بسم الله الرحمن الرحيم
في السلك
الحوثيون 10/1000
*بالامس تم تدشين مشروع الدعم المريخي
*المكان كان قدر المقام
*نادي النفط الرائع وادارته المضيافه
*الحضور من البكور
*مجلس شوري
*مجلس ادارة
*اقطاب
*جماهير
*وشفووووووووت
*ايمن المصري شرفنا
*وجميع القنوات والاذاعات الفيها فائده كانت حضورا مشرفا
*وكانت ضربة البدايه
*غايتو تاني قروشنا الا نختها دولار
*عشان المكان يشيل
*بالسوداني الا نخزنها في الوطن كلو
*المهم
*المشروع ناجح
*فقط يجب ان يدار بدقه وشفتنه
*ويا ادروب اللجنه الاعلاميه يجب ان تضم كل الاعلاميين
*مامعقول يكون معاويه الجاك واسماعيل حسن وحسن حمد بره منها
*مامعقول اولادنا المحررين الشفوت يكونوا بره منها
*مامعقول اعلامي زي زهير عبادي يكون بره منها
*وكل زول من ديل يستطيع ان يقدم الكثير في هذا المشروع الرائع
*والاستاذه الاعلاميه بدريه
*يمكنها من موقعها ان تقدم الكثير
*فهمتني يا ادروب ؟؟؟
*المهم
*البعض يتمني ان يخرجنا الترجي من المنافسه
*ونحن نريد ان نخرج الترجي من المنافسه
*ولينا اسباب
*اولها ان الترجي ليس اكبر منا
*وتانيها
*دايرين نلم الترجي والصفاقسي والافريقي في الكونفدراليه
*عشان التلاته يقعوا من الجماعه في مجموعه واحده
*طبعا اذا المكرر وقع الجماعه مع تشاد او افريقيا الوسطي
*خلاف كده المكرر بكون آخر مباريات اخوتنا الافريقيه
*المهم تمنياتنا لابو الهل ان يتخطي دور المكرر
*ويقع في مجموعه واحده في الكونفدراليه مع الترجي والصفاقسي والافريقي
*ارنب وسط ذئاب
*عشان ارنبنا السوداني ياكل الذئاب التونسيه
*كلو شئ وارد
*موش الجقور اكلت الكبري !!!
*المهم
*يقابل الهلال سونغا الكنغولي
*وسونغا في ناس في الكنغو ما بعرفوهوا
*لكن الهلال عودنا علي ان يخرج امام الفرق الكنغوليه
*لو قابل قميص كنغولي بطر
*خليهو فريق كنغولي
*وبحثنا عند عمك قوقل عن معني اسم سانغا في لغة الافارقه
*قال لينا وانغا يعني شنو ظ
*قلنا ليهو ماعارفين ؟
*قال وانغا يعني حمد
*وسانغا يعني حمدان
*المسرحيه بتقول حمدان قوم جيب شاي
*الله يستر حمدان ما يرسل للشاي
*المهم
*الترجي يشوف كونفدرالتو وين
*ويقابل زباينو هناك
*وشامي لي ريحة مطار
*ريحة المطار في البلد دي بنعرفها برانا
*منو الشماها معانا ؟؟؟؟
*عارف يا محمد عبدالماجد
*ريحة المطار
*مطار مطار
*عرفتها ؟؟؟
*ايها الناس
*الناس ديل جادين في بناء الجوهره
*امس مشينا نكشف
*الحقيقه بدوا
*لقينا سبعه حفر وسيخ
*ده كلام شغل عديل كده
*لكن نحنا كاصحاب طوابق من زمااااان
*بنعرف انو الطابق بكون فيهو سبعه وخمسين عمود
*امس لقينا سبعه حفر
*ماعارف يمكن الخمسين خفضوها الصينيين
*لكن احتمال الزول ده ما داير يعمل طابق
*السبعه اعمده ديل بكون داير يعمل بلكونه
*برضو حلوه
*اخير من عدمها
*لكن يظهر قعدة رواد النادي الشرفاء عند نوش حاتطول
*ماجد اسماعيل
*يا ماجد اسماعيل
*السبعه حفر ديل جقور ما بشيلن
*اجروا ليكم نادي سااااااااااي
*المهم
*واحد سالني عن سبب غياب سيمبو
*قلت ليهو سيمبو زي شريحة الدفع المقدم
*رصيدك كمل بقطع طوالي
*دق الرصيد يا كردنه شوف سيمبو ده قاطع رصيد ولا الشبكه كعبه !!!
*المهم
*نأيد كلام امير كمال
*الترجي لا يخيفنا
*نحترمو ونردمو
*ونشوف غيرو
*يشوف كونفدراليتو وين
*ايها الناس
*شرف المشاركه في مشروع 2870 شرف كبير
*والشفت ما بوصوهو علي ناديهو
*والتنافس بين الشفوت بدا
*الخطوه الجايه التحويل بالدولار والريال والدرهم
*اليورو والين والبر
*البر مهم
*الحبش ديل كلهم مريخاب
*والمريخ هو الذي يوحد اثيوبيا وارتريا
*لي اسي بكون الرقم وصل مليارين
*حاسب شركات الاتصال يومي يا ادروب
*الناس ديل ما عندهم خزن قدر المال ده
*ايها الناس
*علمتني امي
*قلت ليها في زول زعلان من صلعتي يا امي
*قالت لي يمكن بتذكروا سنكيت
*قلت ليها احكي يا امي
*قالت لي المثل بقول
*اربعمية دولار الخندقاوي لي اخوك بتداوي
*اليد العليا خير من السفلي يا ولدي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الغاز سته شهور رافض يجينا
*ويومو اليجينا
*يطرشق فينا
*يعني لازم الناس دي تعيش حزينه يا والينا !!!!!
سلك كهربا
ننساك كيف والغاز يا مننا يفرتق يا فينا يطرشق
اللهم اشفي المصابين يا رب العالمين وخفف عنهم
والي لقاء
سلك
b_silik@hotmail.com
