طبع مع إسرائيل .. بقلم: د. أحمد محمد عثمان إدريس
24 أكتوبر, 2017
د . أحمد محمد عثمان إدريس, منبر الرأي
38 زيارة
-قلنا الموت لامريكا وقاعدين نطبع علاقاتنا مع امريكا دا الوقت .
– ايه الغريب والعجيب ان نطبع علاقاتنا مع إسرائيل
– كل الدول العربية مطبعه علاقاتها مع اسرائيل الدولة الصديقةز
– مافي داعي نذكر الدول اللي مطبعة علاقاتها مع اسرائيل ومعروفه كمان للقاريء الكريم
– ولا نحن لسع شايلين الحنين نرجع لمحور الشر ( كوريا الشمالية،ايران ،حماس، وفنزويلا)
– ايه استفدنا منهم غير الشقى والظنون
– بعدين نقولكم نحن اسرائيل موجوده عندنا بكثرة
– جواسيس سودانين ، مصنوعات إسرائيلية ( علني او مخفي)
– والناس المستثمرين ديل اغلبهم لديهم ارتباطات باسرائيل( تركيا ، كويا الشمالية وغيره)
-بعدين المنتجات الإسرائيلية مليانه السوق بمسمى أخر ( مافي داعي نذكره)
-مستثمرين كثر يستوردوا من إسرائيل ويختوا بس دباجه (غير) ويمشوا الموضوع
-قبل ايام مطاعم سودانية وبوسط الخرطوم بها مصنوعات إسرائيلية (عين يا تاجر) بدون تورية ولف ودوران ومنهية الصلاحية( هي لله).
-ديل محميين من شركاء بالسودان.
-ماقالوا في مكتب تسيير او خدمات في إسرائيل تابع للحكومة
-كل الدول العربية فاتحه سفارات منها العلنية ومنها السرية.
-حتى السياح الخليجين قاعدين ينعشوا السياحة الاسرائيلية بعد سقوط سوريا ولبنان ومصر
-قاعدين يجوا الشرم الشيخ ومن شرم الشيخ بيدخلوا طيران الى إسرائيل
-لاتوجد اختام داخل جوازاتهم
– وفي سياح خليجين بيسافروا كمان عن طريق لندن
-قالوا قاعدين يمشوا هناك سرا
– مدخلات السياحة الخليجية في اسرائيل بلغت رقما كبيرا
– المناضل الشهيد خليل ابراهيم قال قبل كدا ( الجماعة ديل بيخلوا طياراتهم في الاردن ويسافروا لإسرائيل)
– وفي البرلمان بتاعنا كمان ناس برطم موافقين على التطبيع لمصالحهم، ونحن موافقين عشان نهاجر(تب) ولا نغترب من اجل ان لانعود عشان نخيليها لاهلها الحادبين عليها ( هي لله)
-مصر اكثر من اربعين سنة مطبعة ومتطبعه مع إسرائيل وامريكا وراكعة وعايشه في امان
– نحن مالنا ومال الكلام دا
-ما نطبع ونتطبع ونعيش في سلام
– طبع مع اسرائيل نتطبع على الاستقرار
writerahmed1963@hotmail.com
سودانايل أول صحيفة سودانية رقمية تصدر من الخرطوم
