بسم الله الرحمن الرحيم
في السلك
• قلنا ليهم كأس السودان طول العمر ملك وسلك
• وفي السلك
• قالوا كاس السودان بودي وين ؟
• قلنا ليهم يعني لو مابودي ماضروري ؟
• قالوا طبعا
• قلنا ليهم كاس البلنتيات اقصد الممتاز بودي وين ؟
• قالوا بودي كاس الكباااار
• قلنا ليهم السنه الفاتت انتوا شلتوا الممتاز ؟
• قالوا لأ
• قلنا ليهم وبرضوا مشيتوا الكباااار
• مشيتوا معانا صحبة راكب
• واسي الاتحاد الافريقي قال نجي اربعه
• يعني تشيل ممتا وماتشيل ممتاز كلنا نمشي
• بحقنا
• يعني بمطق الجماعه الممتاز زاتو ما مهم عشان الناس كلها بتمشي
• قضينا موسم ممل
• لكن اهم اسباب تأرجح مستوي الزعيم خلال الموسم هو الموسم المقلوب
• بدأ الزعيم اعداده بالخليج
• قبل ان تأخذ العضلات فترة نضوجها وراحتها واراحتها كانت مباراة الزعيم في التمهيدي
• وبدأت طاحونة التنافس والجري
• دون ان تأخذ العضلات راحتها واطالتها
• دخل الفريق في تنافس دون ان ياخذ اعداده البدني والفني
• لذا كانت الاصابات
• كل مباراه تحتاج لعلوق شده في اللياقه
• الي ان اصيب الجميع
• السبب الموسم المقلوب
• كل شئ مقلوب
• الفاول كده
• تتقلب ضربة جزاء كده
• يا ايها الناس
• يا القلبتوا 2 الي 12
• اوعكم تقلبوا 2 الي 17
• ياجماعه
• يا القلبتوا الموسم
• اعدلوا بين الناس في اللعب في الطين
• واعدلوا الموسم
• الدنيا كلها بقت تمثل بره
• لاداعي للمحاباه وقلب الحقائق
• قال ناس حي العرب عندهم سي دي
• قلت ليهو ناس اول اغسطس برضو عندهم سي دي الحصل شنو ؟
• غايتو لو الاتحاد فتح حكاية حراس المرمي الاجانب دي الجماعه الايطيروا
• بعدين الاتحاد متمسك ليه
• لما يكون في حراس مرمي اجانب الوطنيين بعملوا حسابهم عشان يلعبوا
• يعني تاني حارس مرمي يصد كره في شمالو بي يمينو ما بلعب
• حارس امس يدخل فيهو قون من بره المرمي ما بلعب
• اقصد حارس مرمي يدخل فيهو القون الخامس من بره الخط مابلعب
• امس نسيت
• في الرحله ضبحنا خمسه خرفااااان
• اشتريناهم من الزول الجابهم عشان يضبحهم في المطار لما قودوين يجي
• قال لي العب العجب ولا البرنس
• قلت ليهو العب اقل من العجب عشان العب ناقصه الجيم
• تقول لي شنو وتقول لي منو
سلك كهربا
ياربي عاصمة الحديد بتبقي عاصمة الحرير! ما اظن
والي لقاء
سلك