بسم الله الرحمن الرحيم
في السلك
• امس حلمان انا ماشي في الشارع وبغني
• الليله والليله ***** دار ام بادر يا حليلا
• اريد زولي
• زولا سرب سربا **** وخلي الجبال غربا
• اريد زولي
• خلي الجبال غربا ***** خلوني النقص دربا
• اريد زولي
• زارعينوا في البوره **** وواطاتو ممطوره
• اريد زولي
• زولا سمح صوووره ***** بالفاتحه بندوره
• سمح زولي
• الليله والليله ***** دار ام بادر يا حليلا
• غنيه سمحه خلاص
• لكن ماعارف الخلاني اغنيها شنو
• اطربتني
• غنوا معاي
• الليله والليله ***** الليله والليله
• انشاء الليله الاتحاد يغلب
• اتنين واحد
• عشان نتفرغ للممتاز
• حلوه دي
• موش ! الاحد والاتحاد
• بتشابهوا الاتنين
• اها
• ياناس
• ماهو عيب عبدالله حسن عيسي حتي يحارب مثل هذه الحرب ؟
• وحتي لو كانت لديه عيوب الوقت غير ملائم للحساب والحديث عنها
• دعوا استقرار المريخ يستقر قليلا
• وسجلوا الاخطاء
• وعند نهاية الموسم تعالوا وحاسبوا ولا تأخذكم رأفة في مريخكم
• لكن ان نفتعل المشاكل في هذا التوقيت بالذات
• يبقي في ( ان ) في الموضوع
• ياناس الاتحاد
• احبكم
• الاتحاد السوداني لكرة القدم
• ما الاتحاد الليبي
• لكن ياناس الاتحاد حقوا تفهموا حاجه
• مريخية معتصم يجب ان لا تكون خصما علي المريخ
• بمعني ان لا يتخوف الدكتور معتصم ولجانه من اتخاذ القرارات الصحيحه والتي تكون في صالح المريخ خوفا من كلام الناس عن المحاباه للمريخ
• قبلك يا دكتور كان في الدكتور
• وكان الدكتور هلالي
• وبرضوا قالوا قاصدهم
• خالفوهوا لما نشف ريقو
• فما بالك انت المريخي يا دكتور
• افعل ما يريح ضميرك
• واتخذ من القرارات ما تراه مناسبا
• دون اعتبار لاي ردود افعال يكون منبعها وسندها عدم المنطق
• ومحاولة التأثير علي قراراتك
• والله ينصر الاتحاد
• الاتحاد الليبي اسي الجاب سيرتو منو
• الاتحاد العام
• الليله دي ماعارف قلبي منشرح شديد كده ليه
• اللهم اجعله منشرحا دوما يارب العالمين
• الليله بدري ماشين كورة الاتحاد
• حانستمتع باذن الله
• ونرقص ونغني في كورة الاتحاد وبعد كورة الاتحاد
• نغني الليله والليله دار ام بادر يا حليلا
• كورة الاتحاد الضدنا
• والاتحاد ضدنا
• اتحاد مدني ما الاتحاد العام
• غايتو حسب البعرفوا انا يستحيل اتحادين يتغلبوا في يوم واحد
• لازم واحد يغلب وواحد يتغلب
• ياربي منو في الاتحادين البتغلب ؟
• اها
• ياناس
• لو عندك لاعب فلته
• حاول يرتاح شويه
• اخير تخليهو في الكنبه
• ويفضل برضو لاعبك
• عشان وكت تحتاج ليهو يلعب طوالي
• ولا اخير تشطبوا ؟
• مالكم ومالوا يوديها المفوض
• ما يوديها
• الفارق معاكم شنو ؟
• هووووووووووووووووي
• هوووووووي ياااااااااااا
• اوعه
• اها
• لاقيت زولنا بتاع امس
• الزول المابجي منو
• قلت ليهو حفظت كويس
• قال يعني نعم يعني يعني يعني
• قلت ليهو قول اسكتشات
• صنقع ودنقر وخت يدو في جبهتو وقال أخ خ خ خ خ
• قلت ليهو مالك ؟
• قال لي نسيت
• قلت ليهو من امس في كلمه واحده وتنسي ؟ ده مخ شنو ده ؟ مامشكله خلي بالك
• انتبه شديييييييييييد
• قول اسكتشات
• قال استكشاااات
• قلت ليهو خليناها
• قول اسكراتشات
• قال لي استراكشات
• مشيت خليتو
• ماممكن
• فظيييييييييع
سلك كهربا
وريني بس ننسي كيف
والي لقاء
سلك
babikir maki [b_silik@hotmail.com]
\\\\\\\\\\\\
