سودانايل أول صحيفة سودانية رقمية تصدر من الخرطوم
أخبار أخرى
سلام
الثورة وقعت في البير…
و الجاني واحد خنزير…
رَبَّاطِي و كمان شرير…
رَبَّاطِي شَغَّال تقتيل…
بالدُّوشكَا إغراق في النيل…
و بصاص شايل خازوق…
و شباب مكتول محروق…
و الثآئر مضروب في الرأس…
و صدور مليانة رصاص…
و العسكر كتمو الأنفاس…
العسكر واقف طابور…
و خلوق مدفونة في خور…
و عدالة ما زالت في الغيب…
مقتولة و منتظرة أديب…
و أديب مختوت في جيب…
و الشعب خايف جيعان…
و حركات تسرق حيشان…
شيكات مدفوعة غلول…
و أورال تصارع في فلول…
و تماسيح مشروع تسمين…
تتصارع في مال التعدين…
و متمرد شايل سكين…
رَبَّاطِي في شارع ستين…
رَبَّاطِي شايل خابور…
رَبَّاطِي بالشر مأمور…
متفلت يحمل رشاش…
و القآئد واحد غشاش…
و الهون ضرب التلفون…
و دَلدُول واقف كَرَكُون…
كَرَكُون يحمي في سفارة…
سفارة مثل الكَرَخَانَة…
كَرَخَانَة مليانة قذارة…
و تهريب معدن طيارة…
و نفوس بالسوء أَمَّارَة…
مبيوعة لجهات غَدَّارَة…
و حكومة للناس معروفة…
و كراسي جات في مصفوفة…
و تحاصص في ولاية كراسي…
و تحالف على بر ما راسي…
و مسئول جهلول ضِلِيل…
و وزير مغرور و عميل…
و طيارة رَاكبَهَا وزيرة…
و الوالي شَغَّال كَمَرِيرَة…
و حركات مرتزقة عميلة…
حركات فاسدة و مأجورة…
و ألقاب في سوق ماسورة…
و الحاكم واقف بِغَادِي…
في حُرقَة للفُرقَة ينادي…
و خطاب مليان كراهية…
و رسآئل ضد الوطنية…
و تحقير ببذآءة دنية…
و أكاذيب عن التهميش…
و مزاعم في نقاط تفتيش…
عن مركز قابض على سلطة…
و الحاكم دَيَاشِي في أورطة…
دَيَاشِي واقع في ورطة…
دَيَاشِي شغال في السوق…
تَشاشِي مزارع سمسار…
صَرمَاتِي و كمان جزار…
مرتزقة و مقاول أنفار…
دولار و فروق أسعار…
و الخير زايد لكن مَمحُوق…
مسروق بالناس الفوق…
و الريس ناقص طايوق…
و أحزاب كيمان كيمان…
تتصارع على كرسي السلطان…
و فساد في كل مكان…
و الضآئع شعب السودان…
سودان خَرَبُو الكيزان…
كيزان أخوان شيطان…
و إبليس واقف حيران…
فيصل بسمة
fbasama@gmail.com
