السودان محبوب عمومو
و رب العز حافظ تخومو
يصون شعبو و يزيل همومو
ويردع أعداه وخصومو
السودان محبوب عمومو
عشقنا لياليهو ونجومو
اهلنا حبايبنا و ديومو
خريفو وامطارو وغيومو
و حتي عجاجو او سمومو
بلدنا نريدو ومابنلومو
صباح الخير بالجد يقومو
حلال طالعين للعيش يرومو
والتلميذ يلبس هدومو
و اختو معا تراجع علومو
و شوف النيل والناس يعومو
وجيل الثورة الما بنومو
شباب ماهر عارف لزومو
حليلو هلالو حليل نجومو
نخيلو تبلديهو و دومو
طيورو قماريهو و بلومو
السودان محبوب عمومو
ورب العز يحفظ تخومو
eabter@msn.com
