بسم الله الرحمن الرحيم في السلك b_silik@hotmail.com *بحسب النقل الاذاعي امس *وحسب كلام المعلق مصطفي *المريخ ماكان كويس *وبذلك افتي المدرب فتح الرحمن بين الشوطين واثناء اللقاء *مصطفي قال بكري المدينه غائب في الشوط التاني *شخصيا افهم انها كلمة حق اريد بها باطل *ففتح الرحمن قال بالحرف الواحد *ان وسط المريخ لم يمرر للماهجمين الكرة *وان غالبية الهجمات اتت من كرات عشوائيه *وحتي هدف المباراه الاول جاء من واحده منها *يبقي اللوم لايقع علي المهاجمين حسب حديث المدرب فتح الرحمن *يبقي ماكان في داعي بعد الكلام ده *مصطفي يصف بكري بالغائب *الحته دي ذكرتني موقف *زماااااان *من الاستاذ الرشيد بدوي *كان معلقا علي مباراة للمنتخب *الوكت داك طمبل يادوبو جا المريخ *والاهله كانوا شانين عليهو حملة لتحطيمو *الرشيد في هجمه سودانيه *وصف فيصل عجب باوصاف عمرو ما وصف بيها لاعب كورة *فيصل الفنان اللعاب الفلته الاسطوره الفاهم الراقي *بمرر كوره جميله فيها خيال فنان *لكن لي منو يا فيصل ؟؟؟ *القصد لم يكن مدح فيصل *كان الانقاص من قدرات طمبل *ووصفه بانه لم يفهم باص فيصل *فمدح الرشيد فيصل عجب *ليس من اجل المدح ولا من اجل فيصل *ولكن من اجل الانقاص من قدرات طمبل *وطمبل لم يتحطم *بل حطم الذين يحاربونه وهزمهم كثيرا *لان شخصيته قويه *ولذا *بكري لاتقل شخصيته في قوتها عن طمبل *وعلي بكري ان يفهم ذلك *وان يستمر باصرار *وان يهزمهم كثيرا كما هزمهم طمبل *وعلي الشفوت ان يساندوا بكري حتي الشبكه *وان يناصروهو بشدة *وان يفوتوا الفرصه علي الذين يحاربون بكري *ايها الناس *المعلق يحدثنا عن ضربة جزاء ارتكبت مع احمد عادل *والمحلل الكوتش فتح الرحمن يحدثنا عن حالة تمثيل واضحه *ويستحق عليها احمد عادل الانذار *شفتوا البحصل ايه !!!! *ايها الناس *لو في مدرب افهم من غارزيتو *ومؤهل اكتر منو *وليهو من الخبرات ما يضاهي خبرات غرزه *وعارف ظروف لاعبي المريخ *بنقبل منو تقييم عمل غارزيتو *لكن ماممكن طبيب عمومي *في الامتياز *ينط لينا محللا لاداء اطباء برفسيرات في الشغله *كلو زول حقو يمد رجلينو قدر لحافو *المهم *جينا بتلاتة نقاط *نقطة تنطح نقطه *وده المهم في الدوري *والاهم ان يكون الجهاز الفني قد توصل لتشكيلة عزام الافريقيه *العودة لمنصات التتويج الدوليه هي هدف جماهير المريخ *بالذات وكنا علي تلك المنصات نختال *نحن لسنا صفرا دوليا حتي لا نعمل علي العودة لمنصات التتويج الدوليه *لغيرنا تلك المنصات حلم *واي زول ممكن يحلم باي شئ *طالما احلام جواهو مافرقت *غيرنا يحلم باعتلاء منصات التتويج الدوليه لاول مرة في تاريخه *يحلم بالوصول ونحن نحلم بالعوده *فرق بين الوصول والعوده *لما تصلوا بعد خرف ياروشا *نكون مشينا وجينا عشرين مرة *ايها الناس *بينما الامل يدب في الجماعه *اذا بعنكووووووووبي يعملها *عنكبه عشكبها في الزاويه ديك *الجماعه قاموا علي المغرب بدون وضوء *بالمناسبه *مباريات المريخ بالولايات *تلقي الاهله راقدين حيلهم ميييييييت *وبحضروا في الكورة *الزول تقول مركبين ليهو درب *المهم *كادوقلي كيف ؟؟؟؟ *وهل ثم هل , ولا هل وثم ماهل ؟؟؟ *الليله بنعرف *لكن الحته الضيقه الدخل فيها هلال كادوقلي السنه الفاتت *مافايته عليهو *واكيد بكون مصمم ما يدخل فيها *والدوري تلاقيط *من البدايه تلقط نقاط الخارج *بالذات من الفرق الضعيفه *قبل ما تقوي روحها في الدورة التانيه *وعلي هلال كادوقلي ان يلعب علي التلاته نقاط *لان الخصم مهزوز *مهزوز لدرجة ببكي علي خليفه *دي فرصتكم يا اولاد كادوقلي *تقرضوهوا قرضت الجقر لي كبري المنشيه *الهش بنقرض ساهل *انا شخصيا الليه خاشيها *بقعد جمب البرج البطفي براهو داك *المهم *نسأل عن اولاد الرديف ناس ابراهومه ونمر وحسن وخلافهم *هل غرزه نساهم ولا متناسيهم لحين ؟؟؟ *المهم *الجماعه من يوم خمسه قاعدين في النقطه خمسه *الليله لو اتحكروا في النقطه خمسه تبقي كملت المعدوده *ولو كملت المعدوده المقبره عدل *السترة واجبه *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *قصة المدارس دي اتلخبطت علينا *ناس شهر تسعه يقولوا لينا *وناس شهر سته يقولوا لينا *ناس البقولوا شهر تسعه يا والينا *قالوا عشان المطر ما ينزل في سبعه ويقلها لينا *وعشان رمضان ما يجهجه شفعنا البقولوا مع الصيام يا دوب بدينا *والناس البقولوا شهر سته يا والينا *قالوا رمضان شنو ؟ متين لي شنط شفعنا بالفطور ملينا *ومتين في المدرسه لقينا ازيار وكولرات ملوها لينا *وهي المويه زاتها في المدرسه قاعده تجينا ؟؟؟ *وبعدين قصة المطر يقفلها علينا *ما مشكله قالوا لينا *لو المطر ماقفلها يعني شنو البدرسوهوا لينا *براها قافله معانا ومقفوله برانا وبينا *ناس عسكريه وزراعيه خلو حصة يخصصوها يدرسوها لينا ؟؟؟ *وفي ناس قالوا يا والينا *لو الطريقه لا سته ولا تسعه الغوها لينا *اقول ليك يا والينا *الغيها لينا جقر كهربا ننساك كيف والشايل كتاب والشايل صندوق ورنيش والفارش العيش والرادم الخيش والسايق درداقه بشيش كلهم طلاب والي لقاء باجقر سلك
