بسم الله الرحمن الرحيم
سلكشن
• نحن شعب يؤثر , ولا يتأثر
• و حكاية اننا شعب يؤثر ولا يتأثر لدينا الكثير من الاثباتات والبينات التي تدعمها
• ولعل ابلغ دليل علي اننا نؤثر ولا نتأثر يظهر في قصة ود العمده
• قالوا في عمده
• متمني ولدو يتكلم انجليزي
• اها
• جاهم خواجه في القريه
• العمده قال لي اتباعو اقفلوا الخواجه ده مع ولدي في الديوان وما تفتحولوا الا بعد وليدي ينضم انجليزي متل الرصاص
• الجماعه ( غمتوا ) الخواجه و (حشروهوا ) مع الولد
• تلاته شهور الاكل بالشباك
• قراريص زي عجلات الحديد مقاس سطاشر
• المويه بالطاقه
• بعد تلاته شهور العمده قال ليهم الوليد بكون نضم انجليزي زي الرصاص , امرقوهم
• فتحوا الباب
• العمده عاين بفخر لي ولدو وقال
• اتعلمت انجليزي يا البوم ؟
• نطه الخواجه وقال
• باقي لي كان قفلتنا يا عمده شهرين تاني بومك بنضم انجليزي
• موش قلت ليكم نحنا شعب يؤثر ولا يتأثر
• وفي قصة عمده تاني
• ما العمده القبيل
• عمده في محل تاني
• العمد في البلد دي كتار
• المهم
• القصه القالوا فيها ان العمده له ابن يسمي العطا
• وكان العمده طموحا جدا ويحب ان يواكب ويتطور
• كان يري المستقبل في العطا
• كان مرادو يغمد ويفتح يلقي العطا حاجه كبيره
• بروفسير العطا
• شدة ما كانت تلك الرغبه ملحه لدي العمده
• كان بفتح خيالات كتييييييييييييره
• المثقفاتيه بسموها احلام اليقظه
• ويعتبر المثقفاتيه ان تلك الاحلام لا تقبل التشظيه ( جايه من شظيه )
• يعني لاتقبل التجزئه
• مرات مرات كان بسمع زي صوت نشرة الاخبار في الراديو
• خيالات
• يسمع ليك المذيع بقول
• قام بروفسير العطا ود العمده رئيس الوزراء ووزير الداخليه وكبير مستشاري الرئيس ورئيس اللجنه المكلفه بمتابعه الاعداد لما بعد الانفصال وعضو اللجنه الدائمه لترسيم الحدود الدوليه ورئيس لجنة ترسيم الحدود السودانيه والعضو المنتدب لمشروع مكافحة الملاريا والخبير الوطني في وأد الثورات العربيه والمحلل السياسي للاوضاع في الشرق الاوسط ورئيس لجنة تقسيم الثروات ونائب رئيس لجنة اعادة تأهيل مشروع الجزيره ونائب الامين العام لمشروع الكباري الوطنيه الحديثه وعضو مجلس الافتاء وعضو لجنة الحسبه ورئيس مشروع ترسيم خط الفقر للناس الفقر (بضم الفاء والقاف ) وعضو لجنة رفع الاسعار وامين مال لجنة رفع المعاناه , قام اليوم علي حيلو وعدل البدله وقعد تاني
• من شدة حلم العمده لابنه العطا كان يراه في كل المناصب وعلي كل الترابيز يجلس وفي كل اللجان يشارك ,ومن كل الوظائف يقبض ,ويحمله الشعب علي الالسن
• العطا قال
• العطا شال
• العطا خته ( مره مره )
• العطا قرر
• العطا فكر
• العطا دبر
• انها احلام العمده
• وكل زول حر في احلامو
• لكن بيني وبينكم لو يحلم العمده بتقديم العطا لاستقالته من المناصب التي يشغلها تفتكروا كم وظيفه في هذا الوطن ستصبح شاغره ؟
• هل حانسمع بخريج عاطل عن العمل ؟
• ياعمده …… أحلم لينا ياخ
• لو حلمت ياعمده ,الخريجين ديل في الفيس بوك ما بتلاقو
• كلهم بنهمكوا في اشغالهم ووظائفهم التي وفرتها لهم استقالات العطا ود العمده
• فكر يابه العمده
• نحن شعب يؤثر ولا يتأثر
• الناس كلها تأثرت بالعزيزي
• لكن نحنا تقاااااااااال
• عزيزي شنو البأثر فينا
• لكن
• العزيزي لو لاقانا قبل ينتحر كان لي اسي يقهقه ويقرقر
• قلت ليكم بنأثر
سلكتد
البلد بتقوم بي شبابه , و لا ايه يا عمده !
والي لقاء
سلك