بسم الله الرحمن الرحيم
في السلك
• آل ايه !
• آل مقبره آل
• مقبرة مع الفراعنه !
• ده احنا عندنا مقبرة رمسيس يندفن فيها كل الناس والباقي نقسموا شقق تمليك
• بس انت تنزل مصر وعينك ما تشوفش الا النور
• الود حمص
• كان رايح في الشارع
• التلو يا ولا ياحمص بكره تيجي تتغدي معايا عاملك ملخويه بالارانب وجبنه اريش وكشري وعرق سوس
• آلي ما قدرش , اصلي مسافر السودان
• قلتلو ومسافر السودان ليييييييييييييييه !
• قال لي عندي واحد صاحبي سوداني مات يا رجاله بالانجليزي ورايح ادفنو وارجع
• قلتلو الله يرحمو
• قال يرحمو ده ايييه ! ده انا حاجيب الجثمان معايا واتاويه في السيده زينب
• التلو وحاتجيب الجثمان ازاي ؟
• قال لي انت ناسي اني فرعون بن فرعون ! ده انا حا حنطوا واحطو في شنطايه كبييره واجيبو
• الكبير كبير برضك يا عمده
• قلت لي اسلام يابت قومي غيري القناه دي
• اها
• كنت نايم حلمان
• تلفوني ضرب
• قلت الو 00 معاي منو ؟
• قالت لي معاك الكونفدراليه
• قلتها خير
• قالت لي زعلانه منكم
• قلت ليه
• قالت لي انا هينه ولا لينه اي زول تقولوا ليهو تمشي الكونفدراليه ! والله زول يتغلب في بلدو يجيني يدق الباب ما افتح ليهو , امال مكرر ده عملوهوا لييييييييه
• قلت ليها براحه يا كونفدراليه ما تزعلي
• قالت لي فوضي هي , شنو عدم الاحترام ده , انا فارغه لدرجة تجيبوا لي امادو ومنير وكاريكا وهليفه ؟ بايره ليكم ولا بايره ليكم ؟
• قلت ليها الناس ديل كويسين ما تشوفيهم كده , لكن يوم داك لعبوا لعب الخمسين ,
• قالت لي ومفلسين كمااااااان
• وقفلت الخط في وشي
• امس استمتعت بي حبيب البلد
• روشا الرائع كتب
• وهل مثل كامبوس ينبغي ان يستمر بعد فضيحة مازيمبي ( لاحظوا فضيحه ) لو لم نك اكبر قبيله ساذجه في متون التاريخ ؟ ( اتسذججي ) براهم قالوا سذاجه
• وكتب الرشيد
• نفرط في كواسرنا و نتردم مواسير ليس ورائها ذرة خير
• شوفوا كواسرنا دي فيها حسره كبيره علي كلتشي كيف ؟
• براهم قالوا مردومين مواسير
• مغلق السرور يا روشا
• وكتب الاستاذ خفيف الظل امير عبدالماجد
• خلف الله البرازيلي
• طبعا دي مادايره شرح
• وكتب
• امادو كان لاعبا فيهو عمار احمد الفاضل الامس ده يلعب
• ( ديل ماسورتين باعتراف امير عبد الماجد )
• وكتب
• يعني احمد الفاضل مانافع
• يمشي ويسوق معاهو كاريكا
• كاريكا حرق اعصابنا
• ( كده تلاته مواسير )
• وكتب يقلش منير ( اربعه مواسير ) فتذهب لاحمد الفاضل الذي يقلشها بدوره فتصل الي علاء الدين يخيب ظننا ويقلشها ايضا ( كده خمسه مواسير )
• وكتب بقينا قلاشاب
• طيب يا استاذ وكت المواسير عندكم قدر ده الجابرك عليها شنو ؟ مدير المويه انت !
• وكتب الرائع الواثق عبد الرحمن
• ننتظر الهدف الازرق فيضربنا محمد حمص بهدف عكسي يشير بجلاء الي اتجاه واحد 000 منير موسي ضل طريقه من اندية الحواري الي مصاف الانديه الاكبر في السودان
• ده منير الانتر يا استاذ
• وبعدين حمص لما عمل عملتو كان معاهو ديمبا
• تاني باري ديمبا
• يا هلالاب
• عينكم للفيل تطعنوا في الارباب
• عينكم للفيل تطعنوا في كامبوس
• عينكم للفيل القاعد في نص الميدان
• ساكتين ليييييييييييه
• رساله ظريفه من صاحب الرقم 0912467766
• تقول
• الدائره الانتخابيه رقم (1) المنطقه الصناعيه والعرضه شمال اسم المرشح ( محمد حمص ) اسم الحزب ( الاسماعيلي الديمقراطي ) الرمز ( المسمار )
• حبيب البلد عدد امس كان في غاية الروعه
• حانرجع ليهو
• آل ايه
• حقه بطلووووووده واسمعووووووووووووووده
• يا لهوي !
• اتحمصي
سلك كهربا
• لن ننساااااااك
• والي لقاء
• سلك
babikir maki [b_silik@hotmail.com]
