سودانايل أول صحيفة سودانية رقمية تصدر من الخرطوم
أخبار أخرى
ضرب عوض الجيد حقته ضربتين وكور منها سفة تمباك مدنكلة ومط شفته السفلى ووضع عليها سفته ونفض يديه وعدل طاقيته ذات اللون البرتقالى وسرح بخياله بعيدا ،ساله صديقه ود الجبدو هاااا زول سرحت وين ؟
*عوض الجيد* : والله فى حال البلد الطين دى !!
*ود الجبدو* :- يااااها بلدنا .. ماشين منها وين ؟اللهيهدى كبارنا ؟!!!
*عوض الجيد* :انت عارفين مشكلة البلد فى شنو ؟
ساله صديقه ود جبدو : اااها ورينا انت سيد الفهم والرأى !!
قال :(مشكلة البلد الان فى العقل الجهوى الذى يريد توظيف موارد الدولة لتحقيق مآرب شخصية او حزبية او جهوية ولاينظر لمصالح البلد وارادة الشعب العظيم
*ود الجبدو *: حرم ،كلامك بقى دراب دراب ما فهمت منه التكتح.
*عوض الجيد*: كلامى واضح داير ليه زول يفهم ،والبلد دى تاقصة ليها(دليل)و انت كان خليت (حركاتك)دى بتفهم.
تناول ماتبقى من قهوته وعدل طاقيته الى مقدمة راسه وضع عصاته على كتفيه واندس فى الزحام .
khalidoof2010@yahoo.com
//////////////////////////
