا بنطفح يا والينا .. بقلم: بابكر سلك

بسم الله الرحمن الرحيم
في السلك
*جمعه بالطائرة الي جوبا
*جمعه ماشي يودع اهلو
*جوبا
*جوبا مالك عليا
*جمعه ماشي لاهلو في جوبا
*ولا تعليق
*ياربي جينارو ابو جمعه خلي ابيي 
*ولا يكون قال لي جمعه لاقيني  في جوبا يوم الجمعه في سوق الجمعه يا جمعه
*ايها الناس
*كيف بس !!!
*ولماذا ؟؟؟
*وليه بس !!!!
*لكن اين مارتن ؟؟؟
*المهم
*تمت صيانة كبري كوبر
*وكوبري كوبر من اخطر الكباري في البلد دي
*حتتو عميقه وفيها التمساح
*كان الزول وقع منو يا في البحر يا في كوبر 
*ده من ناحية الغرب
*وكان وقع من ناحية الشرق
*وقعتو سوده
*اخير التمساح
*نأمل ان تكون صيانة كبري كوبر كانت جيده وبدقة شديده
*عشان مايقع زول ونبقي في الجقليب
*المهم
*هلالابي ظريف قال لي نحنا اعتمدنا في تسجيلاتنا علي الصغار
*وانتوا اعتمدتوا علي العواجيز
*قلت ليهو فعلا
*انتوا اعتمدتوا علي الصغار
*عندكم عندنا كرتونة فيها باقي (بامبرز) بتاع فيصل موسي وبزازه
*لي اسي ماعارفو مشي وين
*المهم
*نأمل ان يكون المع جمال الوالي
*والضد جمال الوالي
*ساهموا مع جمال الوالي
*موش ديل يصفقوا طوالي
*وديك يصرصروا طوالي
*ومافيهم زول بقول الشير ده من حر مالي
*المعارض لابصفق ولا بطقع ولا بجيب الحجار
*والمؤيد لابشارك ولا بعارك ولا بجيب المال
*غايتو ربنا يكون في عونك يا جمال
*ايها الناس
*خالد عزالدين ده قلب ولا شنو ؟؟؟
*الزول ده يا قلب يا مريخابي ماعارف روحو
*كتب خالد بالامس بعموده المقروء
*شكرا مهند…. معز ….عمر ….هيثم
*وشكر الرجل الناس ديل شكر جد
*واشاد بهم وبفترتهم مع الهلال
*وكلام زي ده ما سمعناهو من هلالابي اطلاقا يا خالد
*نحن عندما يذهب العجب نشكره ونحترمه
*وسفاري والسعودي وحموده وغيرهم
*حتي الشغيل نتمني له التوفيق
*برغم ان الشغيل بطئ ويكثر من التمريرات الخاطئه
*وفي كورة الوحدات
*كان سببا في اربعه اهداف
*برغم ذلك احترمناهو وتمنينا له التوفيق
*برغم انه مبوظ لعب عندنا
*وظهر عندكم كصانع لعب
*تطبيقا لنظرية ان الطشاش في بلد العمي شوف
*الا اننا ننبسط له كلما يتوفق معكم
*عفارم عليك وانت تكتب بكل صدق واحترام
*ومن يشكر الناس ياخالد يعرف قدر الناس
*ولذا يقدره الناس
*لان الانسان في تقديره للناس تقدير لنفسه عند الناس
*اعجبني ماكتبته بالامس ياخالد
*لدرجة اني بديت اصدق انك مريخابي ماعارف روحك
*ايها الناس
*انتو كردنه قال بكري ما بدقها نهائي 
*وقال ما بدقها كلو كلو ؟؟
*كان قال الاولي 
*يبقي كردنه (ماداير اقول كضب )
*ولو قال التانيه يبقي كردنه (ماداير اقول المره دي ماكضب )
*برازيلي وين ياكردنه !!!!!
*المهم شكوي كبسور في بكور مشت الخور
*ايها الناس
*امس بالصدفه سمعت نداء من امين عام الهلال
*قال الناس يجوا بي سرعه للاتحاد
*قال المفاجأه جات
*شخصيا حكاية هجم النمر دي ما بتحركني
*لذا ما مشيت
*لقيتوا النمر ولا كديس ساااااي !!!
*ولا صديقي عمده هو زاتو ما جا ؟؟؟؟
*غايتو اتخيلت انو كردنه يكون ربط المكنه لي عمده
*وعمده نشر الخبر ودور المكنه
*وكردنه سمع صوت عماد بنشر في المكنه
*قام جري علي الاتحاد قال يمكن كلام عماد صاح
*جحا بس يا كردنه
*كردنه يا حبيبي
*ايها الناس
*عندنا كلام لكيان المريخ
*مجلس اقطاب جماهير 
*لانو في حاجات مهمله
*واهمالها حايخلق مننا زمالك السودان
*ولن نرضي بوصف زمالك السودان يا ناس
*الموضوع داير شفافيه
*وحقو الناس ماتزعل للمصلحه العامه
*المهم
*ان تنصروا الله صدقوني ينصركم
*اها
*نجي لي شمارات والي الخرتوم
*كان شفت يا والينا
*امس قالوا لينا
*محاكمة الزيت الفاسد بدت 
*حتي الزيت يا والينا
*الزول والزيت والهوت دوق والمكيف ولمبة الزينه
*كلهم فاسدين يا والينا ؟؟؟
*كلمة فساد زمان ما كانت بتمر علينا
*الا في حالة واحده هي في الجنا جداد (البيض) يا والينا
*وكنا قادرين عليها بنعمل اختبار الجوده برانا يا والينا
*اختبار بسيط علمونا ليهو اهلينا
*نملي الكورية مويه ونخت البيضه يا والينا
*كان حتلت حلاته بتتاكل لينا
*وكان طفحت تحرم علينا
*اسي نجيب كورية كبيره نملاها موية يا والينا  
*ونخت المسئول والموظف والمواطن والزيت عشان نمرق الفاسد الفينا ؟؟؟
*الخوف نطفح كلنا يا والينا
*والله في ناس شدت ما بطفحوا يا والينا
*يمرقوا بره الكوريه ويخلونا نحتل مره ومرة نطفح ومرة تحتل بينا
سلك كهربا
ننساك كيف وموش في كورية فيها موية  في البحر نطفح 
والي لقاء
سلك
b_silik@hotmail.com